radheef.info
ރަދީފު


އާ
ނއ (1) ބާކަމުގެ އިދިކޮޅު (2) އެއްފަހަރުވެސް ބޭނުންނުކުރާ (3) ގިނަދުވަސްނުވާ (4) ކުރީން އުފެދިފައިނެތް ނުވަތަ ފެނިފައިނުވާ
ފޫޓުފީތާ
ނ މިންއަޅަން ބޭނުންކުރަން ހަދައިފައި އޮންނަ ފީތާއެއް މީގައި ފޫޓާއި އިންޗިއާއި ސޫތު އެނގެން ހުންނާނެއެވެ
ފެހި
ނ (1) އަވި ލިބޭގޮތަށް ތެތްފިނިކޮށް ހުންނަ ތަންތާގައްޔާއި ފެނުއަޑީގައި ފަޅާ ދިރުން ހުންނަ ފެހިކުލައިގެ އެއްޗެއް (2) )ތ ( މަސްހިފާކޮށި (3) ގަސްގަހުގެ ފަތުގައި އާންމުކޮށް ހުންނަ ކުލަ (4) ފެހުން މިމަސްދަރުގެ ނިމިނިމުނުކަން (5) މަސްދިރުވާފައި ބަހައްޓާ ކޮށި މަޖާޒު: (6) ތާޒާ (7) ދިރުންހުރި
ފެހިކުލަ
ނ އާންމުގޮތެއްގައި ގަސްގަހުގެ ފަތްތަކުގައި ހުންނަ ކުލަ
ފެން
ނ (1) އޮކްސިޖަނާއި ހައިޑްރޯޖަން އެކުލެވިގެން އުފެދިފައިވާ އެއްޗެއް. މިއީ ފިނިވީމާ ގަނޑުވާ ހޫނުވީމާ އާތްވަށްވެގެން އަރާ ކުލައެއް ވަހެއް ނެތް ދިޔާ އެއްޗެކެވެ (2) ވާރޭ (3) ކަރުނަ (4) މަޖާޒު: މަނި (5) ނއ ފޯރިއެއް ރޫޙެއްނެތް
ފެންހަރުފަ
ނ ފެންފެންގަނޑުގައި އުޅޭ ހަރުފައާއި އެއްވައްތަރު އެއްޗެއް
ފެންހިންދާވަޅުގަނޑު
ނ (1) ވަޅުގަނޑެއް ކޮނެ އާނުކަނޑައި ވަށައިގެން ރާނައި މައްޗާ ހަމަކޮށް އަޑިއަށް އަކިރި އަޅައިފައި ހުންނަ ވަޅު (2) ތިލަކޮށް ކޮނެލައިފައި އަކިރި ނުވަތަ ގައު އަޅައިފައި ހުންނަ ތަން
ފެންބަތްޕެން
ނ (1) އެހެން އެއްވެސް އެއްޗެއް އެއްނުކޮށް ހުންނަ ބަތްޕެން (2) އާދައިގެ ބަތްޕެން
ފެންކަރު
ނ ފެންވައިރު ކުރާއިރު ބޭނުންކުރާ ފަސޭހައިން ގޮތްގޮތަށް ލެނބޭ ހޮޅިއެއް. މިއެލްމެނިއަމުންވެސް ޕްލާސްޓިކުންވެސް ހަދައިފައި ހުރެއެވެ. މިބޭނުން ކުރަނީ ފެން ފޮނުވާދޭ ހޮޅިއާއި އަތް ދޮންނަ ތަށީގެ އިސްކުރާއި ނުވަތަ ފާޚާނާތަށީގެ ތާނގީއާއި ގުޅުމަށެވެ
ފެންކޯރު
ނ (1) ކަނޑާއި ގުޅިފައި ހުންނަ ފެންއާރު (2) ފެންދެމޭނެހެން ބިމުން އަޑިކޮށް ހުންނަ މަގު
ފެންއާރޮ
ޏ ފެންއާރު
ފެންފުޅަފި
ނ މަސްދޯނިފަހަރުގައި މަސްއައިނަށް ފެން އުކުމަށް ގެންގުޅޭ އެއްޗެއް. އާއްމުކޮށް މިހަދައިފައި ހުންނަނީ ރުކުގެ ފުޅަފިންނެވެ
ފެންފޮޅިކޭން
ނ ފެންފޮޅިއާއި ކިރާއި ހިކިރިހަ ހުންނަކޭން
