radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ފަންގަނޑުތޮޅި
ނ ފަތިކޮށް ދިގުކޮށް ހުންނަ މަހެއް. މިއީ ތޮޅީގެ ބާވަތެކެވެ. މިއީ އެހެން މަސްމަހާ ޚިލާފަށް ބަނޑުދަށް ފަރާތުގެ ކޮތަރި ބައިނަގޫފަތާ ވަރަށް ކައިރީގައި ހުންނަ އަދި ކަންފަތްވެސް ބަނޑުދަށް ފަރާތުގައި ހުންނަ މަހެކެވެ މިމަސް މާކަނޑުތަކުގައި އުޅޭތީ މަދު ފަހަރެއްގައި ނޫނީ ނުބޭނެއެވެ
ފަންގޮވި
ނ ދިރޭ އެއްޗެއް. މިއީ މަޑުފިޔާތޮށި ކުލައިގައި އޮއްޓުދެފައި ހުންނަ ފުމޭ އެއްޗެކެވެ. މިގިނައިން އުޅޭނީ ދަރު ފަން ފަދަ އެއްޗެހި ހުންނަ ތަންތާނގައެވެ
ފަންސުރުމަސް
ނ ފުންނަ ޢާއިލާގެ މަހެއް. މިއީ ފަޅުފަޅުގެ ބޭރުތޮށީގައްޔާއި ގަލާއި މުރަކަތަކުގެ ތެރޭގައި ދިރިއުޅޭ މަހެކެވެ. އެން ހިފާއިރު މަދުމަދުން މިމަސް ހިފައެވެ
ފަންޑިތަފޮތި
ނ ރަތްތަގައްލާފޮތި. މިއީ ދިވެހީން އިހުޒަމާނުގައި ފަންޑިތަ ހަދައި އުޅުމަށް ވަރަށް ގިނައިން ބޭނުންކޮށް އުޅުނު ފޮއްޗެކެވެ. މިއީ އާދައިގެ ފޮއްޗަށް ވުރެބޯ ރަތްކުލައިގެ ފޮއްޗެކެވެ މިފޮއްޗަށް ބައެއް މީހުން ތަގައްލާ ފޮއްޗޭވެސް ކިޔައެވެ
ގެދަ
ނ ތިރިކޮށްހެދޭ ފަތްބޯކޮށް ހުންނަ ކުދި ފަތްޕިލާ ވެއްޔެއް މީގެރަތާއި ހުދުހުރެއެވެ މިއީ ބޭހަށާއި ކެއުމަށް ބޭނުންކުރާ އެއްޗެކެވެ
ގެލަން
ނ ދިޔާ އެއްޗެހި މިނަން ބޭނުންކުރާ މިނެއް މިއީ 132 ކޮޑި އިންޗީގެ މިންވަރެވެ
ގެޒެޓުކުރެވުން
މ ރައްޔިތުންގެ މަޖްލިސުން ފާސްކުރާ ބިލެއް ރަސްކަލަކު ނުވަތަ ރައީސަކު ތަސްދީޤު ކުރެއްވުމަށްފަހު ދައުލަތުގެ ގެޒެޓުގައި ޝާއިއު ކުރެވުން
ގޮހޮރުކޭ
ނ ކަނޑުމަތީ ދޫންޏެއް މިއީ ސިނައަސްދޫނީގެ ސިފަޔަށް އެއަށް ވުރެ ތުންގަނޑު ވަށްކޮށް ހުންނަ ދޫންޏެކެވެ
ސައްޓި
ނ )ހ ( މުށިން ހަދައިފައި ހުންނަ ކަންވާރެއް މިއީ އެއްޗެހި ކައްކަން ގެންގުޅޭ އެއްޗެކެވެ
ސަމާއަށި
ނ ކިއެވެނި ބޭކަލުންގެ އަށީގެ ބިއްދޮށުބައި މިއީ ޒިކުރު ވެރިން ސަމާތާރަ ޖަހަން ތިބޭ ތަނެވެ
ސަމާއެދުރުލަވަ
ނ ދަނޑިބެރުގެ ލަވައެއް. މިއީ ސަމާތެރޭ ގައްޔާއި އަދި އެނޫންވެސް ތަންތަނުގައި ޖަހައިއުޅާ ލަވައެކެވެ
ސަމާތާރަ
ނ އަށްކަނަށް ހަދައިފައި ހުންނަ އޮނިގަނޑެއްގައި ގިގުނި ލައިފައި އެއްކޮޅުގައި މަޑިހަން އަޅައިފައި ހުންނަ އެއްޗެއް މިއީ ސަމާތެރޭގައި ޒިކުރުވެރިން ކިޔެވެނި ބޭކަލުންގެ އަށީގައި ޖަހާ ތާރައެކެވެ
ސަފުސާންލުން
މ ގޮދަން ފުށާއި ދޮންވެއްޔާއި އެއްކޮށް ފެންޖަހައިގެން މޮޑެ ގުޅަވަށައިގެން ލޯއޮނެއްގެ ތެރެއަށް އެގުޅަލައި އޮނުގެ ކޮޅުގައި އަނގަޖަހައި ބާރަށް ފުމެގެން އެ ފުށްގުޅަ ދުއްވުން. މި ފުށްގުޅަ ދުއްވާނީ ކާޅާއި ބޮނޑާއި ހޯނުފަދަ ތަކެއްޗަށެވެ. މިއީ އިހުގައި ރޯދަމަހުގެ ހަވީރު ތިން ހަތަރުމީހުން ނުވަތަ ފަސްހަމީހުން ކުޅިވަރެއްގެ ގޮތުގައި ކުރާކަމެކެވެ
ސޯނާގަޑި
ނ ގަޑީގެ ބާވަތެއް މިއީ ވަކިވަގުތަކަށް ރަނގަބީލު ވާގޮތަށް ހަމަކުރެވޭ ގަޑިއެކެވެ
ސޯފާ
ނ (1) ގޮދަނޑި ޖަހައިފައި ހުންނަ ދިގު ގޮނޑިއެއް މީގައި ލެނގޭ ތަނާއި ދެކޮޅުގެ ދެއަތްގަނޑު ހުރެއެވެ މިއީ އެނދަކަށްވެސް ބޭނުންކުރެވޭ ގޮނޑިއެކެވެ (2) ސޯފާގޮނޑި (3) ސޯފާއެނދު
ސޯޔާބީން
ނ ގަހެއްގެ އޮށް މިއީ އެއިން ތެޔޮ ހޭނުމަށްޓަކައި ހައްދާ ބާވަތެކެވެ މިގަސް ހެއްދުމުން ބިންގަނޑު ރަނގަޅުވެއެވެ
ފަރަންޖީންމޫދަށްލުން
މ ކުދިންކުޅޭ ކުޅިވަރެއް މިއީބޮލިން ކުޅޭ ކުޅިވަރެކެވެ
ފަރަންޖީއާވި
ނ އިހުގައި ގެންނަ އާވި ތެލެއް މިއީބޭހަށް ބޭނުންކުރާ އެއްޗެކެވެ
ފަރަސޭސިވިލާތް
ނ ފަރަންސޭސީންގެ ރާއްޖެ )ފްރާންސް( މިއީ ހުޅަނގު ޔޫރަޕްގެ ޤައުމެކެވެ
ފަރިހިދަމުއި
ނ ދަމުއީގެ ބާވަތެއް މިއީ މިނާބޭހުގެ ތެރޭގައި ހިމެނޭ އެއްޗެކެވެ