radheef.info
ރަދީފު


އޮޑިކާ ބޮޑުމަސް
ނ (1) ބޭރުކަނޑުގައި އުޅޭ ބޮޑެތި ބިޔަމަސް (2) ހުއިފިލަނޑާގެ ބަނޑުންވިހާ ބިއްލޫރިކޮޅެއްހެން ހީވާ މަހެއް
އޮޑިވެރިޔާ
ނ ފުރާ ދުއްވާ އެއްޗެއްގެ ވެރިމީހާ މިބަސް ޢާއްމުކޮށް ބޭނުންކުރަނީ ރިޔާނަގައިގެން ދުއްވާ އެއްޗިއްސާގުޅޭ ގޮތުންނެވެ
އޮޑިމޯ
ނ (1) ވަޑާންކުރާއިރު ގެންގުޅޭ އާލާތެއް. މޮހޮރުނަގަން ބޭނުންކުރާ ތަނަކާއި މޮހޮރުޖަހަން ބޭނުންކުރާ ތަނަކާއި އެއްޗެތިފަޅަން ބޭނުންކުރާތަނެއް މީގައި ހުންނާނެއެވެ. މ. މަޖާޒު: (2) އެދުންވެރިކަމުގެގޮތުން ވަކިޖިންސަކަށް ބެލުމެއްނެތި ދެޖިންސާވެސް ގުޅުންބަހައްޓާ މީހުން
އޮޑިފަތި
ނ ކުޑަކުދިން ކުޅެންގެންގުޅޭ އެއްޗެއް މިހުންނާނީ އެނބުރިއެނބުރި ހުންނަ އޮޑިތަކެއްހެނެވެ
އޮޑިދޮށުންތިލަވުން
(1) މަސްއައިނެއް ނުވަތަ އެނޫންވެސް އެއްޗެއް އޮޑިކައިރިން ފެނުން މަޖާޒު: (2) ބޭނުންވެގެން އުޅޭ ކަމަކަށްޓަކައި މާބޮޑު މަސައްކަތެއްނުކޮށް ހުއްޓާ ކުއްލިއަކަށް އެކަންވާގޮތްވުން (3) ބޭނުންވެގެންއުޅޭ ކަމެއް ކުއްލިއަކަށް ކާމިޔާބުވާގޮތްވުން
އޮޑިދޮށުންޖަހާލުން
މ (1) އޮޑިއާއި ވަރަށް ކައިރިން މަސްފުމުން މަޖާޒު: (2) ބޭނުންވެގެން އުޅޭކަމެއް ކުއްލިއަކަށް ކާމިޔާބުވުން
އޯވަރު
ނ ކިރިކެޓް ބޯޅަ ކުޅޭއިރު ބޯޅަ އުކާ މީހާ އެއްދައުރެއްގައި އުކާ އުކުންތައް
ވަހަށްއައުން
މ (1) ވަހުގެ އިޙްސާސް ލިބިގެން އެދިމާއަކަށް އައުން (2) މަޖާޒު: ކަމަކަށް ކައްކައިގެން އުޅޭތަނަކަށް ނުގޮވަނީސް އައުން
ވަހެއް ދުވުން
މ (1) ކޮންމެވެސް ވަހެއް ނޭފަތަށް އިޙުސާސްވުން މަޖާޒު: (2) ކަމެއް ހިނގާކަން ތިމާއަށް އެނގިގެން އެހެން މީހުންނަށް އެންގުމަށްޓަކައި އިޝާރާތަކަށް ބުނެއުޅޭ ބަހެއް (3) ކަމަކާ ދޭތެރޭ ގޮތަކަށް ހީވުން
ވަށަބުޅި
ނ މަސްބާނަން ގެންގުޅޭ ބުޅިއެއް މިއޮންނާނީ ކަނިފަށްނުލާ އާދައިގެ ބުޅިއަށްވުރެ ވަށްކޮށެވެ
ވަށައިކޮރުން
މ ވަށައިގެން ކޮރުން މިއީ މުށިކުޅޭއިރު ކުރާކަމެކެވެ
