radheef.info
ރަދީފު


ރަށް
ނ (1) ޖަޒީރާ (2) މީހުން އާބާދުވެ ދިރިއުޅޭ ހިސާބު ހިސާބު
ފާޑުފާޑަށްއުޅުން
މ (1) ވައްތަރު ވައްތަރަށް އުޅުން (2) ޒާތްޒާތަށް އުޅުން (3) ގޮތްގޮތަށް އުޅުން
ފިނިހައް
ނ ތެތްފިނި ތަންތާނގައި އުޅޭ އެނބުރިފައިވާ ތޮށިގަނޑެއްގެ ތެރޭގައި އޮންނަ މަޑުން ދުވާ ސޫތްޕެއް މިއެތި ދުވަނީ އެތެރޭގައި އޮންނަ މަސްގަނޑުން ބައެއް ބޭރަށް ނެރެގެންނެވެ
ފިނިފެންރޯސް
ނ ފިނިފެން އަތަރަށްވުރެ ވަސްމަޑު އެއަށްވުރެ ދިޔާކޮށް ހުންނަ އަތަރެއް
ފިރިފުރާވަރަށްއެރުން
މ (1) ބާލިޣުވާ ޢުމުރަށް އެޅުން (2) ބޮޑުވާ ޢުމުރަށް އެޅުން މިބަސް ބޭނުން ކުރަނީ އަންހެނުންނާ ބެހޭގޮތުންނެވެ
ފިއްމުދުއޮއި
ނ )ސ ( ރެދަން ލައިފައި ބޭރަށް ދެމޭ އޮއި
ފިތުރޯނު
ނ (1) ބިޔަކޮށް ހެދޭ ގަހެއް. މީގެ ފަތްތައް ހުންނާނީ ވަރަށް ހިމަކޮށް ބުރިތަކަކުން ގުޅިފައި ހުންނަ ތަނޑުތަކެއް ހެންނެވެ މީގެ ދެބާވަތެއް ހުރެއެވެ އެއިން އެއްބާވަތެއް ބޭހަށްވެސް ބޭނުންކުރެއެވެ (2) މިގަހުގެ ލަކުޑި
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިލާއެޅުން
މ ދަތުރުކުރާ އުޅަނދު ހުރިތަން ދެނެގަތުމަށްޓަކައި ހިސާބުކުރުން. މިއީ ޢަރުޟާއި ޠޫލު ދެނެގަތުމަށްޓަކައި ސިކިސްތާނު ނުވަތަ ގޮއިދުރުވާނުން އިރަށް ނުވަތަ ތަރިއަށް ބަލައިގެން ކުރާ ހިސާބެކެވެ
ފިލާގަނޑު
ނ (1) މަސްދޯނި ފަހަރުގެ ކޮޅުފަސްކޮޅުގައި ކަތްޕާއި ކޮޅުފަހާ ދެމެދުގައި ދޯނިން ބޭރަށް ނުކުންނަ ވަރަށް އަޅައި ނެގޭ ގޮތަށް ފިލައިން ހަދައިފައި އޮންނަ ބައި މަސްބާނަން އަރައި ތިބެނީ މިތާގައެވެ (2) ގައިގައި ބަނުމަށް ފުޑައިފައި ހުންނަ ބޭސްގަނޑު (3) ފިލަޔަކުން ވަކިކޮށްލެވޭ ބައެއް
ފިލިޖެހުން
މ (1) ތާނައާއި ޢަރަބި ލިޔާއިރު އަކުރުގެ އަޑު ނެރޭނެގޮތް ދެއްކުމަށް އެ އަކުރުތަކުގެ ތިރީގައި ނުވަތަ މަތީގައި އަކުރަށް ވުރެ ކުޑަ ނިޝާނެއް )ފިލި( ޖެހުން (2) އަކުރުގެ އަޑު ނެރުމަށް އަކުރާ ގުޅައިފައި ހުންނަ ކުޑަ ނިޝާން ޖެހުން (3) އަކުރަކާޖެހިގެން ފިލިއަކުރެއް ލިއުން (4) ފިލިމަހުގެ އެތިއެތި ކޮޅު އުކުން މަޖާޒު: (5) ރިޝްވަތު ދިނުން (6) ކަމެއް ކުރުވުމަށް ބާރުއެޅުމަށް އެއްޗެހި ދިނުން
ފިޔަ
