radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ކަންޑެވިރޮދި
ނ (1) ހުދު އުޅިޔަކާ ކަޅު އުޅިޔަކާ ދެއުޅިއެއްކޮށްގެން އަޅާރޮދި (2) ދެކުލަ އެއްކޮށްގެން އަޅާ ރޮދި
ކަންޒު
ނ (1) ޢަދާވަތްތެރިންނަށް ހުރަސްކޮށްފައި ނާދެވޭ ގޮތަށް ކޮނެފައި ހުންނަކޯރު (2) ހިސާބަކަށް ފެންހުންނަ ކިސަޑު ހެދި ގަނބާ ގޮތް ހުންނަ ތަންތަން
ކަންޒުހެދުން
މ (1) ތަނަކަށް ފެންއެޅި ކިސަޑުހެދިގެން ގަނބާގޮތްވުން (2) ޢަދާވާތްތެރިންނަށް ހުރަސްކޮށްފައި ނައުދެވޭގޮތަށް ކޯރުކެނޑުން
ކަރަންޓުލުން
މ ކަރަންޓުގެ ބޭނުން ކުރުމަށްޓަކައި ވައިރުކޮށްގެން ދާއިމީ ނުވަތަ ވަގުތީވައިރަކަށް ކަރަންޓުދިނުން
ކަރުދާސް
ނ (1) ގަސްގަހާއި ފައިބަރު ހުންނަ އެހެން ތަކެތިން ތައްޔާރުކޮށްފައި ހުންނަ ތުނިގަނޑު މިބޭނުން ކުރަނީ ލިޔާށާއި ކުރަހާށާއި ޗާޕުކުރާށެވެ (2) ސެމިނާ ފަދަ ބައްދަލުވުންތަކަށް ހުށަހެޅުމަށް ވަކި މައިގަނޑު ނަމެއްގެ މައްޗަށް ތައްޔާރުކޮށްފައިވާ ދިރާސާ
ކަރުދެމުން
މ (1) މާބޮޑަށް ބޭނުންވެފައިވާ އެއްޗަކާ ދިމާއަށް ހަރުކޮށް ހިނގައިފައި ނުވަތަ އުދުހިފައި ދިއުން (2) މަޖާޒު: މާބޮޑަށް ބޭނުންވެފައިވާ އެއްޗެއް ނުލިބިގެން އެ އެއްޗެއް ފެންނަ ހިސާބުގައި ބަލަ ބަލައިފައި އެނބުރުން
ކަބީލާ
ނ އޮޑިދޯނި ފަހަރު ބަނުމުގައި ދެލަކުޑިގަނޑު ހަރުކުރާންޖަހާ މަޢްދަނީ އިއްޔެއް މިހަރުކުރަނީ ވަސަރު ލައްވައި މަލަރުކޮށް ގެންނެވެ
)މުސްކުޅިބަހެއް( ނޭދެވޭ ކަންތައްތައް ހިނގާ ތަންތަނަށްގޮސް އުޅެންޏާ ބަދުނާމު ވެދާނެކަން ދޭހަ ކޮށްދިނުމުގެ ގޮތުން ބުނެއުޅޭ ބަހެއް ކަބުރުގެއަށް ވަންނަންޏާ އަޅި ބުރާނެއެވެ
ކަޅަންމަސް
ނ ފަރުމަހުގެ ބާވަތެއް މިއީ ތުން އޫކޮށް ހުންނަ ކަޅުކުލައިގެ މަހެކެވެ މިމަހުގެ ނަގޫފަތްކައިރީ ދެފަރާތު ކުރަގަނޑު ހުންނާނީ ތޫނު ކައްޓެއްގޮތަށް ދެފަރާތަށް ނުކުމެފައެވެ މިއީ ތެޔޮކަންގަދަ މަހެކެވެ މަސްގަނޑު ހުންނާނީ ހުދުކުލައިގަ އެވެ
ކަޅަވަތިމިއަރު
ނ )މ ( އުރަހައިގެ ކޮޅުކަޅުކޮށް ހުންނަ ކުދިމިޔަރު މިއީ ބަނޑުދޮށާއި ދެއަރިމަތީގައި މަޑު ރީނދޫ ކުލައެއް ހުންނަ މިޔަރެކެވެ މިމަހުގެ ބުރަކަށިމަތި ހުންނަނީ އަޅިކުލައިގައެވެ
ކަޅަލިބިބީ
ނ ބިބީގެ ބާވަތެއް މިމަހުގެ ވަށައިގެން ހުންނަނީ ރީނދޫކުލައެވެ މަހުގެ އަރިމަތި ހުދުވެފައި ކަޅުކުލައިގެ ރޮނގުތަކެއް ހުރެއެވެ ކޮތަރިބައިގެ ކުރީކޮޅުން ބަނޑުދަށް ފަރާތުގައި ކަޅުކުލައިގެ ލަފެއް ހުރެއެވެ މަހުގެ ލޯހުރަސްކޮށް ކަޅުކުލައިގެ ފުޅާ ރޮނގެއް ހުރެއެވެ
