radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
ފެންފަށް
ނ ފާރެއްގައި ޖެހިފައި ފުރާޅު ހުންނަ ތަންތާގެ ފާރުގައި ޖެހިގެން ފައިބާ ފެން އެތެރެއަށް ދިޔަނުދިނުމަށްޓަކައި ފާރާ ގުޅައިގެން ޓިނުގެ މަތީގައި އަޅާ އުވަފަށް ނުވަތަ ސިމެންތިފަށް
ދެނެވޮޑިގަތުން
މ ދަތުން މިބަސްމާތްﷲއަށް ނިސްބަތްކޮށް ބުނާގޮތް
ދެނެވޮޑިގެންވުން
މ އެނގުން މިބަސް މާތްﷲއަށް ނިސްބަތްކޮށް ބުނާގޮތް
ދެންފަހެ
އ އެއަށްފަހު
ދެރަބަސްބުނުން
މ ކަމެއްކުރެވޭ ފަދަ ކުޅަދާނަކަންހުރި މީހަކާ ދިމާއަށް އެކަމެއް ނުވެވޭނެއޭ ބުނެ ދެރަކޮށްލުން
ދެރޯޒުކައްޕި
ނ (1) ދެފުރޮޅު ނުވަތަ އެއަށްވުރެ ގިނަފުރޮޅުލައިފައި ހުންނަ ކައްޕި (2) ބުރަތަކެތި އުފުލުމަށް ތައްޔާރުކޮށްފައި ހުންނަ ކައްޕި
ދޮރޯށި
ނ ގޯތިތެރެއަށް ނުވަތަ ރަށަކަށް ވަދެނުކުމެ އުޅުމަށް ލަކުޑިން ނުވަތަ މަޢުދަނީ އެއްޗަކުން ހަދައިފައި ހުންނަ ދޮރު
ދޮޅިޖެހުން
މ ހަމައެކަނި މޫނު ފެންނަގޮތަށް ނަމާދުފޮށާ ބޮލުގައި އެޅޭނެގޮތް ހެދުމަށްޓަކައި ދަތްދޮޅިއާ ހަމައިން ތިރިއަށް ތަންކޮޅެއް ފަހައިލުން ނުވަތަ ދަތްދޮޅިން ފެށިގެން ތިރިއަށް ފަހައިލުން
ތޮށިފޮޅުން
މ (1) ގައިގެހަން ތޮށިތަކެއްހެން ނެއްޓުން (2) ގަސްގަހުގެ ތޮށި ހިކިގެން އަމިއްލައަށް ނެއްޓުން
ގޮޓިބައި
ނ ޕަޗިސް ކުޅޭއިރު ގެންގުޅޭ ކުޅިތަކެއް މިހުންނާނީ ރާޒުވާ ގޮނޑީގެ ރިޔަލާ އެއްވައްތަރަށް އެއަށްވުރެ ކުދިކޮށެވެ މިހުންނާނީ ލިޔެލާޖަހާފައެވެ
ގޮޓެ
ނ )ގ ( (1) ގޮށް (2) ލައްޓި (3) ގެއަށް
ގޯނބިލި
ނ ބިލަމަގު ގަހާ ވައްތަރު އެއަށްވުރެ މައްޗަށް ހެދޭ ގަހެއްގައި އަޅާ ވަށްކޮށް ފަތިކޮށް ފިތްފިތް ހުންނަ މޭވާއެއް މީގައިދެނީ ހުތްރަހައެވެ
ގޯއްޖަށްލުން
މ (1) ކަނޑުގައި ދުއްވާ ތަކެތި މަރާމަތުކުރުމަށް ގޯއްޖަށް ވެއްދުން (2) މަޖާޒު: ވެރިޔަކު ރުހިވަޑައިނުގެން އޮފީހަށް ނުނުކުންނަގޮތަށް ގެއަށް ފޮނުވައިލެއްވުން
ފާސް
