radheef.info
ރަދީފު


ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
ވީމާ
އ ސަބަބު ނުވަތަ ދަލީލު ދެއްކުމުގެ ގޮތުން ބަސް ގުޅަން ބޭނުން ކުރާ އަކުރެއް މިސާލު: އެއީ އަޚްލާޤު ނުބައި މީހެކެވެ ވީމާ އެކުގައި އުޅުން ރަގަޅެއް ނޫނެވެ
ވުރެ
އ އެކަތިއަނެކެއްޗާ އަޅާބެލުމުގައި ބޭނުންކުރާ އަކުރެއް މިސާލު: މިއަށްވުރެއެރީއްޗެވެ
ވެހުން ގަނޑު
ނ (1) ގަބުޅި ހުނީގައި ދިވެހިހަކުރު އަޅައިގެން ހިލައި އެތެރެއަށް ހަނޑުލު ފުށާއި ހަކުރާ އެއްކޮށް ހިލައިގެން ވަށައިފައި ހުންނަ ގުޅަތަކެއް އަޅައި ބޭރުގައި ފަތްލައި ވެހައިފައި ހުންނަ ކާ އެއްޗެއް މިގުޅަތައް އެތެރެއަށް ނާޅާވެސް ހަދައެވެ ގިނައިން މިހަދަނީ ދެކުނު މީހުންނެވެ (2) އެއްޗެއް ވެހާން ބަނދެފައިވާ ބަނުން
ވެނި
ނ )ބދ ( ހަތަރު އިނގިލި ދިއްކޮށްގެން ކުރާ އިޝާރާތް
ވެން
ނ (1) ހަރުފައިގެ ސިފައިގައި އޮންނަ މޫދުގައި ދިރިއުޅޭ މަހެއް. މީގެ ބިޔަ އެއްޗެތި އުޅެނީ އުރަފަށުގައެވެ. މިސާލު: ކަޅުވެން ކިރުޅިޔަވެން. (2) ފޭރާންކުރާއިރު އުއިފަށް ބާރުކުރާން ގެންގުޅޭ ފަތިގަނޑ.ު (3) ގުޑިއެރުވުމުގެ ތެރޭގައި ވެނުގެ ސިފައިގައި ހަދައިގެން އަރުވާ ގުޑިއެއް
ވެންޖެހުން
މ ފޭރާން ކުރާއިރު އުއިގަނޑު ބާރުކުރާން ފަތިގަޑުން )ވެނުން( ހިފާހިފުން
ވެދުންބަރުތީލަ
ނ އިހުގައި ރަށްރަށުގެ ވެރިންގެ ފަތްކޮޅާއި އަދި ބައެއް މަޤާމާއި ކަންކަމަށާއި ދޮށުންގެ ރަށްރަށް ލިޔެދިނުމުގެ މައްޗަށް ކުރާ ވެދުން
ވެދުންއަރުއްވައިގަތުން
މ ރަސްމީގޮތުން ކުރާ ވެދުން ބަލައިގެންނެވުން
ވެދުންފޭލި
ނ (1) އޮޅުދޫކަރައަށް ޖިޒީ ފޮނުވާ އުޅުނު ދުވަސްވަރު ދިވެހިރާއްޖޭގެ ރަދުން އެތާނގެ ގަވަރނަރ އަށްފޮނުއްވާން ރާއްޖޭގައި ވިއުއްވާ އަންނަ ފޭލި (2) ރަދުންގެ ފައިވާންފުޅު ދެކެންދާ މީހުން ކުރުނީސްކޮށް އަދަބުވެފައި އެމީހުންގެ އަތުން ރަސްގެފާނުގެ ފައިވާންފުޅު ދަށަށް ދޫކުރާ ފޭލި
ވެލިފަށް
ނ (1) މަށިވެލީގެ ރޮނގު. (2) ރަށަކުން ފެންމައްޗަށް ހިކިފައިވާ ވެލީގެ ހުދުފަށް. (3) ކަނޑާއި ގަސްކަރައާއި ދޭތެރޭން ރަށަކުން ފެންނަ ވެލީގެ ހުދުފަށް (4) ކަނޑު ދަތުރުކުރާއިރު ރަށެއްގެ ވެލި ފެންނަ ހިސާބު
