radheef.info
ރަދީފު


ކަމެއް
ނ (1) ދެރަގޮތެއް މިސާލު: އޭނާ މަސްއަލަ ޖެއްސިޔަކަސް ކަލެއަކަށް ކަމެއް ނުވާނެއެވެ (2) ބޭނުމެއް (3) މަސައްކަތެއް (4) މުހުތާދެއް
ގުރުސްފެންމަތިވުން
މ ނަކަތްތެރިން ބަލާ ކަންތައްތަކުގެ ތެރެއިން ފަސްކަމެއް ނުވަތަ ތިންކަމެއް އެންމެމޮޅަށް ދިމާވާ ވަގުތުއައުން
ގުޅުންއުފެއްދުން
މ ކުރިންނެތް އެކުވެރިކަމެއް އޮންނާނެގޮތް ހެދުން
ގުއިނުދެކޭކާޅަށްގުއިފެނުން
)މިސާލުބަހެއް( އެމީހަކާ އެކަށީގެންނުވާ ކަމެއް ލިބުމުން ނުވަތަ ކުއްލިއަކަށް މުއްސަނދިކަމެއް ލިބުމުން ބޮޑާވެގެންއުޅޭ މީހުނާމެދު ބުނެއުޅޭ ބަހެއް
ގެނބިގަތުން
މ (1) ފެންގަނޑެއްގެ ތެރެއަށް ގަސްތުގައި ފެތިގަތުން (2) މަޖާޒު: ކަމެއްގެ ތެރެއަށް ގަޔާވެގެން ވަދެގަތުން މިސާލު: އޭނާ އިނީ އެފޮތުގެ ތެރެއަށް ގެނބިގެންނެވެ
ގޮށްމާވަޑި
ނ (1) އޮމާން ކަމެއްނެތި ކަސްކޮށް ލަކުޑިކޮށް އެއްޗެހި ހަދާމީހާ (2) މަޖާޒު: އާޑެއް ފާޑެއް ނެތްގޮތަށް ކަންތައްކުރާ މީހާ
ގޮށްލަރު
ނއ (1) އުޅޭއުޅުމާއި މަސައްކަތް ކުރުމުގައި ހަރުކަށިގޮތްބޮޑު. (2) ކުރާ މަސައްކަތުގައި ނުވަތަހަދާ އެއްޗެހީގައި އޮމާންކަމެއް ފާޑެއްނެތް
ގޮނޑިހޫނުކުރުން
މ މަޖާޒު: (1) ތަނަކަށް ގޮސް ކަމެއް ކުރަންޖެހޭ މީހަކު ކަމެއް ނުކޮށް ވަގުތު ބޭކާރު ކުރުން (2) ކޮމިޓީ ތަކާ މަޖިލީސް ތަކުގައި އެއްޗެއް ނުބުނެ ތިބޭ މީހުންނާ މެދު ބުނެއުޅޭ ބަހެއް
ގޮނެއްދިނިއްޔާވައްޓެއް
ގބ )މުސްކުޅިބަހެއް( (1) މީހަކު ހަދިޔާއެއް ދީފިނަމަ އޭގެ ބަދަލުގައި ދޭންވާނީ އެއަށްވުރެ ރަނގަޅު އެއްޗެއްކަން އަންގައި ދިނުމުގެ ގޮތުން ބުނެއުޅޭބަހެއް. (2) މީހަކު ހެޔޮކަމެއް ކޮށްދީފިނަމަ އެއަށްވުރެ ބޮޑު ހެޔޮކަމެއް ކޮށްދޭންވާނެކަން އަންގައިދިނުމުގެ ގޮތުން ބުނެއުޅޭބަހެއް
ގޮންޖެހުން
ނ (1) އަންހެނުން އިހުގައި އީދުތެރޭގައި ކުރާކަމެއް. މިކަންކުރާގޮތަކީ ފަހަތުން ދުވެފައިގޮސް "ޢީދުބޮލަށްގޮން" މިހެން ކިޔައިފައި އެ ފިރިހެން މީހާގެ ބޮލުގައި ނުވަތަ ކޮނޑުގައި އަތުން ޖަހައިފައި ދިއުމެވެ. މިއީ އަންހެނުންގެ ކެރޭކަން ދައްކަންކުރާ ކަމެކެވެ. (2) ވާދަކުރުން. (3) މަޖާޒު: މީހަކު ނުވަތަ ބަޔަކު ކަމެއް ކުރުމުން އެހެން މީހަކު ނުވަތަ އެހެން ބަޔަކު އެކަމެއް އެއަށްވުރެ މޮޅަށް ކުރާނެކަމަށް ބުނުން
