radheef.info
ރަދީފު


ހެން
އ (1) ކަހަލަ (2) ފަދަ (3) އެއްގޮތަށް މިސާލު "ކަލޭ ބައްޕަ އުޅޭހެން އުޅޭ" (4) ވައްތަރަށް
ލުމަ
ނ (1) އުއިކޮށާ ނުވަތަ ރޮދިއޮޅާ ސަރަކައިގެ ފޯއްޔެއް ނއ (2) ތެދަށްހުރި އެއްޗެއްކަން އަންގައިދިނުމަށް ބުނާ ބަހެއް މިސާލު: )ހ( ތެދުލުމައެއް ހެން ހުރި ރުކެއް )ށ( އޭނާގެ ހަށިގަނޑު ހީވަނީ ތެދުލުމައެއްހެންނެވެ
ލޫވަ
ނ ކަތި ފިލާހެން ހަނި ބިއްލޫރިފަދަ ތަކެތި ލައްވައިގެން ކުޑަ ދޮރުގައި ހަރުކުރަން ހަދައިފައި ހުންނަ އެއްޗެއް މި ހުންނަނީ ހުޅުވައި ލެއްޕޭގޮތަށެވެ
ލޭނާރުހިލުން
މ ލޮލަށް އެއްޗެއް ވެއްޓިގެން ނުވަތަ އެހެންވެސް ސަބަބަކާހުރެ ލޯހިރުވުމުގެ ސަބަބުން ލޮލުގެ ތެރެއިން އުފުލޭ ރަތްކުލައިގެ ނާރުތައް އުފުލުން
ލޭކޮށައިލުން
މ ލިބުނު އަނިޔާއަކުން އިންސާނެއްގެ ނުވަތަ ފުރާނަހުރި އެހެންވެސް އެއްޗެއްގެ ހަށިގަނޑުގެ އެތަން މިތަން ކެނޑިގެން ލޭ އަންނަ ގޮތްވުން
ލޭފިތް
ނ ދުވަނީގެ ބާވަތެއް މިހުންނާނީ ބިހިތަކެއްހެން ލޭކުލައިގައެވެ މިއަށް ފަރުވާއެއް ނުލިބި ގިނަދުވަސް ވެއްޖެނަމަ މިތަން ފާރުވެދާނެއެވެ
ލޮނުބޯދި
ނ )މ ( ބޯދީގެ ބާވަތެއް މިއެމުގެ އެތެރެ ހުންނާނީ ބިއްލޫރި ކޮޅެއް ހެންނެވެ އެތެރޭގެ ކަށިވެސް އެނގޭގޮތަށެވެ މިއީ ވަރަށް ކުޑަ އެމެކެވެ
ލޮނުމެދު ފަޓާސް
ނ އެތެރެއަށް ބަޑިބޭސް އަޅައިގެން ލޮނުމެދު ބޮނޑިއެއްހެން ހުންނަ ގޮތަށް ބޭރުން ކަރުދާސް އޮޅައިފައި ހުންނަ އެއްޗެއް މިއީ އިހުގައި މާލޭގައި ހަދައި އުޅުނު އެއްޗެކެވެ މިގޮއްވަނީ ތަންތާނގައި ބާރަށް ޖަހައިގެންނެވެ
ލޮއްކޮ
ނ )ޅ ( ޅަ އަންހެންކުއްޖާ
ލޯކުރިމިޔަރު
ނ )ޅ ( މިޔަރުގެ ބާވަތެއް މިބާވަތުގެ މިޔަރުގެ ކަށި އެހެން މިޔަރާ ތަފާތެވެ
ލޯދިގުކަން
ނއނ (1) ތިމާއަށް ކޮންމެހެން ބަލަން ނުޖެހޭ ތަންތަން ބަލާކަން (2) އެހެން މީހުންނަށްވުރެ ކުރިން ތަންތަން ނުވަތަ އެއްޗެހި ފެންނަކަން
ލޯދިގުވުން
މ )!( ތިމާޔަށް ކޮންމެހެން ބަލަން ނުޖެހޭ ތަންތަން ބެލުން (2) އެހެން މީހުނަށްވުރެ ކުރިން ތަންތަން ނުވަތަ އެއްޗެހިފެނުން
ލޯލޯފަނި
ނ )މ.ޅ.( ރާޅުޖަހާ ފަށުގައި ވަޅުޖަހައިގެން އުޅޭ ވެނާ ވައްތަރު ފަންޏެއް މިހުންނާނީ ބިއްލޫރި ކޮޅެއްހެން އެތެރެ ފެންނަގޮތަށެވެ
