radheef.info
ރަދީފު


ހެން
އ (1) ކަހަލަ (2) ފަދަ (3) އެއްގޮތަށް މިސާލު "ކަލޭ ބައްޕަ އުޅޭހެން އުޅޭ" (4) ވައްތަރަށް
ގައިކޮޅުގައިގާދުރު
ގބ (1) އެއްޗެހިއުކާއިރު ނުވަތަ އެއްޗެއް އެއްލާއިރު އެއިންރައްކާތެރިވުމަށް އެހެން މީހުން ސަމާލުކުރުވުމަށް ބުނާބަހެއް (2) ކަމަކާ ތިމާއާ ގުޅުމެއްނެތްކަން އެންގުމަށް ބުނެއުޅޭ ބަހެއް މިސާލު: ތިޔަ ކަންތަކާމަށާ ގައިކޮޅުގައިގާ ދުރެވެ
ގަދަކުރުން
މ (1) ފަރުވާދީ ފަސޭހަކުރުން (2) ބަލިތަނެއްގެ ބަލިކަން ކެނޑުވުން މިސާލު: ފުޅައް ބަލިވެފައިހުރީމާ ގަދަކުރަން މުޑިޖެހުން (3) މަޖާޒު: ބޭނުންވުމާއެކުވެސް ބޭނުންނުވާގޮތް ދެއްކުން (4) ތިމާގެބަސް އެހެން މީހުންގެ މައްޗަށް ހިންގުން (5) ތަނަކަށް ވެރިވެގަތުން (6) ވިއްސާރަވެ ވައިގަދަވުން
ގަދަކެއުޅު
ނ މަޖާޒު: (1) ތިމާއަށް ފެންނަގޮތް ދޫނުކުރާމީހާ (2) އެހެންމީހުންގެ ލަފާ ޤަބޫލު ނުކުރާމީހާ
ގަތްވަޅަށްމިޔަންއައުން
މ )މިސާލުބަހެއް( ކުރިން ތިމާ އުޅެމުން އައި ތަނެއްގެ މަތިން ފޫހިވެގެން އެއަށްވުރެ ރަނގަޅު ވާނެކަމަށް އެހެން ތަނަކަށް ގޮސްފައި އެތަނެއްގައި ނުއުޅެވިގެން ކުރިން އުޅުނު ތަނަށް އަލުން އެނބުރި އައުމުން ބުނެއުޅޭބަހެއް
ގަލަންޖެހުން
މ ހިމަ އޮނު ބަދައެއްގެ އެއްކޮޅު ކައްޗަށް ކަނޑައިލައިފައި އެތަން ގަލަމު ތުނޑެއްހެން ހެދުން
ގަލަދުން
ނ ގާނައި ހިމުންކޮށްގެން ލޮލުގައި އެޅުމަށް ބޭނުންކުރާ ކަޅުދެލިހެން ހުންނަ ހަރު އެއްޗެއް
ގަޑުބަޑު
ނ (1) ތަޣައްޔަރު (2) އަސްލާއި އެހެން އެއްޗެއް އެކުވެފައިވާވުން (3) އޭގެ ޒާތުގައި ހުރިގޮތް ބަދަލުވާ ބަދަލުވުން (4) އުފެދޭ ހަމަނުޖެހުން
ގަޑުބަޑުކުރުން
މ (1) ތަޣައްޔަރު ކުރުން (2) އަސްލާއި އެހެން އެއްޗަކާ އެއްކުރުން (3) ޒާތުގައި ހުރިގޮތް ބަދަލުކުރުން (4) ހަމަނުޖެހުން އުފެއްދުން
ގަޑުބަޑުވުން
މ (1) ތަޣައްޔަރު ވުން (2) އަސްލާއި އެހެން އެއްޗަކާ އެކުވުން (3) ޒާތުގައި ހުރިގޮތް ބަދަލުވުން (4) ހަމަނުޖެހުން އުފެދުން