ނ (1) ތަޢުލީމީ ފެންވަރު ހުރިވަރު އަންގައިދޭ ސަނަދު. (2) ތަނަކަށް ވަނުމުގެ ހުއްދަ ދިނުމުގެ ގޮތުން ދޭލިޔުން ނުވަތަ ނިޝާން. (3) ފޭލުގެ އިދިކޮޅު. (4) ވަކި ކަމަކަށް މީހަކު އެކަށީގެންވާ ކަމަށް ނުވަތަ ވަކި ބައެއްގެ ތެރެއަށް ހުށަހެޅޭ ގޮތްތަކަކަށް ނުވަތަ ގޮތަކާމެދު އެއްބަސްވާ އެއްބަސްވުމާއި ނިންމާ ނިންމުން. (5) ތާސްބައިން "ނީލަން" ކުޅޭއިރު އެމީހެއްގެ ފަހަރު އައުމުން ދޫކޮށްލާ ދޫކޮށްލުން. (6) އަންހެނުން ދެ ބަޔަކަށް ބެހިގެން ކުޅޭ ކުޅިވަރެއް. (7) އެއްޗެއް ނުވަތަ ކަމެއް ނުވަތަ ތަނެއް ހުރީ ޤަވާޢިދާ އެއްގޮތަށްތޯ ނުވަތަ ނޫންތޯ ބަލައި ނިންމާ ނިންމުން
ފާސްދޯރު
ނ (1) އެއްކޮޅު ހިމަކޮށް ހަދާފައި ހުންނަ ދަގަނޑު ބުރިއެއް. މިއީ ޖަސްތުން ނުވަތަ ޓިނުން އެއްކޮޅުން ހިމަކޮށް އެއްޗެހި ހަދާއިރު އެއަށް ލައްވައިގަން ތަޅައި ސިފަގެންނަން ބޭނުން ކުރާ އެއްޗެކެވެ. (2) ވާ ފަލަސް ކުރުމަށް ގެންގުޅޭ އެއްކޮޅަށް ހިމަކޮށް ލަކުޑިން ނުވަތަ މަޢުދަނުން ހަދައިފައި އޮންނަ އާލާތެއް
ފިހާރައަށްދާ ކުޅިގަނޑު
ނ އޮށްވަޅު ކުޅުމުގައި ކުޅޭ ކުޅިގަނޑެއް މިއީ ކުޅޭ މީހާ އިންނަ ފަރާތަށް އެކަނި ބޮލިއަޅައިގެން ހުރިހައި ވަޅުތަކުންވެސް ފިހާރައަށްގޮސް ހުރިހައި ފުއް ހުސްކުރާ ކުޅިގަނޑެކެވެ މީގައި ބޮލިއަޅާނީ އެއްވަނަ ވަޅަށް )ފިހާރައާ އެންމެ ކައިރިވަޅަށް( އެއްފުއް ދެވަނަ ވަޅަށް ދެފުއް މިއުސޫލުންނެވެ
ފިނދު
ނ (1) އާދަމުގެ ދަރިންނާއި ޖަނަވާރާއި ދޫނި ސޫފާސޫފީގެ ބޮޑުކަމު ނަޖިސް ނުކުންނަ ދޮރާއި ކުޑަކަމު ނަޖިސް ނުކުންނަ ދޮރު. (2) ތެލަނގަ އާއި މަޑިފަދަ އެއްޗެހީގެ ފަހަތުކޮޅުގައި ގުޅާނަގޫ. (3) އިންސާނުންނާއި ޖަނަވާރުގެ ފިނދުމަސްގަނޑު. (4) އެއްލާގުޑީގެ ތެރޭގައި ހިމެނޭ ވާލުގެ ފަހަތުކޮޅުން ދެފަޅިއަށް ފަޅައިފައި ހުންނަތަން. (5) ކުކުޅު ހާލާއި ދޫނީގެ ފިނދުފަތްގަނޑު.
ފިނިހޫނުއެއްވަރުވުން
މ ހޫނުކަން ނުވަތަ ފިނިކަން މާމައްޗަށް ނުވަތަ މާތިރިއަށް ނުގޮސް އިންސާނުން ދިރިއުޅެން ފަސޭހަ މިނެއްގައި ހިފެހެއްޓިފައި ހުރުން
ފިނިފެންރޯސް
ނ ފިނިފެން އަތަރަށްވުރެ ވަސްމަޑު އެއަށްވުރެ ދިޔާކޮށް ހުންނަ އަތަރެއް
ފިންމޫދުއޮއި
ނ )ސ.( އެތެރެ ވަރީގައި ރޭގަނޑު އަޅާ އޮޔެއް. ކަނޑު އޮޅިތަކުން އެތެރެވަރިއަށް މިއޮއި ވަނުމުން ފެންމަތި އޮމާންވެ އަނދިރިވެފައި ލޮނުގަނޑުގެ އަޑިން ރެދަން ފެނެއެވެ މިއޮއި އެޅުމުން އެތެރެވަރީގެ މަސްވެރިކަން ނުބައިވެއެވެ