ފެންފޮޅިދޮލަނގު
ނ ބާރަ މާލޫދު ކިޔާރޭ ރަސްމީގޮތުން މާލޫދުހަރުގެއަށް ގެންދާ ކޭމެއް. މިދޮލަނގުގައި ހުންނާނީ ފެންފޮޅިއާއި ކިރާއި ހިކިރިހައެވެ
ފެންފޮދާދިއުން
މ ގަނޑުވަރުތެރޭ ބޭފުޅުން އާލާސްވެ އިންނަވައި ހަތްމަސް ފުޅަށް އަޅައިގަތީމާ ކުރެންދޫ ޒިޔާރަތަށް ފެންފޮދު ބަލާދިއުން
ފެންފޮދުއޮޑިކޮޅު
ނ އިހުގައި ގަނޑުވަރުތެރޭ ބޭފުޅުން އާލާސްވެއިންނަވާ ހަތްމަސް ފުޅަށް އަޅައިގަތީމާ ކުރެންދޫ ޒިޔާރަތުން ފެން ފޮދު ބަލައިދާ އޮޑި މިފެންފޮދު ގެންނަނީ އެބޭފުޅަކު ނައިނެ ފިއްލެވުމަށެވެ
ފެންދިއްގާ
ނ ފަތުގައި ފެހިކުލަގަދަ ފަތުގެ ތަނޑު ރަތް އަދި ފަތުގައި ކުރަނުލާ ހުންނަ ދިއްގާ. ދިއްގާ އާއިލާގައި ހިމެނޭ ކަށިދިއްގަލާއި މާދިއްގަލާއި ވެޔޮ ދިއްގަލާ ޚިލާފަށް ފެންދިއްގާ ވަރަށް ހަލުއިކޮށް އަވަހަށް ހެދިގަންނާނެއެވެ
ފެންތެލި
ނ (1) ފެންއަޅައިފައި ހުންނަ ތެލި. (2) އިހުގައި މީހުންވިހޭމާ އާއްމު ގޮތެއްގައި ނުވަރޭ ފެނުން ކެނޑެންދެން އުނދުން ނިވުވަނުދީ ހުންނަ ފެންއެތި
ފެންޑާ
ނ (1) ދިވެހިން ގެދޮރު އެޅުމުގައި މައިގޭގެ މައިދޮރޯއްޓާ ވީ ފަރާތަށް އިތުރު ކުރާބައި. (2) ދިވެހިން ގެދޮރު އެޅުމުގައި މައިގެއާއި ގުޅައިގެން ކޮންމެ ފަރާތަކަށް ވިޔަސް އިތުރު ކުރާބައި. މިބައި ހުންނާނީ މައިގެޔަށްވުރެ ތިރިކޮށް ބަންދު ނުކުރެވޭ ގޮތަށެވެ
ފެންޕަމްޕު
ނ އެއްޗަކުން ފެންނަގަން ނުވަތަ އެކަތިން އަނެކައްޗަށް ފެން ބަދަލުކުރުމަށް ބޭނުންކުރާ އާލަތެއް
ފެތުރުން
މ (1) ހާމަކުރުން. (2) މަޢުލޫމާތު ޢާއްމުކުރުން. (3) ތަރަފާލު ކުނާ ސާންތިފަދަ އެއްޗެއް އެޅުން. (4) ފޮތިފަދަ އެއްޗެއް ތަނެއްގައި ނިއުޅައިފައި ބެހެއްޓުން. ނުވަތަ ތަނެއްގައި ބާއްވައި ނިއުޅުން. (5) ރޭޑިޔޯގެ ޒަރީޢާއިން ދުރަށް އަޑުފޮނުވުން. (6) ފުންޏަކަށް ހުންނަ އެއްޗެއް ދުރަށް ބެހިގެން ދިއުން. (7) ބައެއް ކަހަލަ ކަންކަމާއި ތަކެތި ގިނަވަމުން ދިއުން. މިސާލު: ރޯގާފެތުރުން ޚަބަރު ފެތުރުން ފެތުރިއާއި ދަދު ފަދަ ތަކެތި ހެދެމުން ބޮޑުވަމުން ދިއުން (8) ފަތުގައި ނުވަތަ ކަފަފަދަ އެއްޗެއްގައި ވަކިގޮތަކަށް ބޭސް ހޭކުން (9) ތުންތުން މަތިން ވާހަކަ ނަގުލު ކުރުން