radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ރަތްގަޅިފާނަ
ނ ފާނައިގެ ބާވަތެއް މިމަހުގެ ކަންފަތްގަނޑުކޮޅާ ނިގޫފަތުގެ ކޮޅު ހުންނަނީ ވަށްކޮށެވެ މިމަހުގެ ކުލައަކީ އޮރެންޖްކުލައެވެ ދެއަރިމަތީގައި ހުރަހަށް ގަދަރަތްކުލައިގެ ގަޅިތަކެއް ހުރެއެވެ މިގަޅިތައް ސާފުކޮށް ފެންނަން ހުންނަނީ މަހުގެ މަތީބައިގައި އެކަންޏެވެ
ރަތްގާ
ނ ރާއްޖޭގެ ބައެއްފަޅު ފަޅުގައިހެދޭ ކަޅުރަތްކުލައިގެ ގަލެއް މިގަލުގައި ހުހިވަކުތެރޭ ލޯވަޅު ހުންނަހެން ލޯވަޅު ހުރެއެވެ
ރަތްސަންގު
ނ ފޫއެނބުރީގެ ބާވަތެއް މިހުންނާނީ ރަތްކުލައެއްގައެވެ
ރަތްސައްބު
ނ ސައްބުގެ ތެރޭގާ ހިމެނޭ ހުދުރަތް ކުލައެއް ހުންނަ ބާވަތެއް
ޖަނބުރޯލު ބަލާ! ރަތްޖަނބުރޯލު
ނ ރަތްކުލައިގައި ހުންނަ ޖަނބުރޯލު
ރަތްޖަޑާ
ނ ޖަޑާގެ ބޮޑެތި ވައްތަރު. މިޖަޑާގެ ފިޔައާއި ހަށިގަނޑު ރަތްވެފައި ފިޔައިގެ ދަށުން ހަށިގަނޑާއި ގުޅޭ ހިސާބުގައި ދިހުން ކުލައެއް ހުރެއެވެ މިއީ ދޮންދޫނި މޫސުމަށް އައިސްއުޅޭ އެއްޗެކެވެ
ރަސްހުވަނދު
ނ ދިވެހިބޭހަށް ބޭނުންކުރާ ބާވަތެއް އާންމުގޮތެއްގައި މިބޭނުންކުރަނީ ލޮލު ބޭހަށެވެ މިހުންނަނީ ކަޅުރަތް ކުލައެއްގައެވެ މީގައި މީރުވަހެއް ހުރެއެވެ
ރަސްރޯނު
ނ (1) ރިނބުދޫ މީހުން އަތުން އިހުގައި ވަރު ހަނގުންނަށް ނަގާ ރޯނެއް (2) ރީތިކޮށް ވަށައިފައި ހުންނަ އެންމެ ހިމަ ރޯނު
ރަސްބޮލި
ނ ރިނބުދޫ މީހުންގެ އަތުން ވަރު ހަނގުންނަށް އިހުގައި ނަގާ ބޮއްޔެއް
ރަސްކަން
ނ (1) ރަސްކަލަކު ހުންނަވައިގެން ހިންގާ ވެރިކަން (2) މަޖާޒު: ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތް ހިތަކަށް އުޅޭ އުޅުން (3) ބަލަހައްޓާނެ މީހަކު ނެތިދާ ވަގުތުކޮޅު ކުއްޖަކު ނުވަތަ ކުޑަކުދީން ތަކެއް ހިތްހިތަކަށް އުޅޭ އުޅުން މިސާލު: އަހަރެން ގެއަށް އައިއިރު ކުދިން ކޮޅު ކޮޓަރި ތެރޭގައި ރަސްކަން ކުރަނީއެވެ
ރަސްކަންކުރުން
މ (1) ރަސްކަލަކު ހުންނަވައިގެން ހިންގާ ވެރިކަން ހިންގުން މަޖާޒު: (2) ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތްހިތަކަށް އުޅުން (3) ބަލަހައްޓާނެ މީހަކުނެތި ދާވަގުތުކޮޅު ކުއްޖަކު ނުވަތަ ކުޑަކުދިންތަކެއް ހިތްހިތަކަށް އުޅުން
ރަސްކޮކާމަސް
