radheef.info
ރަދީފު


ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިތްނެގުން
މ (1) ހަށިގަނޑުގެ ތަންތާގައި ބައެއް ޒާތުގެ އެއްޗެހި ހެފީމާ އެ ތަނެއް ދުޅަވުން. (2) މީހެއްގެ ނުވަތަ ކުއްޖެއްގެ ގައިގައި އިލޮށި ފަތިން ނުވަތަ އިލޮއްޓަކުން އަދި ނުވަތަ އެއްތެޔޮ ގަނޑެއް ފަދަ ހިމަ އެއްޗަކުން ޖެހީމާ އެތަނެއް އުފުލުން (3) ވިހައެއްގެ ސަބަބުން ނުވަތަ ބައްޔެއްގެ ސަބަބުން ހިރުވައިފައި ނުވަތަ ނުހިރުވާ ހަށިގަނޑުގެ ތަންތަންކޮޅު އުފުލުން
ފިލާގަނޑު
ނ (1) މަސްދޯނި ފަހަރުގެ ކޮޅުފަސްކޮޅުގައި ކަތްޕާއި ކޮޅުފަހާ ދެމެދުގައި ދޯނިން ބޭރަށް ނުކުންނަ ވަރަށް އަޅައި ނެގޭ ގޮތަށް ފިލައިން ހަދައިފައި އޮންނަ ބައި މަސްބާނަން އަރައި ތިބެނީ މިތާގައެވެ (2) ގައިގައި ބަނުމަށް ފުޑައިފައި ހުންނަ ބޭސްގަނޑު (3) ފިލަޔަކުން ވަކިކޮށްލެވޭ ބައެއް
ފިލިވަތް
ނ )ބދ ( ދަރިކޮޅު
ފިލިތުޖެހުން
މ މަސްބާނާ ބުޅީގެ ފަހަތުކޮޅު ތަޅައި ފަތިކޮށްލުން
ފިލިޖެހުން
މ (1) ތާނައާއި ޢަރަބި ލިޔާއިރު އަކުރުގެ އަޑު ނެރޭނެގޮތް ދެއްކުމަށް އެ އަކުރުތަކުގެ ތިރީގައި ނުވަތަ މަތީގައި އަކުރަށް ވުރެ ކުޑަ ނިޝާނެއް )ފިލި( ޖެހުން (2) އަކުރުގެ އަޑު ނެރުމަށް އަކުރާ ގުޅައިފައި ހުންނަ ކުޑަ ނިޝާން ޖެހުން (3) އަކުރަކާޖެހިގެން ފިލިއަކުރެއް ލިއުން (4) ފިލިމަހުގެ އެތިއެތި ކޮޅު އުކުން މަޖާޒު: (5) ރިޝްވަތު ދިނުން (6) ކަމެއް ކުރުވުމަށް ބާރުއެޅުމަށް އެއްޗެހި ދިނުން
ފިޔަންކަށިގަނޑު
ނ (1) ކަކުލުގެ ކޮޅުގެ ކަށިގަނޑު (2) ކަކުލުމަތީގައި އޮންނަ ދުވާ ކަށިގަނޑު
ފިޔަކަން
ނ ގޭގޭކޮޅުން ފުރާޅުން ބޭރަށް ނެރެފައި އޮންނަ ތަނުގެ ނަން
)ސާކެޓް( ފިޔުޒު
ނ (1) ބޭނުން ވަރަށްވުރެ ބޮޑަށް ކަރަންޓު ބޭނުން ކުރުމުންނާއި ޝޯޓުވުމުން ވިރިގެން ދާގޮތަށް ސާކެޓެއްގައި ބަލިކޮށް އަދި ފަސޭހައިން ވިރިގެން ދާގޮތަށް ލެވިފައިވާ ނަރުކޮޅެއް (2) މިނަރުކޮޅު ހަރުކޮށްފައި ހުންނައެތި
ފީފާ
ނ ޑީސަލާއި ޕެޓްރޯލާއި އިސްޕިރެޓް ފަދަ އެއްޗެހި އަޅައި ދެކޮޅު ބަންދުކޮށްގެން ރާއްޖޭން ބޭރުން ގެންނަ ދިގުކޮށް ވައްކޮށް އޮންނަ އެއްޗެއް
ފީސްހަންޖާ
ނ )ސ ( އޮޑިފަހަރުގެ މަތީ ރިޔަލުގެ ކުނބުން ފަރުމާނުގެ ކޮޅުގައި ހުންނަ ހަންޖާ
ފުށިގޭނޑި
ނ )ޏ ސ ( ކޮޅުފިލާގޮނޑި
ފުށްބުރުބުޅި
ނ ދިރުނބާ ކޮޅުގެ މައްޔަލުގެ މަތީ ކޮޅުގައި ހުންނަ ބުޅިއެއް
ފުށްބުރުފަންވަތް
ނ މަސް އޮޑި ފަހަރު އަލަށް ބާލާއިރު ނުވަތަ މަސްވެރިކަމަށް ދެރަވީމާ އެހެލައިފައި ބާލާއިރު ފަންޑިތަ ހަދައިފައި އެލުވާ ފަންވަތެއް މިފަންޑިތަ ހަދަނީ ބޮންތި ފަންވަތެއްގައި ލިޔެ ވެސްނުލުން ކަޅިކޮށް ދުން ބުރުވައިފައި އެފަންވަތް ދޯނީގެ ކޮޅުފަސް ކޮޅު މައްޔަލުގެ ފުށް ބުރުގައި އެލުވައިގެންނެވެ
ފުށްކަށި
ނ ދަގަނޑު ކެނޑުމަށް އެކަތައިން ހަދައިފައިވާ އާލާތެއް މިހަދައިފާއި ހުންނަނީ އެއްކޮޅުގައި މިއަ އަޅާފައެވެ
ފުނޑުވުން
މ (1) ވަޅޯމަސްގަނޑެއް ފަދަ އެއްޗެއް އަތުން ވަކިވަކި އެތިކޮޅުތަކަކަށް ހަދައިލުން (2) "ފުނޑުން" މިބަސް މީހަކުލައްވައި ކުރުވުމުގެ މާނައިގައި ބޭނުންކުރުން (3) ހަރުއެއްޗެއް އަތުން ކުދިކުދިކޮށް ވަކިވަކި ކުރުން
ފުނަށްދިއުން
މ (1) މޫދަށް އެރިގެން އުޅޭއިރު އިސްކޮޅު ނުކާ ހިސާބަށް ދިއުން (2) މާބޮޑަށް އަޑިއަށް ދިއުން
ފުންނާބު
ނ (1) އިންސާނާގެ ފައިތިލައިގެ ފަހަތުކޮޅު (2) ބޫޓާއި ފައިވާންފަދަ ތަކެތީގެ ފަހަތުކޮޅު
ފުންބަސް
ނ (1) ތިލަބަހުގެ އިދިކޮޅު (2) ބޮޑަށް ވިސްނައިގެން ނޫނީ މާނަ އަތުލައި ނުގަނެވޭ ބަސް
ފުންކަން
ނއނ (1) ތިލަކަމުގެ އިދިކޮޅު (2) އަޑިކަން (3) ކަންކަމާއިމެދު ކުރާ ޚިޔާލާއި ފިކުރުގެ ބޮޑުކަން