radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ފާސްދޯރު
ނ (1) އެއްކޮޅު ހިމަކޮށް ހަދާފައި ހުންނަ ދަގަނޑު ބުރިއެއް. މިއީ ޖަސްތުން ނުވަތަ ޓިނުން އެއްކޮޅުން ހިމަކޮށް އެއްޗެހި ހަދާއިރު އެއަށް ލައްވައިގަން ތަޅައި ސިފަގެންނަން ބޭނުން ކުރާ އެއްޗެކެވެ. (2) ވާ ފަލަސް ކުރުމަށް ގެންގުޅޭ އެއްކޮޅަށް ހިމަކޮށް ލަކުޑިން ނުވަތަ މަޢުދަނުން ހަދައިފައި އޮންނަ އާލާތެއް
ފިހާރައަށްދާ ކުޅިގަނޑު
ނ އޮށްވަޅު ކުޅުމުގައި ކުޅޭ ކުޅިގަނޑެއް މިއީ ކުޅޭ މީހާ އިންނަ ފަރާތަށް އެކަނި ބޮލިއަޅައިގެން ހުރިހައި ވަޅުތަކުންވެސް ފިހާރައަށްގޮސް ހުރިހައި ފުއް ހުސްކުރާ ކުޅިގަނޑެކެވެ މީގައި ބޮލިއަޅާނީ އެއްވަނަ ވަޅަށް )ފިހާރައާ އެންމެ ކައިރިވަޅަށް( އެއްފުއް ދެވަނަ ވަޅަށް ދެފުއް މިއުސޫލުންނެވެ
ފިހިގަނޑު
ނ (1) ބޮނބި ނުވަތަ އެފަދަ އެއްޗެއްގެ ނަރުން ހަދައި ދަނޑިއެއް ލައިފައި އޮންނަ އެއްޗެއް. މިއީ ކުނިކަހަން ބޭނުންކުރާ އެއްޗެކެވެ. (2) ތަރަފާލާއި ތަޅުންގަނޑު މަތިން ހިރަފުސް ފިލުވަން އުއި ފަށްތަކަކުން ހަދައިގެން ގެންގުޅޭ އެއްޗެއް. ހިރަފުސް ފިލުވުން މި ބޭނުން ކުރަނީ ފެނުން ތެންމައިލައިގެންނެވެ (3) ފިހިގަނޑު ބުމަރު ޖަހަން ރޯ ދިއްގާ ދަނޑިން އެއްކޮޅުގާ ވަކަފަށްތައް ހުންނަ ގޮތަށް ހަދާ އެއްޗެއް
ފިރުކިގަތުން
މ އަތުގެ ތެރެއިން ދެމިގަނެގެން ދިއުން. މިސާލު: މިޔަރު ދުއްވައިގަތްލެއް ބާރުކަމުން ނަނު ދިޔައީ އަތުތެރޭން ފިރުކިގެންނެވެ
ފިރޯށި
ނ ބަރަންޏާއި ކަސަބާއި އުއިފަދަ އެއްޗެހި އޮޅަން ހަދައިފައި ހުންނަ އެއްޗެއް މިއީ އެނބުރޭގޮތަށް ދަނޑިއެއް ލައްވައިފައި ހުންނަ އެއްޗެކެވެ
ފިއްތިފުޅި
ނ އިހުގައި ރަސްކަލުންނާއި އަމީރުންނާއި ވަޒީރުންގެ ސަންދޯންޕުޅު ގެންދާއިރު ފިނިފެން ޖަހަން ގެންގުޅޭ ފުޅިއެއް. މި ފުޅި ހުންނާނީ ފަތިކޮށް މެދަށް ފިއްތާލާފައެވެ މިއީ ނޫކުލައިގެ ފުޅިއެކެވެ މިފުޅި ފިނިފެން ޖަހަން ގެންދަނީ އުނަށްދިން ފޭއްޔެއް އޮޅާލައިގެންނެވެ
ފިއްޖެހިފާނަ
