radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ކުރިކިހާއްފިލާ
ނ ވެލަށްހެދޭ ފަތްޕިލާވެލީގެ ބާވަތެއް މިއީ ކުރިގޮބޮޅީގެ ރަހަ ކަހަލަ ރަހައެއްލާ ފަތެކެވެ ފަތުގެ ކުލައަކީ މަޑުފެހިކުލައެވެ މި ފަތް ހުންނަނީ ކޮޅަށް ހިމަކޮށް މެދަށް ފުޅާކޮށެވެ މިއީ ވަރަށް ތުނި ފަތެކެވެ މިވެލުގައި ވައިލެޓު ކުލައިގެ ކުދިކުދި މާތަކެއް އަޅައެވެ
ކުރިކީލަމަސް
ނ ކުރިކީލަ ކުލައިގެ ކުޑަ މަހެއް މިއުޅެނީ ހުދުފަޅު މަތީގައި ހަރުކޮނެގެންނެވެ
ކުރިޖެހިބަތް
ނ ޅަކޮށް ކައްކައިގެން ކެޔޮފަތު ހޮޅިޔަށް އަޅައިފައި ހުންނަ ބޮނޑިބަތް. މިހޮޅީގެ ދެކޮޅު ފަތްގަނޑު ހުންނާނީ ބޮނޑިބަތް ރޯލުގެ ކޮޅަށް ވައްދާ ލައިފައެވެ. މީގައި ހުންނާނީ އަށެއް ނުވައެއް އިންޗީގެ ދިގުމިނެވެ. ފަލަ މިނަކީ މެދުމިނު މީހެއްގެ އަތުކުރީގެ ފަލަމިނެވެ. މިއީ އޮލީފަދަ ރަސްމީ ކަންތަކުގައްޔާއި ރަށްރަށުގެ މައުލޫދުގައި ޅެންކިޔާ މީހުންނަށް ހުންނަ ބަތެކެވެ
ކުރުނީސްކުރުން
މ ކުރުނީހުގެ ގޮތުން ސަލާމް ކުރުން
ކުރުކުރު
ނ ފަލަމަޑީގެ ބާވަތެއް މިއީ މަތިވައް ފަތްހެން ފަތްހުންނަ ވެލެއްގެ ގޮނޑިއެކެވެ މީގެ ބޭރުހުންނަނީ ކަޅު މުށިކުލައެއްގައެވެ ތޮށިގަނޑުގައި ނަރުވާތަކެއް ފަޅައިފައިހުރެއެވެ މިވެލުގައި އަޅާ އެއްޗެއްސަށް ކިޔައި އުޅެނީ ކުރުކުރުކައްޓަލައެވެ އެ ހުންނަނީ ކުދި ކޮންނެވެ
ކުރުއަތުލިޔުން
ނ ދައްކާ ވާހަކަ އަވަހަށް ލިޔާލިޔުން މިލިޔުން ލިޔާނީ ރަމްޒުތަކަކާއި ނިޝާންތަކެއް ބޭނުންކޮށްގެންނެވެ
ކުރުއްޕި
ނ ކޮށިކޮށީގެ ބަޑިޖަހާ މީހުން ލައި އުޅުނު ލިބާހެއް މިލިބާސް ހުންނާނީ ބަނޑު ފަޅައިލައިފައި ކޯޓެއްގެ ސިފައިގައެވެ
ކުރެހިހިމެރި
ނ ހިމެރީގެ ބާވަތެއް މީގެ އޮށުގައި ހުންނާނީ ކުރެހުން އެޅިފައެވެ
ކުރެވި
ނ (1) ރިޔަލާއި ސަތަރިފަދަ އެއްޗެހީގެ އެމުނީގައި ހަރުކޮށްފައި އޮންނަ ވާ (2) ލޮލުގެ އެސްފިޔަ ފަޅައިފައި ހުންނަތަން (3) )ހ ( އަންނައުނުގެ ކަށިފަތީގެ އެންމެ ކައިރިފަށް
ކުރެދި
ނ (1) ކީލިހިމުން ގަދަފަދަ ތަތްލަކުޑިއެއް. މި ގިނައިން ބޭނުންކުރަނީ ބިމަށްޖަހާށާއި އޮޑިދޯނި ފަހަރުގެ އިލި ޖަހާށެވެ މިގަސް ހެދެނީ ރަށްރަށުގެ ގޮނޑުދޮށުގައެވެ (2) ހަނޑަސްބުރީގައި ވަޅުޖަހަން ކުރެދިން ހަދާފައި ހުންނަ އެތިގަނޑު
