radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ސަނގަލާޖެހުން
މ (1) ނަންނުގައްޗާއި ހަރުފަ ފަދަ ތަކެތި ފަށަކާޖެހި ފަށެއް އޮންނަހެން މަތިމައްޗަށް ވަށްކޮށް އޮޅައިލައިގެން އޮތުން (2) ސަނގަލާޖެއްސުން
ސަންބޯލް
ނ (1) ކާށިހުންޏާއި މަހާއި ހިކިމިރުސް ފަދަ އެއްޗެހި އެއްކޮށްގެން ހަދާ މަސްހުނި ފާޑުގެ ލައިގެންކާ އެއްޗެއް. (2) ފިޔާގެ ތެރެއަށް ހިކިމަހާއި ހަކުރާއި ހިކިމިރުހާއި ފޮނިތޮށި ފަދަ ތަކެތި އަޅައި ތެލުގައި ކައްކައިގެން ތައްޔާރު ކޮށްފައި ހުންނަ ލައިގެންކާ ހިކި އެއްޗެއް
ސަންބޯސާ
ނ (1) ފަނިޔާރަމާ ވައްތަރު ގޮތަކަށް އެތެރެއަށް މަސް އަޅައިގެން ހަދައިފައި ހުންނަ ކުޅި ހެދިކާއެއް (2) )ހ ( ބަޖިޔާ
ސަންފާކެޔޮ
ނ (1) ބޮންތިރަތް ކޭލަށްވުރެ ވައް ފަލަކޮށް ހުންނަ ކޭލެއް މިކެޔޮ ދޮންވެ ފައްކާވީމާ ބައެއް ވަކުގެ ތޮށިގަނޑު ފަޅައިގެން ދެއެވެ (2) ސަންޕާކެޔޮ
ސަންގު
ނ ފޫއެބުރި ބޮލީގެ ތެރޭގައި ހިމެނޭ ސައިޒުން ބޮޑެތި ބޮލި މިއީ ބޭރުގައި ކުރެހުން އަޅައިފައި ހުންނަ ބޮއްޔެކެވެ މީހުން އެއްކުރުމަށް ފުންމައިއުޅޭ އެއްޗަކަށް މިބޮލި ބޭނުން ކުރެއެވެ
ސަރުބަތު
ނ (1) ހަކުރާއި ފެނާ އެއްކޮށް ކޮންމެވެސް ކަހަލަ އެސެންސަކުން ރަހަލައްވައިފައި ހުންނަ އޮލަފަނި (2) މޭވާ އަކުން ނަގައިފައިވާ ޖޫހަށް ހަކުރު އަޅައި އޮލަކޮށްފައި ހުންނަ ފަނި (3) ބޭހަށް ބޭނުންކުރުމަށް ބައެއް ބާވަތުގެ ތަކެތިން ކައްކާ އޮލަފަންޏެއް މިސާލު: ވޭމުއި ސަރުބަތު
ސަބުދެރިޔާ
ނ )ގ ސ ( ނާލުބައްތެއްޔާއި ބައްތެލި ދޯނީގައި ދިރުނބާކޮޅު ފެންފިލާމަތިން ދައްސޫރަ އޮންނަގޮތަށް ލަކުޑިން އަޅައިފައި އޮންނަ އެއްޗެއް
ސަބުޖު
ނ ބަކަރި ކިރުގެ ތެރެއަށް އަފިހުން އަޅައިގެން ކައްކާ ބުއިމެއް މިއީ ޢަމަލުވާ އެއްޗެކެވެ
ސައި
ނ ސައިފަތް އަޅައިގެން ތައްޔާރުކުރާ ބުއިމެއް
ސައިމުޑާ
ނ ބެރުފިޔަފާޅިއަށް ސައިއަޅައިގެން ގެންދާ އެއްޗެއް
ސައިފަތް
