radheef.info
ރަދީފު


ފަދަ
އ (1) ކަހަލަ (2) ގޮތް
ފުއްޕުން
މ (1) ބޯޅައާއި ހަންފަދަ އެއްޗިއްސަށް ވައި ވެއްދުން (2) އެތެރެއަށް ވައިވަދެގެން އުފުލުން (3) ހަކުރު މަޅުކުރުން (4) ބަތަށް ހަކުރުލައި މަޅުކުރުން (5) ހަމަ އެއްޗެއްވަކި ބައްޓަމަކަށް އުފުލުން (6) ބައެއް ދިރޭ އެއްޗެހި ރުޅިއައިސްގެން ހަށިގަނޑު ބޮޑުކޮށްލުން މިސާލު: ކޮލިފުއްޕުން (7) މަޖާޒު: ވަރުގެ ކޮޅަށް ނަލަހެދި ފަރިވުން
ފުފޭ
ނ ކެއްކުމާއި ހަނޑޫ ދޮވުން ފަދަ ކަންތަކަށް ބޭނުންކުރާ ކަންވާރެއް މި ހަދައިފައި ހުންނަނީ މުށީންނެވެ
ފުލުސް
ނ (1) އިސްކުރާއި ބޯލްޓް ފަދަ ތަކެތި ނުވަތަ އިސްކުރު ކަނޑައިފައި ހުންނަ އެއްޗެހި ހިފެހެއްޓުމަށް ނުވަތަ ބާރު ކުރުމަށް އޭގެ ކޮޅަށް ލައްވާ އިސްކުރު ކަނޑާފައި ހުންނަ އެތި (2) ފުލުހުން (3) ގޭތެރޭގައި ކުޅޭ ކުޅިވަރެއް
ފުލުސްކުޅި
ފަނޑިޔާރު ފުލުސް ދޭވާނި ވަކީލު ކަތީބު ވަގު މިނަންތައް ކަރުދާސްކޮޅުގައި ލިއެ ބޮނޑިބޮނޑި ކޮށްލުމަށްފަހު ކުއްޖަކު އެތިކޮޅެއް ނަގާނީއެވެ ވަގު ނެގުނު ކުއްޖާވާނީ "ވަގަ" ކަށެވެ ދެން ފުލުހަށް އަންގާނީ ވަގު ހޯދުމަށެވެ ވަގު ހޯދުމަށް ފަހު ފަނޑިޔާރު ޝަރީޢަތް ކުރައްވައި ދޭވާންޏަށް އަންގަވަނީ ވަގުގެ ގައިގައި ފަތިގަނޑެއް ފަދަ އެއްޗަކުން ތެޅުމަށެވެ
ފުލުސްޓޮޕް
ނ (1) ޖުމްލައެއް ލިޔެނިމުމުން ޖަހާތިކި. އަދި މިނޫންވެސް މިފަދަ ތަންތާގައި ޖަހާތިކި (2) ވަކި
ފުލެޓު
ނ (1) ޢިމާރާތެއްގެ ވަކި ބުރިއެއްގައި މީހުންނަށް އުޅެވޭ ގޮތަށް ހަދައިފައި ހުންނަ ބައެއް (2) މިފަދަ ބައިތައް ހުންނަ ޢިމާރާތެއް
ފުސް
ނ (1) ބައްޔެއްގެ ސަބަބުން ބައެއް މީހުންގެ ލޮލަށް ވާގޮތެއް (2) ބަނަ (3) ބިއްލޫރި ފަދަ ތަކެއްޗަށް ފިނި ހޫނުގެ ސަބަބުން އަންނަ ނުސާފުކަން (4) ނަކަތެއްގެ ނަން )ހުޅަނގު މޫސުމުގެ 8 ވަނަ ނަކަތް ( (5) ވިއްސާރަވިލާ (6) )ސ ( އެއްޗެހީގައި ޖަހާފޫ
ފުސްއެރުން
މ (1) ލޮލުގެ ކަޅުކަޅީގެ މައްޗަށް ފުސްފޭބުން (2) އުދަރެހުން ފުސްވިލާ އަރަމުން ދިއުން (3) ބިއްލޫރި ފަދަ އެއްޗެހި ފުސްވުން
ފުސްޖެހުން
މ (1) އުދަރެހުގައި ވިލާ އުފެދުން (2) ބިއްލޫރި ފަދަ އެއްޗެހީގައި ފުސް އުފެއްދުން
ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ފޫކިބަ
ނ (1) ކާށި ބިދެފައި އޮންނައިރު ލޯ ނުހުންނަބައި (2) ފާރޮށިޖޯޑުގެ މަތީ ކިބަ (3) މަލާފަތް ފަދަ ތަކެތީގެ ދަށުކިބަ (4) ދެބަޔަކަށް ހަދާފައިވާ ތަކެތީގެ ވަތުކިބަ
ފޫދުން
މ (1) ފެނުގައި ގިނައިރު އޮތުމުގެ ސަބަބުން އަތްފައި މޭލިވުން (2) ފެނަށް ލައިގެން ފާރުގަނޑު ފަދަ ތަންތަން ފޯކުރުން (3) ދިޔަވަރު ބޮޑުވުން
ފޫގެޅުން
މ (1) އަނދެފައިވާ މުންޑު ނުވަތަ ފޮށާ ފަދަ އެއްޗެހީގެ ތިރީކޮޅު އެއްފަށަށް ވާގޮތަށް ކުރިމައްޗަށް ބޮޑިކޮށްލައި އެބައި ދެފައި ދެގޯޅިން ފަހަތަށް ގެންގޮސް ފުރަގަހުން އުނަގަނޑުގެ ރޮދިގަނޑު ދަށަށް ޖެހުން (2) މަޖާޒު: ޢަޒުމާއެކު ކަމަކާ ކުރިމަތިލުން
ފެހާމާނު
ނ ގުޅި ރުނބާ ފަދަ ތަކެތި
ފެހިކެހުން
މ އޮޑިދޯނި ފަހަރާއި ފާރުފަދަ ތަންތަނުން ފެހިފިލުވައި ސާފުކުރުން
ފެހިއުނގުޅުން
މ ވަޅުވަޅާއި ތަޅުންގަނޑު ފަދަ ތަންތަނުން ފެހި ކަހައި ސާފުކުރުން
ފެހިއެންދުން
މ އޮޑިދޯނިފަހަރުގެ ފެހިކެހުމުގެ ކުރިން ފެހިތައް ބަލިކޮށްލުމަށް ފަން ހިނގުލެއް ފަދަ އެއްޗަކުން ފެހިތަކުގެ މަތި އަންދާލުން
ފެހުން
މ (1) ދިރޭ އެއްޗެހި ކައިރިއަށް އަޔަނުދީ ދުރަށްލުން (2) ތިނޯހާއި އިލިފަދަ ތަކެތީން ރޮދި ނުވަތަ އެނޫންވެސް އެފަދަ އެއްޗެއް ބޭނުންކޮށްގެން ދެއެއްޗެއް ގުޅުވުން (3) އެއްޗެއް ހިފުމުގެ ނުވަތަ އަތުލައިގަތުމުގެ ބޭނުމުގައި ފަހަތުން ދުވުން
ފެށުން
މ (1) އަޒަލު (2) ކަމެއްގެ ޙަރަކާތް ހިނގައިގަތުން (3) "ނިމުން" މިބަހުގެ އިދިކޮޅު (4) ކަމަކަށް އިސްނެގުން (5) ޖަލްސާ ކޮންފަރެންސް ފަދަ ތަންތަން ހުޅުވުން (6) މަޒުމޫނު ބަޔާން ފަދަ ތަކެތީގެ ތަޢާރުފު
ފެނަށްލުން
މ (1) ހަށިގަނޑުގެ ބޭރުގައި ހަލާކުވާ ތަންތަން ސާފުކުރުމަށާއި އެފަދަ ތަންތާ އަޅާ ބޭސް ނެއްޓުމަށް ފޫއްދުމަށްޓަކައި ފެނުގެ ތެރެއަށް ބޭނުން. (2) މާމެލާ މެލިފަދަ ތަކެތި ވަޅޯވިއަ ނުދިނުމަށްޓަކައި ފެނުގައި ބެހެއްޓުން. (3) އެއްޗެހި ފޯކުރުމަށްޓަކައި ނުވަތަ ސާފުކުރުމަށްޓަކައި ފެނަށް އެޅުން ނުވަތަ ފެނުގައި ބެހެއްޓުން