ކުރެދިފަނި
ނ މަދިރިހެން ލޭބޯ މެއްސެއް މިއީ ކުނަމެއްސެއްހައި ވަރުގެ އެއަށްވުރެ ތަންކޮޅެއް ފިޔަ ދިގު ބޯހުދު މެއްސެއް މި އުޅެނީ ރަށްރަށުގެ ގޮނޑުދޮށުގައެވެ
ކުރެޔާ
ނ )ގ ( ކުރާ )މިހެން ކިޔަނީ އެކައްޗަށް ނިސްބަތް ކޮށެވެ
ކުރޮޅި
ނ (1) ހިކިގެން ނާށިގަނޑުގެ ތެރެއިން އަމިއްލައަށް ނެއްޓިފައި އޮންނަ ކާށި މި ކާށި ބޮނބިގަނޑާ ނާއްޓާ އެކީއޮތަސް ކިޔަނީ މިހެންނެވެ (2) ހަރުލައިފައި އޮންނަ ތޮށީން ހިކިގެން މަދުނެއްޓިފައި އޮންނަ އޮށް ނުވަތަ ބަދަން (3) ލަނބުރާނު ކޮޅުގައި ހަރުކޮށްފައި ހުންނަ ތިންލޯވަޅު ހުންނަ ގޮއްލަ (4) ތިން ފުރޮޅުލީ ދުއްވާ އެއްޗެއް މީގައި ދަތުރު ކުރެވޭނީ ދުއްވާމީހާގެ އިތުރަށް ދެމީހުންނަށެވެ މީގައި ހުންނާނީ ސައިކަލް އިންޖީނެކެވެ
ކުޅަނދުރު
ނ އުދުހިއުޅޭ ކަށިޖަހާސޫތްޕެއް. މިހުންނަނީ ރީނދޫ ކުލައިގައެވެ. މިއުޅެނީ އަމިއްލައަށް ހަތާހަދައިގެންނެވެ. މީގެތެރެއިން މާމުއިކުޅަނދުރަކީ މާމަލުންފޮނި ބޮއިގެން މާމުއި އުފައްދާ ސޫތްޕެކެވެ
ކުޅަނދުރުފާނަ
ނ ފާނައިގެ ބާވަތެއް. މިއީރާއްޖޭގެ ފަރުފަޅުތަކުގެ ބޭރުގައި ދިރިއުޅޭ ފައްތައިގެން ކުރާ މަސްވެރިކަމުގައި ބާނާމަހެކެވެ ކުޅަނދުރުފާނަ ކިޔައިފައިވަނީ މަހުގައި ހުންނަ ކުދިކުދި ފިތްތަކަށް ބަލާފައެވެ
ކުޅަދުންވަންތަ
ނއ ކުޅަދާނަ މިބަސްބުނެއުޅެނީ ހަމައެކަނި މާތްކަލާނގެ ރަސްކަންފުޅަށް ނިސްބަތްކޮށެވެ
ކުޅަދުންވަންތަކަން
ނއނ ކުޅަދާނަކަން މިބަސްބުނެއުޅެނީ ހަމައެކަނި މާތްކަލާނގެ ރަސްކަންފުޅަށް ނިސްބަތްކޮށެވެ
ކުޅިވަރުދެއްކުން
މަޖާޒު: ލިބިހުރި ބާރު ދައްކައިލާނަމޭ ބުނުމަށް ނުރުހިގެން ބުނާ ބަހެއް މިސާލު: ނިކަން ދެކެން ހުންނާށެވެ ރަށަށް ދެވުނީމައި ކުޅިވަރު ދައްކައިލާނަމެވެ
ކުޅިމީރު
ނ އަހުވަ )މިސާލު: (1) މިހާރު ހުންނާނީ އޭނާއަށް ކުޅިމީރު ފެނިފައެވެ (2) މިހާރު ތިޔަކަމުގެ ކުޅިމީރު އަހަންނަށްވެސް ފެނިއްޖެއެވެ (3) ބަލަން ހުންނާށެވެ! ނިކަންރަގަޅަށް އޭނާއަށް ކުޅިމީރު ދައްކާލާނަމެވެ
ކުޅިތޮށި
ނ ފޮނިތޮށީގެ ކުޅިގަދަ ބާވަތް މިހުންނަނީ ތަންކޮޅެއް ތުނިކޮށެވެ