ގަޔަށްއެރުވުން
މ އަނެކަކު ތިމާގެ ގަޔަށް ނުވަތަ އެހެން މީހެއްގެގަޔަށް އަރާނޭގޮތް ހެދުން
ގާދޫނި
ނ ވައްލަޔާ ވައްތަރު ދޫންޏެއް މިދޫނިހުންނަނީ ބުރަކަށިމަތިއަޅިކުލައިގައި އެހެން ތަންތަން ހުދުކުލައިގައެވެ
ގާލިހު
ނ (1) އަންހެން ކުއްޖަކާއި ފިރިހެން ކުއްޖަކު ކައިވެނި ކުރުމަށް ދެ ފަރާތުގެ ޢާއިލާގެ ރުހުމާއެކު އެއްބަސްވާ އެއްބަސްވުން (2) އެކަމަށްޓަކައި ބޭއްވޭ ރަސްމިއްޔާތު
ގާލިހުވުން
މ ދެފަރާތުގެ ޢާއިލާގެ ރުހުމާއެކު އަންހެންކުއްޖަކާއި ފިރިހެންކުއްޖަކު ކައިވެނި ވުމަށް އެއްބަސްވެ އެކަން އެކަށައެޅުން
ގާލުގައިޑު
ނ އަންހެން އިސްކައުޓު
ގާގޮޅިޖެހުން
މ ގާ ވަކި މިނަކަށް ތަނެއްގައި އެތުރުން މިހެން ހަދަނީ ގަލުގެ އަގުކަނޑަ އެޅުމަށެވެ
ގިނިކާމާދޫނި
ނ ދޫނިތަކުގެ ތެރޭގައި ހިމެނޭ އެހެން ނަމަވެސް ނޫދުހުވޭ ބިޔަދޫންޏެއް މީގެ ދެފަޔާއި ކަރުވަރަށް ދިގުވާނެއެވެ. މިއީ ހިލައާއި ގާކޮޅުކޮޅު ފަދަ އެއްޗެހިވެސް ކައިއުޅޭ ދޫންޏެކެވެ. މިފަދަ އެއްޗެހިކަނީ ހަޖަމު ކުރުމަށް އެހީ ލިބޭތީއެވެ
ގިތެޔޮ
ނ (1) ގެރިބަކަރި ފަދަ ޖަނަވާރުގެ ކިރުންނާއި ތަރުކާރީގެ ބާވަތްތަކުން އުފައްދައި ގަނޑުކޮށްފައި ހުންނަތެލެއް (2) ބަކަރީގެ ފިރިހެން އެތި (3) މަޖާޒު: ޖިންސީ އެދުން ޙައްދު ފަހަނަޅައިފައިވާ ފިރިހެނުންނަށް ކިޔާނަމެއް
ގިޔުޅިލާށިގަސް
ނ ދިގުތަނޑެއްގައި ވަށް ބޯޅައެއްހެން ހުންނަ ރީނދޫ މަލެއްފޮލޭ ކަށިގިނަ ގަހެއް މިގަހުގެ ކިރަކީ ބޭހަށާއި ތެރަސްހެދުމަށް ބޭނުންކުރާ އެއްޗެކެވެ
ގުނގުރުޖެހުން
މ )ބ.( (1) މުށްގަނޑެއް ލައިފައި ހުންނަ ގުނގުރު ލަވަޔާ ހަމަވާ ގޮތަށް ޖެހުން. (2) ގުނގުރު ހިފައިގެން ނަށާއިރު އެހެން މީހަކާ ނެށުން ޙަވާލުކުރަންވެގެން އެމީހާގެ އުގަށް ނަށާމީހާ އަތުގައި އޮތް ގުނގުރު ފަތިޖެހުން
ގުނޫތު
ނ ފަތިސްނަމާދާއި ބައެއް އެހެނިހެން ނަމާދުތަކުގެ ފަހު ރަކްޢަތުގެ އިޢުތިދާލުގައި ކިޔާ ޚާއްޞަ ދުޢާއެއް