radheef.info
ރަދީފު


ޒ
އ ތާނައިގެ 91 ވަނަ އަކުރު
ކޮރުވުން
މ (1) އެއްފައި ކުރުވުން (2) ހިނގުމުގައި އެއްފައި ހަމައަށް ނޭޅޭ ގޮތްވުން (3) މަޖާޒު: ބައެއް ތަކެއްޗާއި ކަންތައް ހަމައިން ނައްޓައިލުން
ކޮޅުން
މ (1) ކަފައާއި އަލަނގުފަދަ ތަކެތި އައްޕަތުން ނުވަތަ ޕަޓޭމީން ހިންމިއަށް ވެއްދުން (2) މަޖާޒު: އެއްޗެއް ހޯދާން ތަންތަނަށް ބޯދީ އަތް ބާނައި ހާވައި ހެދުން
ކޮޅުންފޯދުން
މ (1) ގަސްރުއް ދުވަސްވެގެން ގޮސް އެއްޗެހި ނުގަންނަ ވަރުވުން (2) މަޖާޒު: މީހުން މުސްކުޅިވެގެންގޮސް އަބަހައްދަވުން
ކޮޅުއުނގުރިލުހުން
މ މަޖާޒު: ޙައިޟުވުން
ކޮޅުވަށިންދިނުން
މ (1) އެންއުކާއިރު ވަށީން އެންނަގާގޮތަށް އުކައިލުން (2) މަޖާޒު: ވަރުގަދަޔަށް އެއްޗެހި ގޮވައިގަތުން
ކޮޅުމަތި
ނ (1) މުންޑުގެ މެދުތެރޭގައި އެހެން ކުލަކުލައިގެ އުއިން ހަދައިފައި ހުންނަތަން (2) ފޭލީގެ ދެކޮޅުގައި ކަސަބުން ހަދައިފައި ހުންނަތަން (3) ވިޔެފައި ހުންނަ ހަރުވާޅު ދާގަނޑުގެ ދެކޮޅުގައި ކަސަބާއި ފަށުވިން ހަދައިފައި އޮންނަތަން (4) ކުޅިޖަހާއިރު ލައިއުޅުނު ހަރުވާޅުގެ ކުރިމަތީގައި އެލުވާން ކަސަބާއި ފަށުވިން ހަދައިފައި އޮންނަ އެތި (5) މަޖާޒު: ކަމެއްގެ ނުވަތަ ވާހަކައެއްގެ ފެށުމުގެ ނުވަތަ ނިމުމުގެ އަލާމާތް
ކޮޅުމަތި ފެނުން
މ މަޖާޒު: ކަމެއް ފެށުމާއި ނިމުމުގެ އަލާމާތް ފެނުން
ކޮޅުމަތިޖެހުން
މ (1) ވިޔުމުގައި ކޮޅުމައްޗަށް ވާތަން ހެދުން (2) މަޖާޒު: ކަމެއް ފެށުމުގެ އަލާމާތް ފެނުން
ކޮޅުމަގަށް އެރުން
މ މަޖާޒު: (1) ނިމޭން ކައިރިވުން (2) ނިމޭތަނަށް އައުން (3) ގޮތް ހުސްވުން
ކޮޅުމުގުލަށް އެރުން
މ (1) ވަލުގެ ކޮޅަށް ދިއުން (2) ދޫކުރާނެ ތަންހުސްވުން (3) ކޮޅުންލުން (4) މައްސަލައެއް ނުވަތަ ކަމެއް އެންމެ މައްޗަށް ދިއުން (5) މަޖާޒު: ހަދާނެ އެއްވެސް ގޮތެއް ނެތުން
ކޮޅުފައިންޖެހުން
މ (1) އިހާނެތިކޮށްލުމުގެގޮތުން މީހެއްގެގައިގައި ފައިކުރުކޮށްފައި ފައިންޖެހުން. (2) މަޖާޒު: މީހެއްގެ ފަރާތުންލިބޭ ހެވަތާއި ލާބައަކަށް ނުބަލައި އެފަރާތަކަށް އިހާނެތިވާގޮތެއްގައި ވަކިވެގަތުން