ނ ކޮކާ މަހުގެ ބާވަތެއް ރަސްކޮކާލުގެ ޅަމަހާއި ބޮޑެތި މަހުގެ ކުލަ ތަފާތެވެ ޅަމަހުގެ ކުލައަކީ ނޫކުލައެވެ އަދި މަހުގައި ކޮޅު ވައްކޮށް ގުޅިފައިވާ ހުދުކުލައިގެ ރޮނގުތަކެއް ފާޅުކޮށް ހުރެއެވެ ބޮޑެތި މަހުގެ ފަހަތުބައިގާ ނިގޫފަތާއެކު ހުންނަނީ ރީނދޫކުލައިގައެވެ ދެއަރިމަތި ހުންނަނީ ގަދަނޫކުލައިގައެވެ އަދި ރީނދޫ ކުލައިގެ ރޮނގުތަކެއް ދެއަރިމަތީގައި ހުރެއެވެ
ރަސްމީދުވަސް
ނ ސަރުކާރުގެ އޮފީސްތައް އާއްމުކޮށް ހުޅުވިފައި ހުންނަ ދުވަސް
ރަސްފަރީގައި ހިނގުން
މ ކަނޑި އައްޑަނަ ނުވަތަ ހަލާ ދަނޑި ހިފައިގެން ދާނޑުގައި ރަސްފަރީގެ ކުރެހުން އެޅޭގޮތަށް ހިނގުން
ރަސްފޫ އެނބުރި
ނ ފޫއެނބުރީގެ ބާވަތެއް. މިވައްތަރުގެ ފޫއެނބުރި ހުންނާނީ ކުރުފަލަކޮށެވެ. ބުރަކަށި ފަރާތުގައި އުންއުން ހުންނާނެއެވެ. ކުލައަކީ ކިރުޅި ކުލައެވެ ތުންފަތް ފަރާތުގެ ފުލުގައި ކުޑަކުޑަ އުމެއް ހުންނާނެއެވެ
ރަސްދަނބުރުއް
ނ (1) ފަނާއި ރުކުގައި ގަންނަތަކެތީގައި ރަންކުލައާއި ގާތްކުލައެއް ހުންނަ ދަނބު ރުއް (2) )ހ ( ރަތްދަނބުރުއް
ރަސްގުއްލަ
ނ ފޮނިކާއެއްޗެއް. މިއީ ރޯ ކިރަށް ހަކުރާ ގިތެލާ އަޅައިގެން މަޑު ގިނީގައި ކައްކަމުންގޮސް ފެންހިނދި ގުޅަވެށޭވަރަށް ކެކުނީމާ ބޭނުން ސައިޒަކަށް ގުޅަވަށައި ހަކުރު ފަންޏަށްލައިފައި ހުންނަ އެއްޗެކެވެ މިހުންނާނީ ސާފު ހުދު ކުލައިގައެވެ
ރަޖަބޫތުން
ނ އުތުރު އިންޑިޔާގައި އިހުޒާމަނުގައި ތިބި ހިންދީ ރާޖާއިންގެ ދަރިކޮޅަށް ނިސްބަތްވާ މީހުން
ރަޖިސްޓަރީ
ނ (1) ސަރުކާރުގެ ނުވަތަ އަމިއްލަ ފަރާތެއްގެ ލިޔެކިޔުމުގައި މީހެއްގެ ނުވަތަ ތަނެއްގެ އެއްޗެއްގެ ނަން ޖެއްސިކަމުގެ ހެއްކެއްގެ ގޮތުން ދޭ ލިޔުން (2) އެއްތަނުން އަނެއްތަނަށް ފޮނުވާ ސިޓީއާއި ޕާރުސަލް ފަދަތަކެތި ޕޯސްޓުއޮފީހުގެ ރަޖިސްޓަރީ ގައި ޖައްސާ ޖެއްސުން (3) ތަނެއްގައި އުޅޭމީހުންގެނަމާއި މަޢުލޫމާތު ބަޔާންކޮށް ލިޔެފައިވާ އޮންނަފޮތް
ރަޖިސްޓަރީކުރުން
(1) ސަރުކާރުގެ ނުވަތަ އަމިއްލަ ފަރާތެއްގެ ލިޔެކިޔުމުގައި ނަން ޖެއްސުން (2) އެއްތަނުން އަނެއްތަނަށް ފޮނުވާ ސިޓީ އާއި ޕާރުސަލް ފަދަތަކެތި ޕޯސްޓް އޮފީހުގެ ރަޖިސްޓަރީގައި ޖެއްސުން (3) ތަނެއްގައި އުޅޭ މީހުންގެ ނަމާއި މަޢުލޫމާތު ލިޔަން ހަމަޖައްސައިފައި އޮންނަ ފޮތުގައި ޖެއްސުން