ލޯގަނޑުކެނޑުން
މ ދަމުއަށީގައި އެލުވައިފައި ހުންނަ ލޯގަނޑުގައި ޖަހަންވާ ގަޑީގައި ނުޖެހުމުގެ ސަބަބުން ކުދި ބޭކަލަކު ލޯގަނޑު ނައްޓައިލައިގެން ގެންގޮސް ދެގެ ދޭތެރޭގައި ބޭއްވުން މިހެން ހަދައިފިނަމަ ދެން ލޯގަނޑު ގެންދެވޭނީ އަލުން އިޒުނަ ހޯދައިގެންނެވެ
ލޯޖެހުން
މ (1) ފުރާ ދުއްވާ ބައެއް ބޮޑަތި އެއްޗެހީގެ ބަނޑުފިލާ ގައްޔާއި ބައެއް ފުރާޅުގައި ލޯހަރުކުރުން (2) މީހެއްގެ ލޯނަގައި އެލޯހުރި ތާނގައި އެހެން ލޮލެއް ޖެހުން (3) ތަނެއްގައި ވަށައިގެން މޫނުބަލާ ލޯ ހަރުކުރުން
ގަހުރަމާނުން
ނ އަންހެން ސާހިބުންގެ އަރިހުގައި އުޅޭ އަރިހު ބޭކަނބަލުން
ގަނޑުފިއްލާކުޅުން
މ "ގަނޑުފިއްލާ" އޭ ކިޔާ ކުޅިވަރު ކުޅުން. މި ކުޅިވަރު ކުޅޭ ގޮތަކީ ކުޅޭ މީހުން ދެބަޔަކަށް ބަހައި ކުރިން ގަނޑުއަޅަން ދާމީހުންގެ ތެރެއިން އެކަކު ގަނޑަކަށް ހަދަން ކަންނެޔޮތަކާ ބާލީސްތައް އޭނާގެ ގައިމަތީ ބަހައްޓައި އެއްޗަކުން ނިވާކޮށް އެބައިގެ އެހެން އެންމެން ފިލާ ތިބެފައި އަތްތިލަބަޑި ޖެހީމާ އަނެއްބައިގެ މީހުން އައިސް ގަނޑަށް ގޮވައި މިވެނި މީހަކު ތެދުވާށޭ ބުނުމުން ދިމާވެއްޖެނަމަ ތެދުވަނީއެވެ ދިމާ ނުވެއްޖެނަމަ ލަނޑެއް ދެވުނީއެވެ
ގަނޑުތޮށަލިޖެހުން
މ )ޏ ( ތޮށަލިން ހިޔާކޮށްފައިވާ ފުރާޅެއް ބާވެގެން ވާރޭ ވެހެން ފެށުމުން އެތަން ތަނަށް ތޮށަލިލެއްވުން
ގަންހިންގުން
މ އިހުގައި ބޮޑެތި ބައެއްކުށް ކުށުގެ އަދަބަކަށް ކޮލިހިނގާމަގުގައި ކުށްވެރިޔާ ހިންގުން މިކަންކުރަނީ ބުރަކަށީގައި ފަނެއްބަނދެ މޫނުގައި އަޅިދެލި ކުރަހައި އުނަގަނޑުގައި ދެވާ ޖަހައިގެންނެވެ ކޮންމެ ހަތަރު އަނގޮޅި އެއްގައި މަޑުކޮށް އެމީހާގެ ކުށް ބަޔާންކުރާ ޢިބާރާތް ކިއުމަށްފަހު "އަދަބުން އަދަބޯތް" މިހެން ގޮވައިލައި ތަޢުޒީރުކުރާނެއެވެ މިމީހާގެ ފަހަތުން ވަރަށް ގިނަމީހުންނާއި ތެއުޅުވާ ކުދިން ދާނެއެވެ
ގަރަންމަސާލަ
ނ ރިހަކައްކާއިރު ނުވަތަ ބައެއް އެހެން ތަކެތި ހަދާއިރު މީރުކުރަން އަޅާ ހަވާދެއް
ގަޅިކެނޑުން
މ (1) ބައެއް މަސްމަހުގައްޔާއި ބައެއް ޖަނަވާރުގައި ހުރަހަށް ރޮނގުހުރުން (2) އެއްޗެއްގައި ހުރިކުލަނޫން އެހެން ކުލަޔަކުން ހުރަހަށް ރޮނގުދެމުން