ގޮބޮޅިޖެހުން
މ ފަންޑިތަވެރިކަމުގެ ގޮތުން ކުރާ ކަމެއް. މިކަންކުރާގޮތަކީ ދިވެހިރުކުގެ ގޮބޮޅިއެއްގައި ލިޔެ ވެސްނޫފަދަ އެއްޗަކުން ކަޅިކޮށް ދުންބުރުވައި އޮޑިއެއްނަމަވެސް އަދި ރަށެއް ނަމަވެސް ކިޔަވައި ނިއުޅުންކޮށް ވަކި ތަނެއްގައި ޖަހައި ގޮބޮޅި ފަޅައިލަނީއެވެ
ގޮއިޖެހުން
މ ރަށެއްގައި ނުވަތަ ހިންނައެއްގައި ދަނޑުވެރިކަމެއް ކޮށްފައި އޮއްވައި އެދަނޑުން ގޮވާން ކެނޑުމުގެ ކުރިން "ގޮއިވެރިޔަކު" އައިސްދަނޑުގައި ފާހަގައެއްޖެހުން އޭގެފަހުން ދަނޑުން ގޮވާން ކަނޑައި ހަދާނީ ގޮއިވެރިޔަކަށް ގޮއިބަޔަށްދޭންވާ ބައިދީފައެވެ
ގޮތްދެއްކުން
މ (1) ކަމެއްކުރަންވީމަގު ދެއްކުން (2) ވައްތަރު ދެއްކުން
ގޮލާކަނަށްތިންރާޅު
ގބ މަޖާޒު: ހިންދެމިލާނެ ވަގުތެއް ނުލިބި ކަމަކަށްފަހު ކަމެއް ކުރިމަތިވުމަށް ބުނެއުޅޭ ބަހެއް
ގޯސްމަތިންލުން
މ ކަމެއް މާބޮޑަށް ނުބައިވުން
ސަހަލު
ނއ (1) ދޭސީ (2) އާދައިގެ މިސާލު: ތިޔައީ ސަހަލު ކަމެއް ނޫނެވެ
ސަނަދު
ނ (1) ވަކިކަމެއްގެ މުޤައްރަރާ އެއްގޮތަށް ކުރެވޭ އިމްތިޙާނަކުން ފާސްވުމުން އެކަމުގެ ހަނދާނަކަށް ދޭލިއުން މިސާލު: ކާތިބުކަމުގެ ސަނަދު (2) އާއްމުކޮށް ޤަބޫލުކުރެވޭ ފެންވަރަކަށް ވަކިކަމެއް ކުރެވޭކަން ބަޔާން ކުރުމުގެ ގޮތުންދޭ ލިޔުން
ސަނާގަނޑު
ނ (1) ބޮޑު މާލޫދު ފެށުމުގެ ކުރިން ކިޔާ ބޮޑު ޞަލަވާތާއި ޅެންބައި (2) ކަމެއް ފެށުމުގެ ކުރިން އެކަމެއް ތަޢާރަފު ކުރުމަށް ދައްކާ ވާހަކަކޮޅު
ސަބަބު
ނ (1) ކަމެއް މެދުވެރިވާން ދިމާވި ކަންތައް (2) ބުއްދިއަށް ފެންނަހަމަ (3) ކަމަކުން ނުވަތަ މައްސަލައަކުން ސަލާމަތް ވުމަށް ދައްކާ ވާހަކަ (4) ވަސީލަތް
ސައިބޯނިބޮކި
ނ (1) ސައިބޯނި ފެނުން އެތެރެޔަށް ވައިވަދެގެން ހެދިފައި ހުންނަބޮކި (2) މަޖާޒު: ހަރުދަނާ ކަމެއް ނުހުންނަ ކަންތައް
ސަލާމަތްވެގަތުން
މ (1) ރައްކާތެރިވެގަތުން (2) ނުރައްކަލަކުން ދިނިގަތުން (3) މަޖާޒު: ކަމެއް ބޮލުން ނައްޓައިލުން