ނ ފަރުމަހުގެ ބާވަތެއް މިއީ މުށިކުލައާއި ކަޅުކުލައިގެ ލައްތަކެއް ހުންނަ މަހެކެވެ
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިތްދާލި
ނ ދިވެހި ބޭހުގެ ބާވަތެއް މިއީ ގައިން ފިތްނެގުމުން ގާނައިގެން ވަށާން ނުވަތަ ބޯން ބޭނުން ކުރާ ފިތްފިތަށް ހުންނަ ލަކުޑިއެކެވެ
ފިލާއެޅުން
މ ދަތުރުކުރާ އުޅަނދު ހުރިތަން ދެނެގަތުމަށްޓަކައި ހިސާބުކުރުން. މިއީ ޢަރުޟާއި ޠޫލު ދެނެގަތުމަށްޓަކައި ސިކިސްތާނު ނުވަތަ ގޮއިދުރުވާނުން އިރަށް ނުވަތަ ތަރިއަށް ބަލައިގެން ކުރާ ހިސާބެކެވެ
ފިލިކުރި
ނ (1) ފިލިގަހުގެ ކުރި މިއީ ބޭހަށް ބޭނުންކުރާ އެއްޗެކެވެ (2) ފިލިކުރުން މިބަހުގެ ނިމިނިމުނުކަން
ފިލިތޮށި
ނ ފިލިގަހުގެ ތޮށި މިއީ ބޭހަށް ބޭނުންކުރާ އެއްޗެކެވެ
ފިސްތޯލަ
ނ ކުޑަބަޑިއެއް މިއީ އެއްތަނުން އަމާޒުކޮށް ގޮއްވާލެވޭ ގޮތަށް ހަދައިފައި ހުންނަ ހަތިޔާރެކެވެ
ފިޔަލަ
ނ ކަނޑުގައި އުޅޭ ފަރުމަހެއް. މިއީ ފަތިދިގުކޮށް ހުންނަ މަހަކެވެ މީގެ ކޮތަރި ބޮލުން ފެށިގެން ނަގޫފަތާ ހަމަޔަށް ހުންނާނެއެވެ
ފިޔާ
ނ ކާ ތަކެތީގެ ރަހަމީރު ކުރުމަށާއި ބޭހަށް ބޭނުންކުރާ ތަރުކާރީއެއް މިއީ ބިމުގެ އަޑިއަށް ފައިބާ އެއްޗެކެވެ މީގެ ބޮޑެތި ބާވަތާއި ކުދި ބާވަތް ހުރެއެވެ
ފީރުމުރަނގަ
ނ ހުދުކުލައިގެ މަލެއް އަންނަ ހިމަދިގު ތޮޅިތަކެއް އަޅާ ފަތްކުދި މެދުމިނުގެ ގަހެއް މިއީ ތަރުކާރީގެ ބާވަތެކެވެ
ފީބޯމިޔަރު
ނ ފީމިޔަރު މިއީ އަތޮޅުން ބޭރު މާކަނޑުގައި ދިރިއުޅޭ މިޔަރެކެވެ މިއީ ވަރަށް ބޮޑު ވަރަށް ބަރުހެލި މިޔަރެކެވެ ވަރަށް މަދުން މެނުވީ އަތޮޅުތެރޭގެ ތިލަކަނޑު ތަކަކު މިމިޔަރެއް ނޫޅެއެވެ
ފީކިރިލި
ނ މަސް އައިން މަތީގައި އުޅޭ ކުޑަ ދޫންޏެއް މިއީ ވައްލައާ އެއްކަހަލަ އެއަށްވުރެ ކުޑަ ދޫންޏެކެވެ
ފުށުން
އ (1) ކިބައިން (2) ފަރާތުން މިސާލު: ތިޔައީ އޭނާގެ ފުށުން ވީ ކަމެކެވެ ތިޔައީ އޭނާގެ ފަރާތުން ވީ ކަމެކެވެ
ފުށްބަތް
ނ ހުންޏާ ގޮދަން ފުށާ އެއްކޮށްގެން ކައްކާ އެއްޗެއް މިއީ ފުއް ފުކަށް ހުންނަގޮތަށް ކައްކާ އެއްޗެކެވެ