radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ޗަސް
ނ (1) ބައެއް އެއްޗެހި ކައްކާއިރު މާބޮޑަށް މަޑުވީމާ ހުންނަގޮތް. (2) ފަސްހުންނަ ތަނަކަށް ދިޔާ އެއްޗެއް މާގިނައިން އެޅުނީމާވާގޮތް. (3) ޗޮސް. (4) ދޮންކޭލާއި ފަޅޯ ފަދަ ތަކެތި ދޮންވެގެން ގޮސް އެތެރެ ގިރޭވަރަށްވާ ފާ
ޗަސްތެޅުން
މ ކިލާ ނުވަތަ އެނޫންވެސް ހަޑިއެއްޗަކުން ތަތްތެޅުން
ޗާބީ
ނ (1) އެސްޕިރޭނާއި ކެނބުފަދަ އެއްޗެހި އޮޅުމަށް ބޭނުންކުރާ އެއްޗެއް (2) ބައިސްކަލްގެ ފިޔަވަޅު ހަރުކުރާތަން ހަރުކުރުމަށް ޓަކައި ޖަހާތަޅުއިއްޔެއް
ޗާޓަރު
ނ (1) މުދާ ނުވަތަ ފަސިންޖަރުން އުފުލުމަށްޓަކައި މަތިންދާ ބޯޓެއް ނުވަތަ ކަނޑުދަތުރުކުރާ އުޅަނދެއް އެދަތުރަކަށް ޓަކައި ކުއްޔަށް ހިފާ ހިފުން ނުވަތަ ކުއްޔަށް ދޫކުރާ ދޫކުރުން (2) އ ދ ފަދަ ބޮޑެތި ޖަމާޢަތް ތަކުގެ އަސާސީ ޤަވާޢިދު
ޗާޓު
ނ (1) ޤައުމު ޤައުމާއި ރަށްރަށް އެތުރިފައިވާ ގޮތްރޮނގު ކުރެހުމުން ދައްކައިދޭ ކުރެހުން (2) ތަނެއްގެ މަގުމަތާއި ތަންތަން ހުންނަގޮތް ރޮނގު ކުރެހުމުން ދައްކައިފައިވާ ކުރެހުން (3) ދިރޭ އެއްޗެހީގެ ހަށިގަނޑު ހުންނަގޮތް ރޮނގުކުރެހުމުން ދައްކައިފައިވާ ކުރެހުން
ޗާޕު
ނ )ހ ( ފޮތްފޮތާއި ލިއުމާއި ކުރެހުން ކަރުދާހަށް ކޮޕީކުރާއިރު ވަކި އެއްޗަކަށް ނަގައި އޭގައި ދެލި އުނގުޅައި އޮބައިގެން ކޮޕީ ކުރާކުރުން މިގޮތުން ކަރުދާހާއި ފޮތިފަދަ އެއްޗެތީގައި ކުރެހުންތަކާއި ޑިޒައިންތައް ޗާޕުކޮށް ހަދައެވެ މިހާރަކަށް އައިސް މިމަސައްކަތަށް ގިނައިން ބޭނުންކޮށް އުޅެނީ މިކަމަށް ހަދައިފައި ހުންނަ މެޝިނެވެ
ޗާޕުކުރުން
މ ފޮތްފޮތާއި ލިޔުމާއި ކުރެހުން ވަކި އެއްޗަކަށް ނަގައި އޭގައި ދެލި އުނގުޅައި އޮބައިގެން ނުވަތަ ވަކި ބާވަތެއްގެ އެއްޗެއްގައި ލިޔެ އޭގައި ދެލި އުނގުޅައި އޮބައިގެން ކަރުދާހަށް ކޮޕީކުރުން މިހާރަކަށް އައިސް މިކަމަށް ބޭނުންކުރަނީ މިކަމަށް ތައްޔާރުކޮށްފައި ހުންނަ މެޝިނެވެ
ޗިޅިޔާ
ނ ތާސްބައިގެ ހަތަރު ރަނގައިގެ ތެރެއިން އެއް ރަނގަޔަށް ކިޔާ ނަން މިއީ ކަޅުކުލައިގެ ރަނގައެކެވެ