ނ (1) އުދުހޭ އެއްޗެހީގެ ވަރަ. (2) މާމެލާމެލީގައި ކަރުގަނޑުގެ ވަށައިގެން ބޭރަށް ނުކުމެފައި ހުންނަ ބައިތައް. (3) ފަންކާއާއި ބުރަފަތި ފަދަ ތަކެތީގައި ހިމަދިގުކޮށް ނުވަތަ ކުރުފަލަކޮށް ވަށައިގެން ބޭރަށް ނުކުމެފައިވާ ވައިފޮނުވައިދޭ ނުވަތަ ފެނުތެރޭ އަނބުރައިދޭ ބައި މިފަދަ ތަކެތީގައި ޢާއްމު ގޮތެއްގައި ހުންނާނީ ތިންފިޔައެވެ (4) ފިޔަ އަކުން ނައްޓައިލެވޭ ފަށް
ފިޔަކަން
ނ ގޭގޭކޮޅުން ފުރާޅުން ބޭރަށް ނެރެފައި އޮންނަ ތަނުގެ ނަން
)ސާކެޓް( ފިޔުޒު
ނ (1) ބޭނުން ވަރަށްވުރެ ބޮޑަށް ކަރަންޓު ބޭނުން ކުރުމުންނާއި ޝޯޓުވުމުން ވިރިގެން ދާގޮތަށް ސާކެޓެއްގައި ބަލިކޮށް އަދި ފަސޭހައިން ވިރިގެން ދާގޮތަށް ލެވިފައިވާ ނަރުކޮޅެއް (2) މިނަރުކޮޅު ހަރުކޮށްފައި ހުންނައެތި
ފީބޯމިޔަރު
ނ ފީމިޔަރު މިއީ އަތޮޅުން ބޭރު މާކަނޑުގައި ދިރިއުޅޭ މިޔަރެކެވެ މިއީ ވަރަށް ބޮޑު ވަރަށް ބަރުހެލި މިޔަރެކެވެ ވަރަށް މަދުން މެނުވީ އަތޮޅުތެރޭގެ ތިލަކަނޑު ތަކަކު މިމިޔަރެއް ނޫޅެއެވެ
ފީވުން
މ (1) ލަކުޑިއާއި މައުދަނުގެ ތަކެތި ބާވެ އެތަކެތީގެ ބާރުދިޔުން (2) މޭވާއާއި ގޮވާން ފަދަ ތަކެތި ގިނަދުވަސް ވެގެން ބޭނުން ނުހިފޭ ވަރަށް ހަލާކުވުން (3) ކުޑަކުދިން ރުޅިގަދަ ވެފައި ފިނޑިވުން (4) ބިސްފީކުރާ ދުވަސްވަރު ކުކުޅަށްވެފައި ހުންނަ ގޮތްވުން (5) މަޖާޒު: ވެރިކަމާއި ޢާއިލާ ތަކާއި މީހުންގެ ބާރުކެނޑުން
ފުށި
ނ (1) ކުދި ރަށްރަށް. (2) މާރަށްރަށް ފިޔަވާ އެހެނިހެން ރަށްރަށް. (3) ފަޅުފަޅުގައި އަކިރިއާއި ގަލުން ހިކިފައި ހުންނަ ތަންތަން. މިތަންތާނގައި ކުރެދި ހަލަވެލި ބޯށި މަގޫ ފަދަ ގަސް ހުރެދާނެއެވެ. (4) ގަސް ހެދުން. މަދު އާބާދުވުން ކުޑަ އާމްދަނީ ލިބުން މަދު ރަށްރަށް
ފުށިރަށް
ނ (1) ކުދިރަށް (2) ރުއްގަސް ހެދުން ދެރަ ރަށް
ފުށުންޖެހުން
މ (1) އެއްޗެއް މައްޗަށް އޮތް ފަރާތް ދަށަށް ވާނެހެން ހެދުން. (2) އެއްޗެއްގެ އެތެރެއަށް އޮތްފުށް ބޭރަށް ބަދަލުކޮށްލުން. (3) މަޖާޒު: ކަމެއް ރާވައިފައި އޮތްގޮތުގެ އިދިކޮޅަށް ބަދަލުކުރުން. (4) ބަހެއް ނުވަތަ ވާހަކައެއް ދިމާ އިދިކޮޅަށް ބުނުން
ފުށޮޅު
ނ އަތޮޅުތަކުގެ ބޭރު ދުނީގެ ރަށްރަށުގެ ފުއްޓަރު ފަރާތުގެ ކަނޑު
ފުށް
ނ (1) ގޮވާމާއި އެނޫންވެސް ތަކެތީގެ ހިމުން ކުނޑި (2) ގައިގައި ޖެހުމަށް ތައްޔާރުކޮށްފައި ހުންނަ މީރުވަސްދުވާ ވަރަށް ހިމުން ކުނޑިއެއް (3) ފަރާތް މިސާލު: އޭނާގެ ފުށުން )އޭނާގެ ފަރާތުން( (4) ކިބަ މިސާލު: އޭނާގެ ފުށުން )އޭނާގެ ކިބައިން( (5) ބިތެއް މިސާލު: އެއްޗެއްގެ ފަރާތެއް (6) މުއި