radheef.info
ރަދީފު


ބައި
ނ (1) އެއްޗެއްގެ އެތިކޮޅެއް (2) އެއްޗަކަށް ފުރިހަމަނުވާ މިންވަރު (3) ޖަމާޢަތެއް (4) ޙިއްޞާ (5) އެތައް އެއްޗަކުން ހަމަވާ ފުރިހަމަ އަދަދު މިސާލު: )ހ( އުޅާބައި )ށ( ރިޔާބައި )ނ( ނަނުބައި (6) ކަމެއްގައި މީހަކު އަދާ ކުރާ ދައުރު (7) ނއ ދެބައިކުޅަ އެއްބައި މިބަހުގެ މާނަ ދޭހަވަނީ ފުރިހަމަ އެއްޗަކާ ގުޅުވައިގެންނެވެ މިސާލު: )ހ( ބައިނާޅި )ށ( ބައިހަންދަރު )ނ( ބައިކަނޑި (8) )ސ ( އމ އާދޭ
ދެކޮޅުބެލުން
މ (1) އެއްޗެއްގެ ނުވަތަ ތަނެއްގެ އެކޮޅާއި މިކޮޅުބެލުން. މަޖާޒު: (2) ކަމެއްގެ ރަނގަޅު ނުރަނގަޅާއި ހެޔޮނުބައި ބެލުން (3) އިހާއި ފަހަށް ބެލުން
ދެކޮޅުވުން
މ (1) ދެބަސްވުން. (2) އިދިކޮޅުވުން. (3) އެއްބައިވުން މިބަހުގެ އިދިކޮޅު
ދެކޮޅުވެރި
ނއ (1) ޙަސަދަވެރި (2) އެއްބައިވުމެއްނެތް (3) ދެބަސްވާ (4) ނޭއްގާނި
ދެކޮޅުވެރިކަން
ނއނ (1) ބައެއްގެ ކިބައިގައި ނުވަތަ މީހެއްގެ ކިބައިގައި ހުރި ނޭއްގާނިކަން (2) އެއްބަސްނުވާކަން (3) ދެބަސްވާކަން (4) އެއްބައިވުމެއްނެތްކަން (5) ހަސަދަވެރިކަން (6) ނޭއްގާނިކަން
ދެވަންތުނބުޅި
ނ ކަޅުއިސްތައްޓާއި ނުރަޔާ ދެބައި ހަމަޔަށް ހުންނަ ތުނބުޅި
ދެވަރު
ނ (1) ހަވަރުބެހިފައިވާ މައިގަނޑު ދެބައި މިއީ އިސްތިންވަރާއި ފަސް ތިންވަރެވެ ނއ (2) އެއްވަރުނުވާ
ދެމުން
މ (1) ދިގުވުން (2) ދިގުކުރުން (3) މޮޑެފައި އޮންނަ ފުށްގަނޑެއްފަދަ އެއްޗެއް ދަނޑިގަނޑަކުން އޮބައި ފިއްތައިގެން ތުނިކުރުން މިސާލު: ރޮށިދެމުން (4) ރަންރިހިފަދަ ތަކެތި ނަރުފިލާ ގަނޑަކުން ދަމައި ހިމަކުރުން (5) ކޯރުފަދަ ތަންތާގެ ފެންގަނޑު ކޮޅުކޮޅަށް ދިޔުން (6) އޮއިވަރު އެކިދިމަދިމާއަށް ހިނގުން (7) ވާންކުރުން (8) ބުއިމަށް ދަށް ބަހުރުވައިން ބުނާގޮތް (9) ފަށަކަށް ވާންވާގޮތަށް ދެކޮޅު ތަނަކަށް ހަރުކުރުން )01( ތެޔޮފަދަ އެއްޗެއް އުނގުޅުން (11) އެތެރޭގައި ހުރި ދިޔާއެއްޗެއް ކޮންމެވެސް ވަސީލަތެއްގެ ބޭނުންކޮށްގެން ބޭރަށް ނެރުން (21) ނަނުފަދަ އެއްޗެހި ކެހުން )31( ބޭނުންވާގޮތްވުން )41( ރޮނގެއް އެޅުން ނުވަތަ ރޮނގެއްފެވުން މިސާލު: )ހ( ރޮނގުދެމުން )ށ( ރިއްސެޔޮ ފަށް ދެމުން )51( ނަހަމަ ގޮތެއްގައި އެއްޗެހިތަކެއް ބޭނުން ކުރުން