ޗިސް
ނ (1) ފިތިގެންވާ ފިސް (2) ދިޔާއެއްޗެއް ކުއްލިޔަކަށް ނުކުންނަ ނުކުތުން މިސާލު: އޭނާގެ ލޮލުން ޗިސް ލައިފައި ކަރުނަ އަތުވެއްޖެއެވެ (3) ތަތްކަމެއް ނުވަތަ ތެތްކަމެއް ހުރި މުރަނަކަމެއް ނެތް އެއްޗެއްވާ ކުދިކުދި
ޗިސްކުރުން
މ (1) ފިސްކުރުން (2) ތަތްކަމެއް ނުވަތަ ތެތްކަމެއް ހުރި އެއްޗެއް ކުދިކުދި ކުރުން
ޗިޓު
ނ ވަކިތަނަކަށް އައުމަށް ނުވަތަ ވަކިކަމެއް ހަމަޖެހުނުކަން ނުވަތަ ހަމަ ޖައްސަންޖެހޭކަން އެންގުމަށް ކަމެއް ހިންގާ ފަރާތަކުން ލިޔެފޮނުވާ ނުވަތަ ދޭ ކަރުދާސް ކޮޅެއް
ޗިޕުސް
ނ (1) މަސްފައްލަވައިގެ ތެރޭގައި ހުންނަބުރިމަސް (2) މަސްކުނޑި (3) ކުދިކޮށްފައިވާ ކުދިކުދި އެތޮކޮޅުތަކެއް
ޗިޗަންޑާ
ނ ވެލެއްގައި އަޅާފެހިކަންގަދަ ހިތިވަހެއް ހުންނަ ތަރުކާރީގެ ބާވަތެއް މީގެ ތަފާތު ބާވަތްތައް ހުރެއެވެ މީގެ އެއް ވައްތަރު ހުންނަނީ ވަރަށް ދިގުކޮށެވެ
ޗީޒު
ނ ގެރިބަކަރީގެ ކިރުގައި ހުންނަ ފެނުގެ ބައިވަކިކޮށް ލުމަށްފަހު ވަކި ގޮތަކަށް ހަދައިގަނޑުކޮށްފައި ހުންނަ ކާއެއްޗެއް
ޗީޗީ
އ (1) ހަޑިމުޑުދާރުކަން ދޭހަކޮށްދިނުމަށް ބުނެއުޅޭ ބަހެއް (2) ނުރުހޭކަން ދޭހަކޮށް ދިނުމަށް ބުނެއުޅޭ ބަހެއް (3) އެއްޗެއް ނުވަތަ މީހަކުދެކެ ފޫހިވާކަން އެންގުމަށް ބުނެއުޅޭ ބަހެއް
ޗުކު ޗުކު އެޅުވުން
މ މީހެއްގެ ގާތު އެހެން މީހުންނަށް ނުއިވޭ ވަރަށް ސިއްރު ސިއްރުން ވާހަކަތަކެއް ދެއްކުން
ޗުކު ޗުކު ލެއްވުން
މ ޗުކް ޗުކް އެޅުވުން
ޗުސް
އ (1) އެތެރޭގައި ހުރި އޮލައެއްޗެއް ކުއްލިއަކަށް ނުކުންނަ ގޮތާމެދު ބުނެއުޅޭ ގޮތެއް (2) އެތެރޭގައި ހުރެފައި ކުއްލިއަކަށް ބޭރަށް ނުކުންނަ ގޮތާމެދު ބުނެއުޅޭ ގޮތެއް
ޗޫސް
ނ (1) މާބޮޑަށް ކުޅިއެއްޗެތި ކެވުނީމާ އަނގައިން ގޮއްވޭ އަޑެއް (2) ބާރަށް ހަލުއިކޮށް ދެމިގަތުމަށް ބުނެއުޅޭބަހެއް
ޗެންޗޭނު
ނ ސަރަހައްދު ވަކިކުރުމަށް ނުވަތަ އެސަރަހައްދުގައި އުޅޭ މީހުން ރައްކާތެރިކުރުމަށް އެތަނެއްގެ ކައިރި ފަށުގައި އެއްޗެހި ކޮޅަށް ޖަހައި އޭގައި ވާ ނުވަތަ ނަރު ދަމައިފައި ނުވަތަ ކެހައަޅައި ފައި ހުންނަތަން