radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ކީނައްތު
ނ )މަލިކު( ހެދިކާގެ ބާވަތެއް މިއީ ގަބުޅި ހުންޏާއި ހަކުރާ އެއްކޮށްގެން ތައްޔާރުކުރާ ފޮނި ހެދިކާއެކެވެ މިއެންމެ ވައްތަރުވާނީ ހުނިހަކުރާއެވެ
ކީރިތިވަންތަ
ނއ (1) ފުރިހަމަކަމުގެ ވެރި (2) މާތްކަމުގެ ވެރި މިބަސް ބުނެއުޅެނީ މާތްﷲ އާ ނިސްބަތް ކޮށެވެ
ކީމަ
ނ ގަނޑުވަރުތެރޭ އަންހެން ބޭފުޅުން ދުވާލު ތަންތަނަށް ވަޑައިގަންނަވާން ވެދެވަޑައިގަންނަވާ ފޭލިގެ. މިހުންނަނީ ހުދާއި ރަތާއި ކަޅާއި މިތިންކުލައިން ބިހުރައަޅައި ކުރަހައިފައެވެ
ކީސާކުރުން
މ (1) މަޢުދަނީ ފައިސާ އާއި ޖަވާހިރުފަދަ ތަކެތި ކޮތަޅަށް އަޅައި ބަނދުކުރުން (2) މުދާ ވިއްކައިފައި ފައިސާއަށް ހެދުން
ކީސްފިލާ
ނ ގަސްގަނޑުނުލައި ހެދޭ ގަހެއް މިއީ ފަނެއްގެ ދެފަރާތުގައި ފަންވަތްތައް ހުންނަހެން ތަނޑެއްގެ ދެފަރާތުގައި ހިމަދިގު ފަތްތަކެއް ހުންނަ ގަހެކެވެ މިފަތުގެ ދެފަރާތްހުންނާނީ ކީސްތުނޑުބަރިއެއް ހެންނެވެ
ކުށުންބަނޑުގައި ރިހުން
މ މާބަނޑުމީހާ ވިހަން ނުވަނީސް ވިހެމުގެ އަލާމާތެއް ނުފެނި ބަނޑުގައި ރިހުން
ކުށުވެރިކަން
ނ (1) ފަންޑިތައިން ނޫނީ ފަސޭހަނުވާނޭ ކަމަށް ހީކުރާ ބަލިބަލި. (2) ޖިންނި ފުރޭތަ ފަރާތުން ޖެހޭކަމަށް ބުނާ ކަންތައް
ކުށްޓަރި
ނއ އެކިއެކި ކަންތަކާ ވާކުށްވެރި މިބަސް ގިނައިން ބޭނުންކުރަނީ ކުދިކުދި ކުށުން ކުށްވެރިވީމައެވެ
ކުނބުނެގުން
މ (1) ފުރާދުއްވާ ތަކެތީގެ ކުނބު އޭގައި ކޮޅަށް ޖެހުން. (2) މަޖާޒު: ދެބުމަ ދޭތެރެއިން ފެށިގެން މައްޗަށް އަނދުން ރޮނގެއް ދެމުން. އަނދުން ނޫން އެހެން އެއްޗަކުން މިރޮނގު ދެމި ނަމަވެސް ކިޔާނީ މިހެންނެވެ
ކުނބުރު
ނ (1) ކަޅުރަތް ކުލައިގެ ފަތިކޮށް ވައްކޮށް ހުންނައޮށެއް. މީގެ މަދު ބޭހަށް ބޭނުންކުރެއެވެ. މިއީ ވެލެއްގައި އަޅާ އެއްޗެކެވެ. މިވެލުގެ ފަތް ހުންނަނީ ވަށްކޮށް ގޮނިކޮށެވެ. މިފަތް ބޯވާނެއެވެ. (2) ސިފައިންނާ މަގު ހިނގާމީހުން ފެން އަޅައިގެން ގެންގުޅޭ ވަށްކޮށް ފަތިކޮށް ހުންނަ ކަންވާރެއް (3) އިހުގައި ބަޑިބޭސް އަޅައިގެން ކަރައިން ގެންނަ ކަންވާރެއް (4) ފެންއަޅަން ގެންގުޅޭ ކަޅުމުށީގެ މުޑުކާ
ކުނޑިލުހި
ނ ފޮނުމަތުން ތޮރުފައި ވިދުން ކުނޑިނެރޭން ވަޑިންބޭނުންކުރާ ލަކުޑީގެ ފޯއްޔެއް މީގެ ކުރީކޮޅު އޮންނާނީ ކުނޑި އެޅޭގޮތަށް އަޑިކޮށް ކޮނެފައެވެ