ދެދުނިޔޭން ގެއްލުން
މ މަޖާޒު: (1) ހެޔޮކަމެއްނުކޮށް ހުސްނުބައިކަންތައް ކުރާ މީހުނާމެދު ބުނެއުޅޭ ބަހެއް (2) ދުނިޔެއާއި އާޙިރަތުން ގެއްލުން
ދެލި
ނ (1) ނާއްޓާއި ދަރުފަދަ ތަކެތި އެނދީމާ އަޅިޔަށްނުވެހުންނަބައި (2) ލިޔުމަށާއި ޗާޕްކުރުމަށް ބޭނުންކުރާ އޮލަ ނުވަތަ ދިޔާ އެއްޗެއް މިތަފާތު ކުލަކުލައިގައި ހުރެއެވެ (3) ދަރުފަދަ ތަކެތި އެނދީމާ އަޅިޔަށްނުވެ ހުންނަބައި ފުނޑައިގެން އޮޑިދޯނި ފަހަރުގެ ބޭރުގައިލާން ތައްޔާރުކުރާ ދިޔާ އެއްޗެއް (4) ދުމުގެ ސަބަބުން އުފެދޭ ކަޅު އެއްޗެއް
ދެލިހިއްކުން
މ ނުހިކިހުރި އަކުރުތަކެއްގެ މަތީގައި ނުވަތަ ދެލިތިކެއްގެ މަތީގައި ދެލިހިއްކާ ކަރުދާސްގަނޑެއް އޮބައިލައިގެން އެދެލިތައް ހިއްކައިލުން
ދެލިކެނޑުން
މ (1) އޮޑިދޯނި ފަހަރު ބަންނައިރު މަތީމަޑޫ ހިމުންކުރުމަށް ދަށު މަޑުލުގެ މަތީކައިރީގައި ދެލިލައިގެން އެދެއްޔަށް މަތީމަޑޫ ހިމުންވާގޮތަށް މެށުން (2) ދެލިހޮޅި ލައްވައިގެން ލިޔާ ގަލަމުންލިޔާއިރު ދޭތެރެދޭތެރެއިން ދެލިނުހިނގުން (3) ގަލަމަށް ލައްވާ ދެލި ހޮޅީގައި ދެލިތައް ބައިބައިވެފައި ހުރުން
ދޮންހިޔަލަ
ނ (1) ދިވެހި އަންހެނުންނަށް ކިޔާނަމެއް (2) ހުޅުދެލީކޮއި ރައިވަރުބައިގައި ކިޔާވާހަކައިގެ ބަޠަލާ
ދޮންނޫފާނަ
ނ ފާނައިގެ ބާވަތެއް މިމަހުގެ ނިގޫފަތާއި ކޮތަރިބައިތަކާއި ކަންފަތުގެ ކުލަ ރީނދޫ ވާނެއެވެ މަހުގެ ކުލައަކީ ގަދަނޫކުލައެވެ މިއީ ފާނައިގެ ބާވަތްތަކުގެ ތެރޭގައި ހިމެނޭ އެންމެ ދިހުންކުލަ ގަދަމަހެވެ މިމަހަކީ ވަރަށް މީރުމަހެކެވެ
ދޮންރީނދޫމަސް
