radheef.info
ރަދީފު


ޓ
ނ ތާނައިގެ ވިހިވަނަ އަކުރު
އަނގޮޓިޖެހުން
މ އަނގޮޓި ހަރުކުރުން
އަންހެންކަން
ނ (1) އަންހެނެއްގައި ހުންނާންވީ ސިފަތައް (2) އަންހެނުންގެ ވައްޓާފާޅި (3) އަންހެނުންގެ ޝަހުވާނީ ބާރު
އަންބާރި
ނ (1) ދިރޭ އެއްޗެތީގެ މައްޗަށް ފުނިޖެހޭހެން އަރުވާމުދައު (2) އެތްމަތީ މީހުންތިބޭން ބަހައްޓާފޮށިގަނޑު
އަންބާރިއެރުވުން
މ (1) ދިރޭ އެއްޗެތީގެ މައްޗަށް ފުނި ޖެހޭންދެން މުދައު އެރުވުން (2) އެތްމަތީ މީހުން ތިބޭން އަންބާރި ބެހެއްޓުން
އަންދާބޯޓް
ނ ހިތީބޯޓުގެ ބާވަތެއް. މިއަޅަނީ މޫދުގައެވެ. ރަދުން ހިތިގެއަށް ވަޑައިގަތީމާ ބޯޓް އަންދައިލައިފައި މީހުން ރޮމުންރޮމުން ފައިބަނީއެވެ މިހަދަނީ މާފަންނު ހިތީގައެވެ
އަރާމަތީންވައުއުކުން
މ ހަމަ ރިޔައު ނަގާ އެއްޗެތި ގަދަވެގެން އުޅޭއިރު ފަރުމާނު ތިރިކޮށް ރިޔައު ހިފެހެއްޓުމަށްޓަކައި ފަރުމާނު މަތިން ވައުލައްވައިފައި އޮޑިއަށް ހަރުކުރުން
އަރިނެގުން
މ (1) ހިނަވާއިރު މައްޔިތާ އަރިޔަށް ޖެހުން (2) އުދުހޭ އެއްޗެހީގެ ފިޔައިގެ ފަތުގެ ކުރީން ތަންކޮޅެއް ބަހައްޓައިފައި ދެން ހުރިބައި ނޮޅައިލުން (3) އެއްފަޅިނެގުން
އަރިބަޑަހަގެ
ނ މުސްކުޅިގޮތަށް އަޅާފައި ހުންނަ ގޭގޭގެ އަސްކެއްޏާއި ގުޅާލައިގެން ހަދާފައި ހުންނަ އެއްޗެތި ރައްކާ ކުރާ ކޮޓަފާޅި
އަރިކަށީވިދުން
ނ އަރިކައްޓަށް ކުއްލިއްޔަކަށް އަރާ ގަދަ ތަދެއް މިތަދު ހުރިއްޔާ ކިނބިއްސެއް ނޭޅޭނެކަމަށް ބުނެއެވެ
އަރިޔަށްޖެހުން
މ (1) ފަތިއެއްޗެއްގެ ހަނިކައިރި ދަށަށް ވާނޭހެން ބެހެއްޓުން (2) ފުލާއި އަނގަޔާ ހުންނަ ތަކެތި ބިތަށް ބޭއްވުން
އަރުގަފަތްކޮޅު
ނ މިސްކިތްފަދަ ތަންތަނަށް ދެއްވާ ބޯގަފަތްކޮޅު މީގައި ހުންނާނީ އެތަނެއް ބެލެހެއްޓުމަށް ދެއްވާފައިވާ ތަންތަނާއި އެއްޗެއްސެވެ
އަރޮޅި
ނ އޮށް ބޭހުގެ ބާވަތެއް. މިއީ އެތެރޭގައި ހަރު އޮށެއް އޮވެފައި އޭގެ އެތެރޭގައި ކަނަމަދެއް ކަހަލަ މަދެއް އޮންނަ ބޭރުގައި ބޯތޮއްޓެއްވާ އެއްޗެކެވެ މީގެ ދެތިން ބާވަތެއް ހުރެއެވެ
އަބާރަނަ
ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ
އަބާރަނަމަތީބޮޑުލަވަ
ނ "އަބާރަނަ" ޖަހާފައި އޭގެ ލަވަމައްޗަށް ޖަހާލަވައެއް ކުޅިހުއްޓާރެއަށް މިލަވަޖަހާ އުޅުނީ އައްޑޫކޮށިން ތިންދަނޑިއާ އެއްލާންނުކުތީމައެވެ
އަބާދާއިއަބަދު
ނ (1) ތާއަބަދު (2) ކެނޑިނޭޅި (3) ހުއްޓުމެއްނެތި
އަބުރުވެރި
ނއ އަބުރުހިފަހައްޓާ
އަބުރުވެރިވުން
މ އަބުރުހިފެހެއްޓުން
އަބުއި
ނއ (1) ގެއްލުންދެނިވި (2) ޢިއްޒަތްތެރި (3) ރައްޓެހިނޫން (4) ބެހެންނުވާ (5) ހައިބަތުހުރި މިސާލު: ކުޑަކުދީން ނުބެހެންވީ ކަންތަކާ ބެހެން އުޅެފިނަމަ ތިޔައީ އަބުއިކަމެކޭ ބުނެއުޅެއެވެ ޢިއްޒަތްތެރީންނާ މެދުވެސް އަބުއިމީހެކޭ ބުނެއުޅެއެވެ
އަޅައިގޮވުން
މ (1) ވައްލަފަދަ ބައެއްދޫނި އެކަތި އަނެއްކައްޗަށް ރައްޓެހިވެގެން އެކަތި ގޮވައިލީމާ އަނެކަތި ގޮވައިލުން (2) ދެޖިންސުގެ ދެމީހުން ރައްޓެހިވެގެން އެކަކު އެއްޗެއް ބުނީމާ އެޔާއަޅައި އަނެކަކު އެއްޗެއް ބުނުން (3) މަޖާޒު: ލާދީގޮވުން
އަޅިބޮނޑި
ނ އަހިފަތަށް ނުވަތަ ޅޮސްފަތަށް ހޫނުއަޅި އަޅައިގެން ހަދާ ބޮނޑިއެއް މިއީ ބޭސްވެރިކަމުގެ ގޮތުން ގައިގެ ތަންތަން ހޫނުކުރުމަށްޓަކައި ގެންގުޅޭ ބޮނޑިއެކެވެ މިގެންގުޅެނީ ބޭރުން ފޮތިލައިގެންނެވެ