ކަޅި
ނ (1) ލޮލުތެރޭގައި ކަޅުކޮށް ހުންނަބަޔާއި ހުދުކޮށް ހުންނަބައި. (2) މަހުގެ މައިކަށީގެ ބަނޑުފަރާތުގައި ގެތިފައި ހުންނަ ކަށިތަކުގެ ތެރޭކަޅުކޮށް ހުންނަ އެއްޗެއް. (3) ކަޅިމަސް. (4) ތަވީދުފަދަ ތަކެތީގައި ދިޔާ އެއްޗެތި އުނގުޅާ އުނގުޅުން. (5) މާލެއަތޮޅު ކަނޑުއޮތް ގިރިއާއި ކަނިފިނޮޅާއި ދޭތެރޭ )މިއީ ކުޑަކަޅިއެވެ ( (6) މާލެއަތޮޅު ފުރަންނަ ފުއްޓާއި ފަރުކޮޅު ފުއްޓާއި ދޭތެރޭ )މިއީ ބޮޑު ކަޅިއެވެ
ކަޅިހިއަބު
ނ ދެއެއްޗެއް ހިމުން ކުރަން އެކަތި އަނެކައްޗާއި ގާތްކޮށް އެކަތީގެ އަރިމަތި ހުންނަގޮތަށް އަނެކަތީގެ އަރިމަތި ހެދުމަށް ކަޅިހި އަޅާއިރު ދެއެތިގަނޑު ދޭތެރެ އެއްވަރު ކުރުމަށްޓަކައި ދެއެތިގަނޑު ދޭތެރެ ދުރުކުރުމަށް ދެއެތިގަނޑު ދޭތެރެއަށްޖަހާއަބު
ކަޅިމަސް
ނ ކަނޑުމަހުގެ މަސްގަނޑުގެ އަރިމަތީގައި ކަޅުކޮށް އޮންނަތަން
ކަޅިޔަމަސްދޫނި
ނ )ގ ( ކިރުދޫނީގެ ބާވަތެއް މިއީ ބޯކަޅުކޮށް ތުންގަނޑު ރީނދޫކުލައިގައި ހުންނަ ދޫންޏެކެވެ މިދޫނީގެ ކުލައަކީ މަޑުއަޅިކުލައެވެ
ކަޅުހިނި
ނ ކިނބިހިންޏަށްވުރެ ބޮޑެތިކޮށް ކަޅުކުލައިގާ ހުންނަހިނި
ކަޅުހުއްތުމޭވާ
ނ މޭވާގެ ބާވަތެއް މިއީ ވަރަށް ފޮނި މީރު މޭވާއެކެވެ މިމޭވާގައި ކާން ބޭނުންކުރަނީ އެތެރޭގައި އޮންނަ އޮށްތަކުގެ ބޭރުގައި އޮންނަބައެވެ މިގިނައިން ބޭނުންކޮށް އުޅެނީ ފަނި ގިރުމަށެވެ
ކަޅުރޮނޑު
ނ ރޮނޑުގެ ބާވަތެއް މި މަހުގެ ކުލައަކީ ކަޅުކުލައެވެ މިބާވަތުގެ ބައެއް މަސްމަހުގައި ފެހިކުލައެކުވެފައި ހުންނަ ގަދަ ނޫކުލަވެސް ހުރެއެވެ މަޑުކޮތަރިބައިގެ ކައިރީގައި ހުދާއި ނޫކުލައިގެ ރޮނގުތަކެއް ހުރެއެވެ ނިގޫފަތުގެ ކައިރިފަށް ހުންނަނީ ވަށްކޮށް އެއްވަރަކަށް ކަނޑައިލައިފައި ހުންނަ ކަހަލަ ގޮތަކަށެވެ
ކަޅުކަޅި
ނ ލޮލުގެ މެދުގައި ވައްކޮށް ހުންނަ ކަޅުތަން
ކަޅުކައްޅަ
ނ ޅަނދޮޅުކޮށް ހެދޭ ދުރުދުރުގައި ފަތް ހުންނަ ގަހެއް މިގަހުގެ ފަތް އެތުރިފައި ހުންނަނީ ގޮފީގެ ދެފަރާތުގައި އެއްފަތް އަނެއްފަތާ ދިމާވާގޮތަށެވެ މިއީ ބޯކޮށް ހުންނަ އާވިރަހަލާ ފަތެކެވެ ފަތުގައި ހުންނަނީ ގަދަ ފެހިކުލައެވެ މިގަހުގެ ގަސްގަނޑުގެ ކުލައަކީވެސް ގަދަފެހިކުލައެވެ މިއީ ވަރަށް ކިރު ގިނަ ގަހެކެވެ