radheef.info
ރަދީފު


އެކުވެނި
ނ އެއްކަމަކާ ގުޅޭ ތަފާތު މަސައްކަތްތައް ހިނގާ ވިއުގައެއްގެ އިންތިޒާމުތައް އެކުލެވޭ ޢިމާރާތް މިސާލު: ކުޅިވަރު އެކުވެނި
އެކުވެރި
ނއ (1) އެކުގައިއުޅޭ (2) ރަޙުމަތްތެރި
އެކުވެރިރަޙުމަތްތެރި
ނއ (1) އެކުގައިއުޅޭ (2) ރަޙުމަތްތެރި
އެކުވެރިކަން
ނއނ ގުޅިގެންއުޅޭކަން
އެކުވެރިޔާ
ނ (1) ރަޙުމަތްތެރިޔާ (2) އެކުގައި އުޅޭމީހާ
އެކޮޅުމަތި
ނ (1) ތިމާއުޅޭ ތަންގަނޑާ ދުރުހިސާބުގަނޑު މަޖާޒު: (2) ކުރިމަތީ ދޮރު (3) ކުރިމަތީ މިދޮރާބެހޭހިސާބު
އެއްވަރެއްވެސް ނުވުން
މ (1) ކުރަން އުޅޭ ކަމެއްވާނެ އެއްގޮތެއްވެސް ނުވުން (2) މުޅިން ނާކާމިޔާބުވުން
އެއްފަރާތް
ނ (1) އެއްކިބަ (2) އެއްކައިރި (3) މީހުންއުޅޭ ހިސާބާދުރު
އެއްފިނދުންގުއިރުން
މ ދެމީހަކު ދެމެދުގައި އެކުވެރިކަން ބޮޑުވެގެންގޮސް ޙައްދަށް ދިޔައިމާ ދީއުޅޭ މިސާލެއް
އެއްތެޔޮކަހާވަޅި
ނ އެއްތެޔޮ ކަހާން ގެންގުޅޭ ބާވަތެއްގެ ވަޅިއެއް މިއީ އެއްދާރައަށް ހަނުލާފައި އޮންނަ ތިން އަރިފީރެކެވެ
އެއްތެޔޮމަޅި
ނ ދަނޑިގަނޑެއްގައި ހަތަރު މަޅި ނުވަތަ އަށް މަޅި ނޫނީ ސޯޅަ މަޅި ވަކިގޮތަކަށް ހަރުކޮށްފައި އެތެރެއަށް ނަނުފަށެއް ލައްވައިގެން ގެންގުޅޭ އެއްޗެއް މިއީ ފޫހި ފިލުވަން ގެންގުޅޭ ކުޅިވަރެއްގެ ގޮތުގައި ވަކި ގަވާއިދަކުން އަޅުވާ ނައްޓާ ހަދާ އެއްޗެކެވެ
އެއްލައިލުން
މ (1) ތިމާގެ އަތުން ނުވަތަ ފައިން ބާރުލާ އެއްޗެއް ދުރަށް ފޮނުވައިލުން (2) މަޖާޒު: ގެންގުޅޭ މީހަކު ބޭނުންނެތިގެން ނިކަމެތި ގޮތުގައި ބޭރަށްލުން
އެއްޗަކަށްހެދުން
މ (1) އެއްވެސް ކަމަކަށް ބޭނުން ނުހިފޭނޭހެން ހީވާ އެއްޗަކުން ބޭނުން ހިފާކަހަލަ އެއްޗެއް ހެދުން (2) އެއްވެސް ތަރުބިއްޔަތެއް ނެތި ހުރި މީހަކު ކޮންމެވެސް ކަމެއްގައި ބޭނުން ހިފޭނެގޮތް ހެދުން (3) ބޭނުމެއް ނުހިފިފައި ހުރި މީހަކު ކަމެއްގެ ތެރޭގައި ގެންގުޅޭން ފެށުން (4) މީހަކު އެއްވެސް މަޤްޞަދެއްނެތި ބުނެލި ބަހަކުން ނުވަތަ ކުރިކަމަކުން ރަނގަޅުގޮތުގައި ނުވަތަ ނުބައިގޮތުގައި އަނެކަކު އޭގެ ނަތީޖާ ނެރުން ނުވަތަ ނެރޭން އުޅުން
އެވެނިމިވެނި
ނއ ކަންތައްތަކެއްގެ ނުވަތަ އެއްޗެހިތަކެއްގެ މައްޗަށް އިޝާރާތްކޮށް ނަން ނުބުނެ އޭގެ ބަދަލުގައި ބުނާގޮތެއް. މިސާލަކަށް: އެވެނިމިވެނި ގޮތަށް އުޅޭ އެވެނިމިވެނި ކަންތައް ކުރޭ އެވެނިމިވެނި އެއްޗެހި ހޯދާ
އެފަކީރު
ނ އަނެކެއްގެ މައްޗަށް ރަޙުމްގެނައުމަށްޓަކާ ލޯބިން ބުނެއުޅޭގޮތެއް
އެދުރު
ނ (1) އުގަންނައިދޭ މީހާ. (2) ބައެއްކަންތަކުގެ ވެރިޔާ. (3) ވިހޭގޭތެރޭގައި އިރުވަރު ބަލައި އުޅޭމީހާ. (4) ފަންޑިތަވެރި މީހާ. (5) ފަންޑިތަހަދާ. މިސާލު: )ހ( ޖަމާޢަތްތެރި އެދުރު )ށ( ތާޅަފިލި އެދުރު )ނ( ޚިތާންކުރާ އެދުރު (6) މަޖާޒު: ޒަކަރު
އެދުރުދަނޑި
ނ ކުޅިޖަހާ ކޮށިކޮށީގައި ގެންގުޅޭ ޚާއްޞަ ދަނޑިއެއް މިދަނޑިހިފައިގެން ކުޅިއެއް ނުޖަހާނެއެވެ ފަސްގަނޑުގައި ކުޅިޖަހާއިރު ކޮށީމީހުން ތިބޭނީ މިދަނޑީގެ ކައިރީގައެވެ
އެތުމައު
ނ ރުއްރުކު އެތްފޮޅޭއިރު ވައްގަނޑުގައި ހުންނަމައު
އެތެރެހޫލު
ނ ނަކަތްތެރިން ކުރަހައިގެން ގެންގުޅޭ ތާވަލެއް މިއީ އެތެރެއާބެހާ ކަންތަކަށް އިރުވަރުބަލާން ގެންގުޅޭ އެއްޗެކެވެ
އޮ
އ (1) "އޯ" ގެ ބަދަލުގައި ބުނެއުޅޭ އަކުރެއް (2) ސިހިގެންގޮސް ނުވަތަ އަނެކަކަށް އެކަމެއް ދިމާވާ ވަގުތު ކުއްލިއަކަށް ބުނެވޭ އަކުރެއް