radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
ދެއްވިއެއްޗަކާ ހަކުރާކެއުން
މަޖާޒު: އެވަގުތަކަށް ކާންލިބިފައި ހުރި އެއްޗަކުން ފުއްދައިލުމަށް ބުނެއުޅޭ ބަހެއް
ދެވުން
މ (1) ކައިވެނިކުރުވުން ނުވަތަ ކޮށްދިނުން (2) އަލިފާނުގެ ހޫނުން ހަނާކުރުން (3) ދިއުން މިބަސް އިޚްތިޔާރަކާނުލައި ކުރެވުނީމާ ބުނާގޮތް (4) ގާ ނުވަތަ އަކިރި އަންދައި އުވަޔަށް ހެދުން
ދެފަށްހުޅި
ނ ހުޅިޖަހާއިރު އިސްތަށިގަނޑު އޮޅައިލުމަށް ފޮތިން ހަދައިފައި އޮންނަ އެއްޗެއް މިއީ ގާތްގަނޑަކަށް ހަތަރު އިންޗި ފުޅާމިނުގެ ހަނިދިގު ފޮތިކޮޅެއް ބާރަށް އޮޅައިލައިގެން ހަދައިފައި އޮންނަ އެއްޗެކެވެ މިގޮތަށް ހުޅިޖަހަނީ އިސްތަށިގަނޑު ކުރުވީމައެވެ
ދެލިހިއްކާކަރުދާސް
ނ (1) ދެލިވަންނަގޮތަށް ހަދައިފައި ހުންނަ ކަރުދާސް (2) ދެލިއަޅާ ގަލަމުން ލިޔާއިރު ދެލިހިއްކަން ބޭނުންކުރާ ކަރުދާހެއް
ދެލިއިންޖީނު
ނ ބޯޓުދެލި އަންދައިގެން ހިންގާ އިންޖީނު
ދެލިދަވާދު
ނ ފިލައާއި ތަށިލިއުމަށް ހަދައިފައި ހުންނަ ދަވާދު
ދޭފަތް
ނ އެއްޗެހިކައްކާއިރު ހަލަންގެންގުޅޭ ފަތިކޮށް އެއްކޮޅަށް ފުޅާކޮށް ހަދައިފައި އޮންނަ ހަނިދިގު އެއްޗެއް
ދޭސީ
ނއ (1) ރަށްވެހި (2) އާދައިގެ (3) ފޭރާންދެރަ (4) ދެރަވަރު
ދޮނގު
ނ )ލ ( (1) ދިޔާ އެއްޗެހި އެޅުމަށް އަނގަކުޑަކޮށް މުށިން ހަދައިފައި ހުންނަ ކަންވާރެއް (2) އަނގަކުޑަ މަހެއް މިމަހަކީ ޙަރަކާތް ކުޑަ މަހެކެވެ
ދޮންހުނިހަވާދު
މ ދިރިއާއި ދަވިއްގަނދާއި ހުންޏާއި ރީނދުލާއި ފިޔަޔާއި ލޮނުމެދާއި އިނގުރު އެއްކޮށްގެން ހަދައިފައި ހުންނަ ހަވާދު
ދޮންނަމެޝިން
މ ފޭރާން ފަދަ ތަކެތި ދޮންނަން ހަދައިފައި ހުންނަ މެޝިނެއް
ދޮންނަސައިބޯނި
ނ އެއްޗެހި ދޮންނަން ހަދައިފައި ހުންނަ ސައިބޯނި
ދޮންބުރެކި
ނ ދިރޭއެމުގެ ގޮތުގައި މަސްބޭނުމަށް ބޭނުންކޮށްއުޅޭ މަހެއް މިއީ ރަށްރަށާއި ފަރުފަރުގެ ބޭރުމަތީގެ މުރަކަތަކުގެ ކައިރީގައި ކުދިއައިން ހަދައިގެން ބައިބަޔަށްއުޅޭ މަހެކެވެ މިމަހުގެ ނަގޫފަތް ހުންނަނީ ވަރަށްބޮޑަށް ދެކަފިވެފައެވެ މަހުގެ މަތީބައިގެ ކުލައަކީ ފިޔާތޮށިކުލައެވެ އަރިމައްޗާއި ބަނޑުދޮށުގެ ކުލައަކީ ރީނދޫކުލައެވެ