ވެލްޑިންކުރުން
މ އެލެކްޓްރިކް ބާރުން ބޭނުންކުރާ ހަތިޔާރަކުން މަޢުދަނީ އެއްޗެހި ވިރުވައިގެން އެކަތި އަނެކައްޗާ ގުޅައި ބެއްދުން
ވެސް
އ (1) ދޭދޭ ބަސް ގުޅައިލުމުގައި ބޭނުންކުރާ އަކުރެއް. މިސާލު: އަޙްމަދު ވެސް އަނީސްވެސް އައެވެ. (2) އިތުރުކުރުން ހިމެނުން މިސާލު: އަހަރެން ވެސް ދާނަން
ވެޔޮފިލާ
ނ )ޏ ( ބޭހަށް ބޭނުންކުރާ ފަތްޕިލާވެއްޔެއް
ވޭރު
ނ (1) ކުޅި (2) ފެންގަނޑު (3) ބުދު ދީނު މީހުން އަޅުކަންކުރަން ބޭނުންކުރާ ތަނެއް
މަހާނަމަތީބަރަވެލިދުވުން
މަޖާޒު: އެއްޗެހި ބެހުމުގައި ހަމައިން އެއްކިބާވެގެން ކަން ކުރާމީހުން މަރުވެދިއުމުން އެމީހުންގެ މަހާނައަށް އަންނާނެކަމަށް ބުނެއުޅޭ ސުންޕާކަމެއް
މަހާނަދޮށަށްދާމީހާ
ނ މަޖާޒު: އެކިއެކި ކެއުމަށް ނުކިޔަނީސް ދާމީހާ. މިބަސް އުފެދިފައި ވަނީ މަހާނަދޮށަށް ދާން ކިޔައިފައި އޮންނަ މީހުންނާއެކު އިތުރު މީހަކު ދިއުމުންނެވެ. ކިޔައިގެން ދިޔަ މީހުން ހީކުރަނީ އެއީ ގެއިން ފޮނުވައިގެން އައި މީހެއް ކަމަށެވެ. ގެއަށް ކާން ދިޔައިމާ ގޭމީހުން ހީކުރާނީ ކީމީހުން ގޮވައިގެން އައި މީހެއްކަމަށެވެ ކޮންމެއަކަސް އޭނާއަށް އެހެން މީހުންނެކޭ އެއްގޮތަށް އެތަނުން ކާން ލިބެއެވެ
މަހި
ނ (1) އަންހެނުންގެ ކަރުގައި އަޅާ ފަށްޓަރުބައިގެ ފަށްތަކާ ތިރިއާ ގުޅުވައިދޭ ބައި (2) މަސް އައިނެއް ނުވަތަ މަސްގަނޑެއް ތިލަވަގެން އުޅޭއިރު ލޮނު ގަނޑުގައި އުފެދިފައި ހުންނަ ކުދިރާޅުބައި (3) އުނުގައި އަޅާ ފަށްޓަރުގެ ދެކޮޅުގުޅުވުމަށް ބޭނުންކުރާފާހި (4) އަތުގައި އަޅާ ބައެއް ކަހަލަ ގަހަނާގައި އެލިފައި ހުންނަ އެތިކޮޅުތަކާ މައިގަނޑު ގުޅާބައި (5) ދާނީގެ ދަނޑިވައްދާ ތަން
މަހިތާން
ނ ވިޔާއުއި ތައްޔާރުކުރާއިރު އުއިގަނޑު ހަރުކުރަން ލާތާން
މަހުމުސާރަ
ނ ކުރާ މަސައްކަތުގެ އުޖޫރައިގެ ގޮތުން މަސްދުވަހަކަށް ކަނޑައެޅިފައިވާ ފައިސާ
މަހުފޫ
ނ ކަނޑުމަހުގެ ހިކިމަސްގަނޑެއްގެ ނަގޫކޮޅުން ބުރިކޮށްލައިފައި އޮންނަ ތަންކޮޅު މިއީ ބައެއް ދިވެހިބޭހަށް ބޭނުންކުރާ އެއްޗެކެވެ