radheef.info
ރަދީފު


ޔާ
އ ނަމަވުމުގެ އަކުރު މިސާލު: )ހ( ދިނިއްޔާ )ށ( އައިއްޔާ
ކުޅިބަލާގެ
ނ (1) އިހުގައި އަންހެނުން މަގުމަތި ބަލާން އަރައި ތިބުމަށް މަގުމަތީ ފާރުކައިރީގައި ތަންކޮޅެއް އުސްކޮށް ހަދައި ހިޔާކޮށްފައި ހުންނަތަން (2) ކުޅިބެލުމަށްޓަކައި އިށީނދެ ތިބުމަށް ހަދައި ހިޔާކޮށްފައި ހުންނަތަން
ކުޅިކޮށި
ނ (1) ކޭއެއްޗެހީގެ ރަހަޔާއެކު އަންނަ ވަޔަކުން އަރާކޮށްޓެއް މިކޮށިއެރުމުން ބައެއް ފަހަރަށް ކޭއެއްޗެހިވެސް އާދެއެވެ (2) ކަނޑިއާއި އައްޑަނައާއި ލޮންސިފަދަ ތަކެތީގެ ހެވިކަން ދަސްކޮށްދީ ފަރިތަކުރާތަނާއި މިކަމުގެ ޙަރަކާތްތައް
ކުޅިފަށާލަވަ
ނ ކުޅިފަށާއިރު ޖަހާލަވަޔާއި ފުމޭލަވަ
ކުޅިފަސް
ނ (1) އޮއްވަޅުކުޅޭއިރު ލިބޭ ކާމިޔާބީ (2) މަޖާޒު: ކަމެއްގައި ވާދަކޮށްގެން ލިބޭ ކާމިޔާބީ
ކުޅިފަސްލިބުން
މ (1) އޮއްވަޅުކުޅުމުގައި ކާމިޔާބުވުން (2) މަޖާޒު: ކަމެއްގައި ވާދަކޮށްގެން ކާމިޔާބުވުން
ކުޅިސަމާ
ނ (1) ކުޅިޖަހާ ސަމާ. މިއީ ސަމާގެ މަތީ ދަރަޖައެވެ. އާދަކާދައިގެ ގޮތުން ކުޅިހުއްޓާރޭ ކުޅި ޖައްސަވާނީ ކޮށިކޮށީގެ ވެރިންނަށް ތިއްބަވާ ބޭފުޅުންނާއި ކޮށިކޮށީގެ މަތީ ދަރަޖައިގެ ބޭފުޅުންނެވެ (2) މަޖާޒު: ކުޅިވަރާ މަޖަލުގެ ފޯރިގަދަކަން ބަޔާންކުރުމަށް ބޭނުންކުރާ ބަހެއް މިސާލު: އެގޭގައި މިރޭ ކުޅިސަމާ އެބަހުއްޓެވެ
ކުޅީކުކުޅު
ނ އެއްގަމު ދޫނީގެ ބާވަތެއް. މިއީ ވަލުގައި އުޅޭ ދޫންޏެކެވެ. މިދޫނީގެ ސިފަ އެންމެ ވައްތަރީ ދިވެހި ކަނބިއްޔާއެވެ. ދޫނީގެ ކުލައަކީ ދޮން ރީނދޫކުލައެވެ. ދޫނީގެ ފަތް ހުންނަ ކުލައާއި ކުރެހުން ސިފަކޮށްދައްކަނީ "ދޮންމިރުސް ކުކުޅާ" އެއްކަހަލަ ގޮތަކަށެވެ. ތުނބާއި ފައި ހުންނަނީ ދޮންކުލައިގައެވެ. ބައެއް ކުކުޅު ހާލުގައި ހުންނަ "ގޮށްކެޔޮފޮތި" ކަހަލަ ތަންކޮޅެއް ތުނބުގެ މަތީކޮޅުގައި ހުރެއެވެ
ކުޅުދިޔާވުން
މ އެއްޗެއް ފެނިގެން ނުވަތަ ދުވާ ވަހަކުން ނުވަތަ ކުރެވޭ އިޙުސާސަކުން އަނގައިގައި ދިޔާކުޅު ގިނަވާގޮތްވުން
ކުޅޭތާލަވަ
ނ ގުޅަކުޅޭ ފަސްގަނޑުގައި ކުޅިޖަހައި އުޅުނުއިރު ބެރުގައި ޖަހައި އުޅުނު ލަވަޔާއި ފުމޭލަވަތައް
ކުކުން ދަވާދު
ނ ފަންޑިތަވެރިން ތަށިލިޔަން ތައްޔާރުކުރާ ދަވާދެއް މިހަދައިފައި ހުންނަނީ ފިނިފެނާ ކުކުން އަޅައިގެންނެވެ
ކުކުޅުވަހި