ދޮންވުން
މ (1) ގަސްގަހުގައި އަޅާތަކެތި ފައްކާވުން (2) ބައެއްމޭވާއާއި ގަސްގަހުގެފަތް ހަރުވެގެންގޮސް ރީނދޫ ކުލައައުން (3) މައުދަނީ ތަކެތި އަލިފާނުގެ ހޫނުން ރަތްވުން (4) ތަނެއްނުވަތަ އެއްޗެއް އަވިން މާބޮޑަށް ހޫނުވުން (5) އޮށާޅައިގެ ގޮނޑިނުކުންނަވަރުވުން (6) މަޖާޒު: ކުޑަކުދީންގެ ބަހުރުވައިގައި ނަލަވުން (7) ހަމުގެ ކުލަ އަލިވުން (8) އިރުއެރުމުގެ އަލިކަން ފާއްދައިލުން މިސާލު: އިރަށް ދޮންވުން
ދޮންމިޔަރު
ނ މިޔަރުގެ ބާވަތެއް. މިއީ އާދައިގެ ވަރަކަށްފަލަ ތުންކޮޅަށް ދިގުކޮށް ހުންނަ މިޔަރެކެވެ
ދޮރު
ނ (1) ތަންތަނަށް ވަދެނިކުތުމަށް ހަދައިފައި ހުންނަ ތަން (2) މިފަދަ ތަންތާނގައި ލަކުޑި ނުވަތަ މަޢުދަނީ އެއްޗަކުން ހަދައިފައި ހުންނަ ފުރޭމު (3) އިންސާނުންނާއި ހައިވާނުންގެ ކުޑަކަމުނަޖިހާއި ބޮޑުކަމުނަޖިސް ނުކުންނަތަން (4) އިންސާނާގެ އެތެރެހަށްޓަށް އެއްޗެއް ވަދެނުކުމެވާ ކޮންމެތަނެއް މިސާލު: )ހ( އަނގަ )ށ( ނޭފަތް )ނ( ކަންފަތް މަޖާޒު: (5) މަގު (6) ގޮތް
ދޮރުފަތް
ނ ދޮރުބަންދުކުރުމަށް ހުޅުވައިލެއްޕޭ ގޮތަށް ހަދައި ދޮރުގައި ހަރުކޮށްފައި ހުންނައެތި. މި އެއްފަޅިއަށާއި ދެފަޅިއަށްވެސްހުރެއެވެ
ދޯރި
ނ (1) ތެލާއި ފެނާއި އަދި އެނޫންވެސް ދިޔާތަކެތި އަނގަ ކުޑައެއްޗިއްސަށް އެޅުމަށްޓަކައި މަތިފުޅާކޮށް ތިރިހިމަކޮށް ހަދައިފައި ހުންނަ އެއްޗެއް (2) ފިތައިގެން އެއްޗިއްސަށް ތެޔޮދުއްވާން ވަށްކޮށްފަތިކޮށް އެއްކޮޅު ހިމަކޮށް އެތެރެއަށް ތެޔޮއެޅޭނޭހެން ހަދައިފައި ހުންނައެތި (3) ކުޑައިގެ ދަނޑީގެ ކޮޅުގައި ޖަހައިފައި ހުންނައެތި (4) ބައެއް އެއްޗެހި އަތުން ފަހައިއުޅޭއިރު އިނގިލިކޮޅަށް ޖަހައިފައި ހުންނަ އެތި (5) ގަލަން ފަދަތަކެތީގެ ތުނޑު ނިވާކުރުމަށް ޖަހައިފައި ހުންނަބައި
ދޯރު
ނ ފެންއެޅުމަށްޓަކައި ކަރުދިގުކޮށް މަށިން ނުވަތަ މުށިން ހަދައިފައި ހުންނަ އެއްޗެއް
ތަށިބަރި
ނ ކާއެއްޗެހި އެއްތަނުން އަނެއްތަނަށް ގެންދިއުމަށް ޓަކައި ޕްލާސްޓިކު ނުވަތަ ޒިންކު ނުވަތަ ދަގަނޑުން ދަޅުބުރި ތަކެއްގެ ސިފައަށް ތައްޔާރުކޮށް ދުނިގަނޑަކަށް އެމުނޭގޮތަށް ހަދައިފައި ހުންނައެއްޗެއް