radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ބެއަސްނުބެއަސް ހައިވަކަރުއޮޑި ނަންވާނެ
ރަނގަޅުކަމެއް ކުރިޔަސް ނުކުރިޔަސް ބޮޑަށް ނަންވާނީ އެކަމަށް މަޝްހޫރުވެފައިވާ މީހެކެވެ މިބަސްމީގެ އިދިކޮޅަށްވެސް ބުނެއުޅެއެވެ
ބެއިވެޔޮ
ނ ރަތްކުލައިގެ އޮށެއް އަޅާވެލެއް މިއީ އެއްތެޔޮހެން ތަނޑުގަނޑު ދެމެމުން ވެލަށް ހެދޭ ބާވަތެކެވެ
ބެއްލެވުން
މ (1) ބެލުން މިބަސް މާތްކޮށާއި އެންމެ މާތްކޮށް ބުނާގޮތް (2) ބުއިން މިބަސް މާތްކޮށް ބުނާގޮތް
ބެއްސެވުން
މ އެއްޗެއް އެކިބައިބަޔަށް އަޅައި އެކި މީހުންނަށް ދިނުމަށް މާތްކޮށާއި އެންމެ މާތްކޮށް ބުނާގޮތް
ބެލުން
މ (1) އެއްޗަކަށް ނަޒަރު ހުއްޓައިލުން (2) ބެލެހެއްޓުން (3) ކާންދީގެން ގެންގުޅުން (4) ކަން ހިނގާފައިވާގޮތް ހޯދުން (5) ކަމެއްކުރެވޭތޯ ބެލުން މިސާލު: ތިޔަގެއަށް ދެވޭތޯ ބަލާނަން (6) އަދަބު ބެހެއްޓުން މިސާލު: މީނާ މަންމަޔަކަށް ބައްޕަޔަކަށްވެސް ބެލުމެއްނެތެވެ
ބެލެހެއްޓުން
މ (1) މީހަކު ނުވަތަ އެއްޗެއް ރައްކާތެރި ކަމާއެކު ގެންގުޅުން (2) ފަރުވާތެރިކަމާއެކު ކަމެއް ހިންގުން (3) އެއްޗެއް ގެއްލުނަނުދީ އެއަށްވާނުވާގޮތް ބެލުން
ބެޔަސް ނުބެޔަސް ނަންވާނީ ހައިވަކަރުއޮޑިއެވެ
(މުސްކުޅިބަހެއް) އެހެން މީހަކު ކުރިކަމެއް އެރޮނގަކުން މަޝްހޫރުވެފައިވާ މީހަކަށް ނިސްބަތް ކުރުމުން (ނިސްބަތްވުމުން) ބުނެއުޅޭ ބަހެއް.
ބޭނގު
ނ ފެނަށް ދިރޭ މޫދުމަހެއް މިއީ ކަށިގިނަ މަސްމީރުމަހެކެވެ މިމަސް ހުންނާނީ މެކުނު ފާޑަށެވެ
ބޭނުން
ނ (1) މުހުތާދު (2) މަޤުޞަދު (3) މަޠުލަބު (4) ހާޖަތް (5) އެދޭއެދުން (6) ހިތްކިޔާކިޔުން މ (7) އެއްޗެއްގެ ތެރެއަށް އަނެކައްޗެއް ވެއްދުން ނުވަތަ ކޮއްޕުން (8) ބުޅީގައި ގަނުވައިގެން މަސްހިފުން (9) ކުރުނބާ ކިހައް ފަދަ ތަކެތި އިހާ އޮތްގޮތަށް ވާޖަހައިގެން ރުކުން ބޭލުން )01( ކަމެއްގެ ތެރެއަށް މަތިންބައިން ޖެހިގެން ވަނުން
ބޭންދުން
މ (1) އިށީނުން މިބަސް ކުރުވުމުގެ މާނައިގައި ބުނާގޮތް )އިށީނދުވުން( (2) ޚިތާނުކުރުން (3) ވަކިތަނަކުން ނުނިކުމެވޭގޮތަށް މީހަކު ތަނެއްގައި ވަގުތީ ގޮތުން ހިފެހެއްޓުން
ބޭންގުފަނި
ނ ބޭނގުގެ އެންމެ ޅައެއްޗެހި
ބޭރަށްދިއުން
މ (1) އެތެރެއިން ބޭރަށް ނުކުމެގެން ދިއުން (2) ރާއްޖެއިން ބޭރަށް ދިއުން (3) މަޖާޒު: ބޮޑުކަމު ޙާޖިތަށް ދިއުން
ބޭރި
ނ (1) ކަނޑުން އަރާކަމަށް ހީކުރާ ޚިޔާލީ ފުރޭތައެއް. މިއީ ހުރިހާ ކަމަކާ ވާހަކަދައްކައި އެއްޗެހިކިޔައި އުޅޭ ކަމަށްބުނާ ފުރޭތައެކެވެ (2) މަޖާޒު: މީހަކާ ހިތާވެގެންމެ އެވައްތަރު ނުދައްކާ އެމީހާގެ ފަހަތުން އަޅައިގަނެގެން އުޅޭމީހާ
ބޭރިހެދުން
މ މަޖާޒު: ކުރާހިތްވާކަމެއް ނުކުރާން އުޅޭވައްތަރު ދެއްކުން
ބޭރު
ނ (1) އެތެރެޔަށް ނުވާތަން. މިސާލު: ގެއިންބޭރު. ބޭރުމަތި. (2) ވަތްހޭލާ ހިސާބު. (3) ގަނޑުވަރުތެރޭ ބޭފުޅުން ތިއްބަވާ ތަންތާނގައި ބޭރުން އަންނަ ޚާއްޞަ ރައްޓެހިފުޅު މީހުންނަށް ކައްކާބަތް. (4) ނއ. އެކަމެއްގެ އެތަނެއްގެ އެއްޗެއްގެ އެބައެއްގެ ތެރޭގައި ނުހިމެނޭ
ބޭރުބައްތި
ނ (1) ނާފަހަރު ބަންގާޅަށް ދަތުރުކުރި ދުވަސްވަރު ބަންގާޅު ކޯރަށް ވަންނަންދާއިރު އެންމެބޭރަށް ހުންނަ ބައްތި. (2) ކަނޑުއޮޅިތަކާއި ބޭރުދުނީގެ ފަރުފަރާއި މުލިފަދަ ތަންތަން ފާހަގަކުރުމަށް ޖަހައިފައި ހުންނަބައްތި
ބޭރުމަތި
ނ (1) ތޮށީބޭރުން ވަތްހޭލާ ހިސާބު (2) އެއްބައްރެއްގައި ހިމެނޭ ވަކިވަކި ރަށްރަށުގެ އާބާދީއާ ދުރުހިސާބު
ބޭރުމީހާ
ނ އެތަނެއްގެ އެބައެއްގެ ނުވަތަ އެކަމެއްގެ ތެރޭގައި ނުހިމެނޭ މީހާ
ބޭރުދުނި
ނ އަތޮޅުގެ އެންމެބޭރު ފަރު
ބޭބެ
ނ (1) އެއްބަނޑު އެއްބަފާ ނުވަތަ އެއްބަނފާ ނުވަތަ އެއްބަޑު ދޮށީ ފިރިހެނާ (2) ތިމާގެ މީހުންގެ ތެރެއިން ދޮށީ ފިރިހެނާ (3) ތިމާއަށް ވުރެދޮށީ ފިރިހެނުންނަށް ކަމޭހިތުމުގެ ގޮތުން ކިޔާއުޅޭ ނަމެއް