ނ (1) ދެފުރާޅަށް ހިޔާކުރާ ތަންތާނގެ ކޮޅުން ހުރަސްވަކަރާއި ފައިދޮށާ ދެމެދު. (2) ތެދު ބިމެއް ނަމަ ފުރާޅަށް ކަތިކޮށްފައިވާ ހިސާބު
ކުކުޅުފައިފިލާ
ނ ބޭހަށް ބޭނުންކުރާ ފަތްޕިލާވެލީގެ ބާވަތެއް މިއީ އެއްތަންޑުގަނޑަކަށް ހެދޭ ގަހެކެވެ މީގައި އަޅަނީ ރީނދޫކުލައިގެ މަލެކެވެ މިގަހުގެ ފަތުގައި ކެހެރި ގޮތެއް ހުންނާނެއެވެ ފަތް ހުންނަނީ ފަސްތުނޑަކަށް ކުކުޅުފަޔާއި ވައްތަރު ގޮތަކަށެވެ
ކުއްތާ
ނ (1) ބަޅު. (2) ހަތަރެސްފައި ޖަހައިގެން އުޅޭ ނަގޫ އިދިފުށަށް ގުދުކޮށް އޮންނަ ވައްވައްޖަހާ ޙައިވާނެއް. މި ގިނައިރަށް އޮންނަނީ އަނގަހުޅުވައިގެން ދޫނެރެގެން ޒާތަކަށް ނޭވާ ލައިލައެވެ މީވަރަށް ވިސްނުން ތޫނު ހުޝިޔާރު އެއްޗެކެވެ އަދި އޮޅުވާ ވަފާތެރި ޙައިވާނެކެވެ
ކުއްލާބުތެލި
ނ އިހުގައި ރޯދަމަހު ކޮންމެ ދުވަހަކު އިރު އޮއްސޭއިރަށް ގަނޑުވަރުތެރޭ ކުއްލާބުގެއަށް ފޮނުވާ ކަލިޔާ ބިރިންޖީތެލި. މިތެލީގައި ވިހިނާޅި ހަނޑުލުގެ ބަތާއި އެޔާވާނެ ގުޅަމަހާއި ހަކުރާއި ލޮނުލުނބޯ ހުންނާނެއެވެ. މިއީ އަތޮޅު އަތޮޅު ދެއްވައިފައި ތިއްބަވާ ބޭކަލުންނާއި ބޮޑެތި ފަޅު ރަށްރަށް ދެއްވައިފައި ތިއްބަވާ ބޭކަލުން ފޮނުވަންޖެހޭ ކެއުމެކެވެ. މިފޮނުވާނީ އެކިދުވަހު އެކި ބޭކަލުންނެވެ. މިއީ ގަނޑުވަރުތެރޭގައި އުޅޭ މީހުންނަށް ދޭ ކެއުމެކެވެ މިކެއުން ގެންދާއިރު ލިބުނު އެންމެ ބޮޑު ކުރުނބާ އިހަލެއް ގެންދާނެއެވެ މިކުރުނބާއިހާ ދަނޑި މާރުލައިގެން ގެންދަނިކޮށް ފަގީރުކުދިން މިއިހާ ކަނޑައިލައިގެން ބަހައިލުމީ ހުއްދަކަމަކަށްވާތީ ވަރަށް މަދު އިހަލެއްނޫނީ ގަނޑުވަރުތެރެޔަށް ގެންދެވޭ ކަމަކަށް ނުވެއެވެ
ކުއްޔަށްހިފުން
މ (1) އުޖޫރައިން އަތުލުން (2) ކިރިއްޔާކުރުން
ކުއްޔަށްދިނުން
މ (1) އުޖޫރައަށްދިނުން (2) ކިރިއްޔާއަށް ދިނުން
ކުދި
ނއ (1) ބޮޑެތީގެ އިދިކޮޅު. (2) ހުރިހައި މިނަކުން އުނި މިބަސް ބޭނުންކުރަނީ ގިނައެއްޗެހި ތަކަކާއި މެދުގައެވެ. މިސާލު: ކުޑަޖަޒީރާއެއް ކުދިޖަޒީރާތަކެއް (3) ހިތާނުވެގެން މަޑުމަޑުން ކިޔާއެއްޗެހި
ކުދިކިޔެވެނިން
ނ ކަނބާ ޒިޔާރަތުގެ ފަސް ކިޔެވެނިންނާއި އެތެރެ ކޮއިލު މިސްކިތު ޒިޔާރަތުގެ ފަސް ކިޔެވެނިން
ކުދިފާތިހާ
ނ މަޖާޒު: ކޮންމެވެސް ކަމަކާ ނުރުހިގަނެގެން އޮޅުންނުފިލާނެހެން މަޑުމަޑުން ކިޔާ ފަތިވަރު
ކުދިފިޔާ
ނ ފިޔާގެ ކުދިބާވަތް