radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ގުޅަ
ނ (1) އެތެރެޔާއެކު ފުރިފައި ހުންނަ ވަށް އެއްޗެހި މިސާލު: )ހ( ފުށްގުޅަ )ށ( މަސްގުޅަ )ނ( ބޭސްގުޅަ (2) އެތެރެއަށް މޮޑުނު މަސް އަޅައިފައި ފުށުން ހަދައިފައި ހުންނަ ހެދިކާއެއް
ގުޅަރިހަ
ނ ކަށިފަތިން ރޯމަސްކަހައި ގުޅަވަށައިގެން އެމަސް ގުޅައިން ކައްކާރިހަ
ގުޅަފަތަފޮޅި
ނ އެތެރެއަށް ގުޅަމަސް އަޅައިގެން ފިހެފައި ހުންނަ މަސްފަތަފޮޅިއަށްވުރެ ކުޑަކޮށް ބޯކޮށް ހުންނަ ހެދިކާއެއްޗެއް
ގޫރިށިވުން
މ )ސ ( ކުޑަކުއްޖަކު ބޮޑާދައްކައި ރޮއި ކުސްތަޅައި އުޅުން
ގެރިވަރު
ނ (1) މީހެއް ނުވަތަ ދިރޭއެއްޗެއްގެ ހަށިގަނޑުގައި ފަށަކާޖެހިފަށެއް އޮޅައިފައި ބަންނަބަނުން (2) ކަރާކަންވާރު
ގެރިދަޅު
ނ ގެރީގެ ބޮލުން ފަޅައިފައި ހުންނަ ދަޅު
ގެރިދުއްވުން
މ މަޖާޒު: ބިންގާ އަޅާއިރު ކޯރުތެރޭގައި ގާތައް އަތުރައި ތަޅައި ހަދައިފައި ދިޔާކޮށް އުވަ ނުވަތަ ސިމެންތި ގަށައިފައި އެގާތަކުގެ އެތެރެއަށް އެޅުން
ގެއްނުން
މ )ސ ( އެއްޗަކަށް އެއްޗެއް އަޅައި ގެންނެވުން
ގެމަތި
ނ (1) އޮޑިފަހަރުގެ ކޮޅުފަސްކޮޅު ކުނބަށް ނަގާރިޔާ (2) އެއްބުރިގޭގެ ހުރަސްބެރިތަކުގެ މަތީގައި އެއްޗެހިލާން ފިލާއަޅައިފައި އޮންނަތަން
ގޮށްބައި
ނ ފިރިހެނުންގެ ލިބާހުގެ ގޮށްފޮތީގައިލުމަށް ހަދައިފައިހުންނަ އެއްވައްތަރުގެ 6 ގޮށް މިގޮށްތައް ހުންނާނީ އެއްގޮށް އަނެއްގޮށާ ގުޅައިފައެވެ
ގޮށްބުރި
ނ (1) ގަހަކުން ކަނޑައިލައިފައިއޮތް ގޮށްހުރި ބައެއް (2) މަޖާޒު: ވަށްއަގުޅި އަޅައިފައި އޮންނަ ކަންނެޔޮބުރި (3) ކުރުކޮށް ފަލަކޮށް ތިބޭމީހުން
ގޮށްފަތި
ނ ގަމީހާއި ލިބާސްފަދަ އެއްޗެހީގެ ގޮށް ހަރުކުރުމަށާއި ގޮށްވަޅު ހެދުމަށް މަޅައިފައި ހުންނަބައި
ގޮނޑި
ނ (1) އިށީނުމަށް ހަދައިފައި ހުންނަ އެއްޗެއް މި ތަފާތު އެއްޗެހިން ތަފާތު ވައްތަރު ވައްތަރަށް ހަދައިފައި ހުރެއެވެ (2) ބިއްސާއި އޮށާޅަ އާއި މުލިހި ފަދަ އެއްޗެހީގެ އަޑީގައި އުފެދިފައި ހުންނަ ހަރުބައި (3) ބައެއްކަހަލަ ގަސްގަހާގެހީގެ މައިމުލާ ގުޅުވައިގެން ބިމުގެ ތެރެޔަށް ފައިބާ ބައި މިސާލު: )ހ( މުރަނގަ ގޮނޑި )ށ( ފަޅޯ ގޮނޑި )ނ( މުޅާ ގޮނޑި (4) ބަނޑުއަޅައި ވިހާ ތަކެތީގެ އުރަމަތީގައި އުފެދިފައި ހުންނަ ހަރުބައި
ގޮނޑުކުރުން
މ (1) ކުނިއަޅައި ހަޑިކުރުން (2) ރަށަކާ ކައިރިކުރުން
ގޮނޑުދޮށުމޫނުންބާނި
ނ ވާރުވެރިޔާ ވާރުފަތްކޮޅު ކިޔުއްވަން ދުރުވާ ދަތުރު ރަށްރަށުން ކުރާ ވެދުމެއް މިކަންކުރާ ގޮތަކީ ވާރުވެރިޔާ ރަށަށް ފައިބަންނަވާ ވަގުތު ދަނޑިއެއްގައި ބޮލިކޮއްޓޭ އެއްލައި ދެމީހަކު ކޮނޑުއަޅައިގެން ވާރުވެރިޔާއާއެކު ފަތްކޮޅު ކިޔުއްވާ ތަނަށް ގެންގޮސް ބޮލިކޮއްޓޭ އެތާގައި ބާއްވަނީއެވެ
ގޮބޮޅިޖެހުން
މ ފަންޑިތަވެރިކަމުގެ ގޮތުން ކުރާ ކަމެއް. މިކަންކުރާގޮތަކީ ދިވެހިރުކުގެ ގޮބޮޅިއެއްގައި ލިޔެ ވެސްނޫފަދަ އެއްޗަކުން ކަޅިކޮށް ދުންބުރުވައި އޮޑިއެއްނަމަވެސް އަދި ރަށެއް ނަމަވެސް ކިޔަވައި ނިއުޅުންކޮށް ވަކި ތަނެއްގައި ޖަހައި ގޮބޮޅި ފަޅައިލަނީއެވެ
ގޮފި
ނ މައިގަހުން ފަޅައިފައި ހުންނަ އޮފި
ގޮތެއް ހުރުން
މ (1) ގޮތްހުރުން (2) އަޅައިގަންނަ ކަހަލަ ސިފައެއް ހުރުން
ގޮލާ
ނ (1) ފިރިހެނުންނަށް އިޝާރާތްކޮށް ކިޔާ ނަމެއް މިސާލު: އެގޮލާ ވަރަށް ލާނެތެވެ (2) ޖަނަވާރަށް އިޝާރާތްކޮށް ކިޔާ ނަމެއް މިސާލު: އެގޮލާ ފުންމައިގެން އައިސް ބަކަރި ފަޅައިލައިފިއެވެ (3) ގޮޅާ (4) )ހ ( މަޖާޒު: ފިރިހެންހަށި
ސަނގަލާ
ނ ހިމަދިގު އެއްޗެއް ފަށަކާ ޖެހި ފަށެއް އޮންނަގޮތަށް މަތިމައްޗަށް ވަށްކޮށް އޮޅައިފައި އޮންނަ އޮޅުން