ކުނޑިޖެހުން
މ (1) އަތްކަންކުރާމީހުން ވިރިކެކޭ އެއްޗެހި ބައްދާއިރު އެބައްދަންވީތަނެއްގައި އެކަމަށް ތައްޔާރުކޮށްފައިހުންނަ ކުނޑީގެ އެތިކޮޅެއް ތަތްކޮށްލުން (2) ނީ ހަނޑުލާއި ބުރިހަނޑޫ ވަކިނުކޮށް ކުނޑިތައްދާވަރަށް ކިރިޔަ ކިރިޔާ ހަނޑޫ ފޮޅުން (3) ސ މޫނުގައި ފުށްޖެހުން
ކުނަހަނގާލި
ނ ބޭހަށް ބޭނުންކުރާ ފަތްޕިލާވެއްޔެއް މީގެފަތް ހުންނާނީ ހުސްނުހީނާ ގަހުގެ ފަތާ ވައްތަރުކޮށް އެކަމަކު ރޫޖެހިފައެވެ ގަސްގަނޑުގެ ފަލަމިން ތިންއިންޗި ވަރުވާނެއެވެ އުސްމިން ހުންނާނީ ގާތްގަޑަކަށް 6 ފޫޓު ވަރަށެވެ މިގަހުގެ އޮށްތައް ހުންނާނީ ބޮނޑި ބޮނޑިޔަށެވެ މިއަށް ނިތުބަޑި ކިޔައެވެ އެއީ ނިތުގައި ޖައްސައިގެން ފެޅޭއިރު އަޑު ގޮވާތީއެވެ އަދި ވަލުކުރަދިވެސް މިގަހަށް ކިޔައެވެ
ކުރަނދު
ނ ބާވަތެއްގެ ހިލަވެއްޔެއް މިބޭނުންކުރަނީ ބާވަތް ބާވަތުގެ ހަނުތަޅާށެވެ މިހިލަވެލި އަލިފާނަށް ލީމާ އާދައިގެ ހިލަވެއްޔަށްވުރެ އަވަހަށް ވިރޭނެއެވެ ވިރުވާއިރު މީގައި ތަތްކަމެއް ހުންނާނެއެވެ
ކުރަނގި
ނ ކަނޑުމަތީ ދޫންޏެއް މިއީ މާރަނގައިގެ ތެރޭގައި އުޅޭ މާރަނގައަށް ވުރެ ތަންކޮޅެއް ކުޑަ ދޫންޏެކެވެ ދޫނީގެ ކުލައަކީ ކަޅުއަޅިކުލައެވެ ބޮލުގެ ތަލަ ހުންނަނީ ހުދު އަޅިކުލައެއްގައެވެ މިއީ އައިނާ އަޅާ ދޫންޏެކެވެ
ކުރަނގިލޯ
ނ ލޮލުގެ ރީތިކަމަށް ދީއުޅޭ މިސާލެއް މިބާވަތުގެ ލޯ ހުންނަނީ ކުޑަކޮޅު ހިމަވެލުމާއެކު މައްޗަށް އުފުލިފައެވެ
ކުރަފަތްބުރި
ނ (1) ސަތަރު ކުރަހާ ގުޑީގެ ފިންދުނީގެ ކޮޅުގައި ޖަހާ ފަތެއް (2) ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި ކިއްސަރުލާފައި ހުންނަ ފަށްބުރި
ކުރަފަތްފިލާ
ނ ފަތްޕިލާ ވެލީގެ ބާވަތެއް މީގެ ފަތާއި ތޮޅި ހުންނަނީ ކުރަފަތް ތިލައެއް ހެންނެވެ މީގެ މަލުގެ ކުލައަކީ ރީނދޫކުލައެވެ މަލުގެ ފިޔަތައް ހުންނަނީ އެއްފަޅިއަކަށެވެ
ކުރިބައި
ނ )ޅ.( މަސްއައިނުގައި ކުދިމަސް ބާނަން ގެންގުޅޭ އެންމެ ހިމަ ކުދިދޮށި މަސްއައިނުގައި ދަހިކޮށް ކުދިމަސް ބާނައިއުޅެނީ ކުރިބައިންނެވެ
ކުރިބޯށި
ނ (1) ބައެއް ގޭގެގެ ފުރާޅުގައްޔާއި ދިދަދަނޑީގެކޮޅުގައި ހަރުކޮށްފައި ހުންނައެއްޗެއް މިހަދައިއުޅެނީ ކޭލުބޯއްޓާއި އެއް ސިފައަކަށެވެ (2) ކުރިބޯށިގޮތަށް ހަދައިފައި ނުވަތަ ކުރަހައިފައި ހުންނަ އެއްޗެހި