ކޮޅުދޮށިންދިނުން
މ މަޖާޒު: މާބޮޑަށް އެއްޗެހި ގޮވުން
ކޮކާބުރުން
މ މަޖާޒު: އެނބުރުން އަރައިގެން ގޮސް ކުލަކުލައިގެ ކުދިކުދި އެތިކޮޅުތަކެއް މޫނު މަތީގައި އެނބުރޭގޮތަށް ލޮލަށް ފެންނަ ގޮތްވުން
ކޮއިރޮއްވި
ނ މަޖާޒު: ޅަދަރިމައިން އިރުއޮއްސޭއިރު އަޅައި އުޅުނު ދުންގަނޑު
ކޮއްމަސްބުރި
ނ (1) ހަތަރެސްފައި ނެތް އިންސާނާ (2) ޚިޔާލީ ފުރޭތައެއް މިއީ ހަތަރެސްފައި ކަނޑައިލައިފައި އޮތް ހަށިގަނޑެއްހެން އޮންނަ އެއްޗެއް ކަމަށް ބުނެއުޅެއެވެ (3) މަޖާޒު: މަސައްކަތްނުކުރާ ކަންނެތްމީހާ
ކޮއްތަކާއިހެދުމަކާލިބުން
)ގބ ( މަޖާޒު: (1) ދެރަމީހަކަށް ގެދޮރުހުރި މުއްސަނދި އަންހެނަކާ އިނދެވިގެން ބުނެ އުޅޭ ބަހެއް (2) އެއްކަމަކުން ދެބޭނުމެއް ފުދޭގޮތަށް ދިމާވާ ކަންތަކާ ބެހޭގޮތުން ބުނެއުޅޭ ބަހެއް
ކޮއްޓުން
މ (1) މީހެއްގެ ގައިގައި ނުވަތަ އެއްޗެއްގައި އިނގިލިން ނުވަތަ އެއްޗަކުން ކުއްލި ޙަރަކާތަކާއެކު ޖައްސައިލުމަށްފަހު ނައްޓައިލުން (2) ބިއްސާއި މުލިއްސާއި ފޮޅުފަދަ އެއްޗެހީގެ ތުން ތުއްވުން (3) އުކުނޑި ކޮއްޓުން (4) ފުޓުބޯޅައާއި ހޮކީފަދަ ކުޅިވަރު ކުޅޭއިރު ދުރަށް ބޯޅަ ފޮނުވައިނުލައި ގާތުގައި ބާއްވައިގެން މަޑުމަޑުން ޖަހަމުން ޖަހަމުން ގެންދިއުން (5) )ޏ ސ ( ކޮރުން (6) މަޖާޒު: މީހެއްގެ ހަވާލުގައި އޮތްކަމެއް އަވަސް ކުރުމަށް އުޅުން
ކޮމާކޯޅި
ނ ލިޔުމުގައި ބޭނުންކުރާ ނިޝާނެއް މިނިޝާން ވައްތަރުވާނީ ޖެހިޖެހިގެން ޖަހާ ދެކޮމާއާއެވެ މިނިޝާން ބޭނުންކުރަނީ އެހެން މީހެއްގެ ޢިބާރާތެއް އޭނާ ބޭނުންކޮށްފައިވާ ގޮތަށް ލިޔުމުގެ ތެރޭގައި ބޭނުން ކުރާއިރުއާއި ލަފުޒަކުން ދޭހަވާމާނަނޫން މާނައެއްގައި އެލަފުޒު ބޭނުން ކުރާއިރު އެ ޢިބާރާތެއްގެ ނުވަތަ އެލަފުޒެއްގެ ފެށޭތަނުގައާއި ނިމޭ ތަނުގައެވެ
ކޮފުން
މ ކެއުން ދިއުން އައުން ވަނުން މިލަފުޒުތަކަށް އެންމެ ހުތުރުކޮށް ބޭނުންކުރާގޮތް
ކޮތަރިލީދުންމާރި
ނ ކޮތަރިހަރުކޮށްފައި އޮންނަ ދުންމާރި މިއީ ދުންމާރިވެރީންގެ އެދުރުމީހާއަށް ރަސްމީގޮތުން ދެއްވާފައި އޮންނަ ޢިއްޒަތުގެ ދުންމާރިއެވެ