radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ނޯބެލްއިނާމު
ނ އިންސާނިއްޔަތަށް ޚިދުމަތް ކުރުމުގެ އެކި ރޮނގުރޮނގުން ޚާއްޞަ ޚިދުމަތްކުރާ މީހުންނަށް އަހަރަކު 1 ފަހަރު ދެވޭ އިނާމެއް. މިއިނާމަކީ އަލްފްރެޑް ނޯބެލްގެ ވަޞިއްޔަތަކާއި ގުޅިގެން ޞުލްހައަށާއި އަދަބިއްޔާތަށާއި ބޭސްވެރިކަމަށާއި ސައިންސްގެ އާހޯދުންތައްފަދަ ކަންކަމަށް ދެވޭ ބައިނަލްއަޤްވާމީ އިނާމެކެވެ
ނޯޓިސް
ނ (1) އިޢުލާން (2) މީހަކަށް ނުވަތަ ބަޔަކަށް ކަމެއް އެންގުމަށްޓަކައި ލިޔެފައިވާ ލިއުން
ނޯޓިސްދިނުން
މ (1) އިޢުލާންކުރުން (2) މީހަކު ނުވަތަ ބަޔަކު ކަނޑައެޅި ގޮތެއް އެޔާއި ބެހޭ ބަޔަކަށް އެންގުން
ނޯޓު
ނ (1) ހަނދާނަކަށް ލިޔެލާ އެއްޗެއް (2) ކުރުބަޔާން (3) ބަހެއް ބަޔާން ކުރުމަށް ލިޔުމެއްގެ ތިރީގައި ލިޔާ ލިޔުން (4) )މަލިކު( ނޫޓު
ނޯޓުކުރުން
މ ކަމެއް ހަނދާން ބެހެއްޓުމަށްޓަކައި އެކަމެއްވާހައި ކުރެއްކޮށް ލިޔެލުން
ނޯޓުފޮތް
ނ ހަނދާނަކަށް ތަކެތިލިޔާންގެންގުޅޭ ފޮތް
ރަހައައުން
މ (1) ކައްކާތަކެތީގައި ހުންނަންވީ ރަހަ ކެކޭ އެއްޗަކަށް ލިބުން (2) ކޭއެއްޗެތީގެ ރަހަ އަނގަޔަށް އައުން
ރަހަޔަކުންރަހަޔެއްނެތް
ނއ (1) މީރުކަމެއްނެތް (2) ކާހިތްވާގޮތެއް ނެތް (3) އެއްވެސް ރަހަޔެއް ނެތް
ރަހާ
ނ (1)ރަސްގެފާނު (2) ފިރިހެނުންގެ ނަމުގެ ފަހަތަށް އިތުރުކުރާނަމެއް މިސާލު: ހުސެންރަހާ (3) ރަށުން ފަށައިގެން ތޮށްޓާ ދިމާޔަށް ނުވަތަ ތޮށިން ފަށައިގެން ރަށާ ދިމާއަށް ހެދިފައި ހުންނަ ހުރާގަނޑު
ރަހީނުކުރުން
މ ވަކިމަޤްޞަދެއް ހާސިލު ކުރުމަށްޓަކައި ގަދަކަމުން މީހަކު ނުވަތަ ބަޔަކު ހިފެހެއްޓުން
ރަށުކަންތައް
ނ ފޮއްސިވެ ދުޅަވާ ބައްޔަށް އިހުގެ ފަންޑިތަ ވެރީން ކިޔައި އުޅުނު ނަމެއް
ރަށުމަސް
ނ މަސްވެރީންނާއި ވިޔަފާރިވެރިން އަތުން ރަށަށް ނަގައި އުޅުނު މަސް
ރަށުމީހުންގެ
ނ ރައްޔިތުންގެ ގެ
ރަށުމީދާ ރަށަށް ގަދަވާނެ
(މުސްކުޅިބަހެއް) ބީރައްޓެއްސަކަށްވުރެ ރަށުގެ އަހުލުވެރިޔަކު ރަށަށް ފަރިތަވެފައި ބަސްވިކިފައި ބާރުގަދަވާނެކަން އެންގުމުގެ ގޮތުން ބުނެއުޅޭ ބަހެއް
ރަށްކެއުން
މ މަޖާޒު: ވަރުވާއަށް ފަޅުރަށް ލިޔުއްވައިގެން އުޅުން
ރަށްކޮޅުމާމެލިދައިތަ
ނ ރަށުގެ މީހުންނާ ދުރުގައި އިންނަކަމުގައި ފުލޯކު ވާހަކައިގައިކިޔާ ފަގީރު މުސްކުޅި އަންހެނެއް
ރަށްވެހި
ނއ (1) ރަށުގެ އަހުލުވެރި (2) މަދަނިއްޔަތާއި ތަހުޒީބު ލިބިގެންވާ
ރަށްވެހިކަން
ނއނ (1) ރަށުގެ އަހުލުވެރިކަން (2) މަދަނިއްޔަތާ ތަހުޒީބު ލިބިގެންވާކަން
ރަށްވެހިކަން
ނއނ (1) ރަށުގެވެރިކަން ލިބިގެންވާކަން (2) ފަޅުރަށް ލިޔެގެންއުލޭކަން
ރަށްވެހިކުރުން
މ (1) ރަށުގެ އަހުލުވެރިޔަކަށް ހެދުން (2) މަދަނީގޮތުން ރަށްކުރިއެރުވުން