ނ (1) ރީނދޫމަސް (2) އަރިމަތީގައި ނޫކުލައިގެ ހަތަރު ރޮނގުފާޅުކޮށް ހުންނަ ކޮތަރިބައި ރީނދޫ ކުލައިގައި ހުންނަ މަހެއް މިމަސް އުޅެނީ ތިލަވިލުގައްޔާއި ފަރުފަރުގެ ބޭރުގައެވެ
ދޮންބުރެކި
ނ ދިރޭއެމުގެ ގޮތުގައި މަސްބޭނުމަށް ބޭނުންކޮށްއުޅޭ މަހެއް މިއީ ރަށްރަށާއި ފަރުފަރުގެ ބޭރުމަތީގެ މުރަކަތަކުގެ ކައިރީގައި ކުދިއައިން ހަދައިގެން ބައިބަޔަށްއުޅޭ މަހެކެވެ މިމަހުގެ ނަގޫފަތް ހުންނަނީ ވަރަށްބޮޑަށް ދެކަފިވެފައެވެ މަހުގެ މަތީބައިގެ ކުލައަކީ ފިޔާތޮށިކުލައެވެ އަރިމައްޗާއި ބަނޑުދޮށުގެ ކުލައަކީ ރީނދޫކުލައެވެ
)މުސްކުޅިބަހެއް( ގިނަ ދޮންމަންމައިންނަކީ ދޮންދަރިންނާމެދު ޚުލްޤުނުބައިބައެއްކަން ދެއްކުމުގެ ގޮތުން ބުނެއުޅޭ ބަހެއް ދޮންމަންމަދޮންނިޔަދުރެއްފަދައެވެ
ދޮންގިއުޅު
ނ ގިއުޅުގެބާވަތެއް. މިއީ ބޭރު ކަނޑުގެ ވަރަށްފުނުގައި އުޅޭ މަދުން ބޭނޭ މަސް ވަރަށް މީރު މަހެކެވެ މިމަހުގެ މައިގަނޑު ކުލައަކީ ވައިލެޓް ކުލައެވެ މަހުގެ ހުރަހަށާއި އެކިގޮތްގޮތަށް ދޮންރީނދޫކުލައިގެ ފުޅާރޮނގުތަކެއް ހުރެއެވެ ނިގޫފަތާއި ބަނޑުދޮށްފަރާތު ކޮތަރިބައި ހުންނަނީ ރީނދޫކުލައިގައެވެ
ދޮސް
ނ ހަށިގަނޑުގެ ތަނެއްގެ ލޭނުބައިވެގެން އުފެދޭމަޑު ރީނދޫ ކުލައަކަށް ހުންނަ އޮލައެއްޗެއް
ދޯރި
ނ (1) ތެލާއި ފެނާއި އަދި އެނޫންވެސް ދިޔާތަކެތި އަނގަ ކުޑައެއްޗިއްސަށް އެޅުމަށްޓަކައި މަތިފުޅާކޮށް ތިރިހިމަކޮށް ހަދައިފައި ހުންނަ އެއްޗެއް (2) ފިތައިގެން އެއްޗިއްސަށް ތެޔޮދުއްވާން ވަށްކޮށްފަތިކޮށް އެއްކޮޅު ހިމަކޮށް އެތެރެއަށް ތެޔޮއެޅޭނޭހެން ހަދައިފައި ހުންނައެތި (3) ކުޑައިގެ ދަނޑީގެ ކޮޅުގައި ޖަހައިފައި ހުންނައެތި (4) ބައެއް އެއްޗެހި އަތުން ފަހައިއުޅޭއިރު އިނގިލިކޮޅަށް ޖަހައިފައި ހުންނަ އެތި (5) ގަލަން ފަދަތަކެތީގެ ތުނޑު ނިވާކުރުމަށް ޖަހައިފައި ހުންނަބައި
ދޯއްޔަށްދިއުން
މ (1) އޮޑިފަހަރާއި ބައްތެލިފަހަރުގައި ހުންނަ ދޯއްޔަށް ފައިބައި ހާޖިތަށް ދިއުން މަޖާޒު: (2) ހާޖިތަށް ދިއުން (3) ގިފިއްޔަށް ދިއުން (4) އަތިރިއަށް ދިއުން