ވަށިބޭލުން
މ (1) ދަތުރުވެރިއެއްގެ ގޮތުގައި އުޅޭއިރު އަންނައުނުލާން ގެންގުޅޭ ވަށިފޮށި ގެއެއްގައި ބަހައްޓައިގެން އުޅުން (2) މަޖާޒު: އިހަށްވަދެ ނޫޅޭތަނަކަށް ވަދެ ގަދަކޮށްލައިގެން އުޅުން
ވަށިފޮށި
ނ (1) ދަތުރު ފަތުރު ކުރުމުގައި ގެންގުޅޭ ފޮށި (2) އެއްތަނަކުން އަނެއްތަނަކަށް ގެންދެވޭ ތަކެތި އަޅައިފައިވާ އެއްޗެހި
ވަށިގަނޑު
ނ (1) ކަރުދާސް ފަދަ ތަކެތި އަޅާން ލިޔާމޭޒު ކައިރީގައި ބަހައްޓާ ވަށި (2) ހަނޑޫ ކަނޑާ ވަނެއްގެ ސިފައިގައި ތިރިކޮށް އެއްތެލުން ހަދައިގެން އިށީންނަން ގެންގުޅޭ އެއްޗެއް (3) ބާވެފައި ހުންނަ ވަށި
ވަށްރޮނގު
ނ (1) ވަށްކޮށް އަޅައިފައި އޮންނަ ރޮނގު (2) ދެބަޔަކަށް ބެހިގެން އެއްބަޔަކު ވަށްރޮނގެއްގެ ތެރޭގައި އަނެއްބަޔަކު ބޭރުގައި ތިބެގެން ކުޅޭ ކުޅިވަރެއް މިއީ ދިވެހި ފިރިހެނުންގެ ކުޅިވަރެކެވެ
ވަށްލަނޑަށްއެއްލުން
މ ފަސްއޮށްކުޅޭއިރު އަތްތިލައިގެ ތެރޭ އޮށްބައި ރުވާލުމަށްފަހު ފަސްގަނޑުމަތީ ވަށްކޮށް އެތުރިގެންދާގޮތަށް އެއްލާ އެއްލުމެއް
ވަނަން
ނ އަސްލު ނަން ފިޔަވާ މީހުންނަށް ކިޔާއުޅޭ ނަން
ވަނި
ނ (1) ފުއްޓަރު ފަރާތުގައި ގޮނި ގޮންޏަށް ވަދެފައި ހުންނަ އޮއިހެޔޮ ވަތްހެޔޮ ތަންތަން މަޖާޒު: (2) ނަހަމަގޮތުގައި ބައްދަލުވެއުޅޭ އެކަހެރި ތަންތަން (3) މަޖާ ވާހަކަ ދައްކައި ނުވަތަ ކޮންމެވެސް ކަމަކަށް ސައްލާކޮށް އުޅުމަށް ކަނޑައެޅޭ ބަޔަކު އެއްވާ ތަން
ވަންގަނޑުފުރޭތަ
ނ ކަނޑުން އަރާކަމަށް ބުނެއުޅޭ އިފުރީތެއް މިއީ ހަނޑޫކަނޑާ ވަނެއްގެ ސިފައިގައި ހުރެގެން އެއްފައިން ހިނގާ އެއްޗެއްކަމަށް ބުނެއެވެ
ވަރުވާ
ނ ރަށެއް ނުވަތަ ތަނެއް ނުވަތަ ރުއްގަސް ސަރުކާރުން ލިއުއްވައިގެން ބޭނުންކުރާ މީހާ ސަރުކާރަށް އަހަރު އަހަރަށް ނުވަތަ މަސްމަހަށް ދައްކާންޖެހޭ ތަކެތި )މިފަދަ ތަނެއް ލިއުއްވައިގެން އުޅޭ މީހާގެ އަތުން ދެވަނަޔަށް ލިޔުއްވައިގެން އުޅޭމީހާ ފުރަތަމަ މީހާއަށް ދޭތަކެއްޗަށްވެސް ވަރުވާއޭ ކިޔައެވެ