ނ ސައިފަތް ގަހުގެ ފަތް. މިއީ ތިރިކޮށް ހެދޭ ގަހެއްގެ ފަތެވެ. މިފަތް ހޫނުފެނަށް އެޅުމުން ފެނުގައި ކުލަހިފައެވެ. މީގެ ދެކުލައެއް ހުރެއެވެ. އެއީ ރަތްކުލައާއި ފެހިކުލައެވެ. މިއީ ހޫނުފެނަށް އަޅައި ކުލައާއި ރަހަނެރެ ބޯންބޭނުންކުރާ އެއްޗެކެވެ މިގޮތަށް ތައްޔާރު ކޮށްފައި ހުންނަ އެއްޗިއްސަށް ކިޔަނީ ސައެވެ
ސައިފަތްގަސް
ނ އެގަހެއްގެ ފަތް ހޫނުފެނަށް އަޅައިގެން ބޯންބޭނުންކުރާ ގަހެއް މިގަހުގެ ފަތަށް ކިޔަނީ ސައިފަތެވެ މީގެ ދެވައްތަރެއް ހުރެއެވެ އެއް ވައްތަރެއް ހޫނު ފެނަށް އެޅީމާ ހުންނަނީ ރަތްކުލައެވެ އަނެއް ވައްތަރެއް ހޫނުފެނަށްއެޅީމާ ހުންނަނީ ފެހިކުލައެވެ ދުނިޔޭގައި އެންމެ ޢާންމުކޮށް ބޭނުންކުރެވެނީ ރަތްކުލައެވެ
ސައިތާނު
ނ (1) ނުބައިކަން ހައްދު ފަހަނަޅައިފައި ތިބޭ މީހުންނަށް ނުވަތަ ކުދިންނަށް ނިސްބަތް ކުރާ ނަމެއް (2) ޖިންނީންގެ ތެރޭގައި ހިމެނޭ ނުބައި އެއްޗެހި (3) އިބިލީސް
ސައްބުލަނގިރި
ނ ފާޑުފާޑުގެ ހެއްވާ ހެދުންތަކެއް އަޅައިގެން ބެރުގެ ބަދަލުގައި ޓައްޕު ޖަހަމުން ލޮއްބޭގެ ލަވަކިޔަމުން ލަކުޑިން ލިޔެފައި އޮންނަ ކުރަޔަކުން އެސްފީނާޔަށް ފެންއަޅާގޮތަށް ދައްކަމުން ކުޅުނު ހެއްވާ ކުޅިވަރެއް މި ކުޅިވަރު ކުޅުނީ ގަލޮޅުގެ ބަޔެކެވެ
ސާރި
ނ (1) ދޯނިފަހަރުގެ ކުނބާ ދިމާއަށް އަޅައިފައި އޮންނަ ހުރަސް ފިލައެއް (2) ހަތަރެއް މިސާލު: ދުއިދުއި ސާރި
ސާލު
ނ ކެހެރި ފޮތި ނުވަތަ މަޚްމާ ފާޑުގެ ފޮތިން ތައްޔާރު ކޮށްފައި އޮންނަ ފޮތިގަނޑެއް މީގައި ފަށުވިން މާޖަހައި ވަށައިގެން ކުރެހުންތައް އަޅައިފައި ހުރެއެވެ
ސާގުދަލިޔާ
ނ ބަކަރިކިރު އަޅައިގެން ސާގުގައި ކައްކާ އެއްޗެއް
ސިންގަޅަ
ނ (1) ސިންގަޅައިންގެ މާދަރީބަސް (2) މާދަރީ ބަހަކަށް ސިންގަޅަ ބޭނުންކުރާމީހާ (3) ނއ ސިންގަޅައިންނަށް ނިސްބަތްވާ
ސިންގަލްފޮތި
ނ މެދުން ފަތް ނުޖަހައި އޮޅައިފައި ހުންނަފޮތި
ސިކަންޖަބީނު
ނ ރާހުތާއި މާމުއި އަޅައިގެން ތައްޔާރުކުރާ ޝަރުބަތެއް