radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
ފަލަގޮހޮރު
ނ މައިދާއަށް ދާ ކާއެއްޗެހި ހިމަގޮހޮރުގެ ތެރެއިން ދަތުރުކޮށްފައި ގޮސްދެން އެޅޭގޮހޮރު މިގޮހޮރު ގުޅެނީ ބޮޑު ދޮރާއެވެ
ފަލަސް
ނ (1) ދެވަލުގެ ދެކޮޅު ނުވަތަ ވަލެއްގެ ދެކޮޅު ގުޅުވުމަށްޓަކައި ދެކޮޅުގެ އުޅިތައް ނިއުޅައިލައި އެއްކޮޅުގެ އުޅިތައް އަނެއްކޮޅުގެ ތެރެއަށް ލައްވައިގެން ގަތައިލާ ގަތައިލުން. (2) ވަލުގެ ކޮޅު ހިމަކުރުމަށްޓަކައި ނުވަތަ އުޅިތައް ނިއުޅުނަ ނުދިނުމަށްޓަކައި އުޅިތަކުން ނަރުދަމައި ހިމަކޮށްފައި ގަތާގެތުން
ފަލަސްކުރުން
މ (1) ދެވަލުގެ ދެކޮޅު ނުވަތަ ވަލެއްގެ ދެކޮޅު ގުޅުވުމަށްޓަކައި ދެކޮޅުގެ އުޅިތައް ނިއުޅައިލައި އެއްކޮޅުގެ އުޅިތައް އަނެއް ކޮޅުގެ ތެރެއަށް ލައްވައިގެން ގަތައިލުން މިހެން ހަދަނީ ގޮށްނުޖަހައި ގޮށެއްގެ ބާރު ގެނައުމަށްޓަކައެވެ (2) ކޮޅު ހިމަކުރުމަށްޓަކައި ނުވަތަ އުޅިތައް ނިއުޅުނަ ނުދިނުމަށްޓަކައި އުޅިތަކުން ނަރުދަމައި ހިމަކޮށް ފަށްގެތުން
ފަލިފެނުގައިއެޅުން
މ ފަލިވަޅުގެ ހަމައިން ނެއްޓިގެން ފަލިދޫ ފެންގަޑުގެ ތެރެއަށް ވަނުން
ފަލިދެމުން
މ ފަލިޖަހައި އަވަދިވީމާ ފަލިތައް ދޯނިތެރެއަށްލުން
ފަލިލުން
މ (1) މެއްކުގައި ހުންނަ ޅާނބުގެ ތެރެއަށް ފަލީގެ ތަންޑު ވެއްދުން (2) މެއްކުގައި ފަލިއެއްސުން
ފަލޫދާ
ނ ކިރުސަރުބަތު ނުވަތަ ރޯސްސެރަޕްގެ ތެރެއަށް ހަލުވިދާ ކުދިކޮށް ކޮށައިފައި އަޅައިގެން ހަދާ ފޮނިބުއިމެއް ބައެއް މީހުން މީގެ ތެރެއަށް އިސްބަގުލާއި ފުއްކުދި ސާގުއަޅައެވެ
ފަސްބަދުރުވަ
ނ އިރުވައި މޫސުމުގެ އަށްވަނަ ނަކަތް
ފަސްކުޅި
ނ އިހުގައި ވިހައިގެން އުޅޭ އަންހެނުންނަށް ވިހެއުމުގެ ކަންތައް ހަމަޖެހުމަށްފަހު ދޭ އެއްޗެއް. މިއީ ބިލެތާއި ފޯކާއި ކަރަންފުލާއި ހުންޏާއި ފޮނިތޮއްޓާއި ކާފޫރުތޮޅި އާއި ބުން ބިލެތްގަނޑެއްގެ ތެރެއަށްލައި ބޮނޑިކޮށްލައިފައި ވިހައިގެން އޮންނަ މީހާގެ އަނގަޔަށް ލަވާ ބިލެއްގަނޑެކެވެ
ފަސްއަށީބޭކަލުން
ނ ގަނޑުވަރުތެރޭގައި ހުންނަ ފަސްއަށްޓަށް ދަމަށް ދުރުވާ ހަނގު ބޭކަލުން
ފަސްވަނަ
ނއ (1) ފަހަކަށްވާ (2) ފަސްވަނައަށްވާ
ފަސްމާރި
ނ ނުލަފާ ކަމާއި ލާނެތްކަން ދޭހަކޮށްދިނުމުގެ ގޮތުން މީހުނާ ދިމާއަށް ބުނެއުޅޭ ބަހެއް މިސާލު: ފަސްމާރި ބަލާބަލާށޭ ކުރިކަންތައް
ފަސްމުގޫ ހިފެހެއްޓުން
މ (1) ވަލުގެ މުގޫ ވަރުގަދަ އަށް ހިފެހެއްޓުން (2) މަޖާޒު: ކަމެއް ބޮއްސުން ލިޔަނުދީ ބެލެހެއްޓުން
ފަސްފަހެތި
ނ (1) އިހުގައި ކިޔެވެލި ކިޔަވައި ނިމިގެން ކަނދުން ނުވަތަ ކަށިކެޔޮފަތުން ހަދައިފައި ހުންނަ ގުރާބެއް ފުރުވައިލާއިރު އެއަށްލާ ފަސް ވައްތަރެއްގެ ހެދިކާ. (2) އެތައް ވައްތަރެއްގެ އެއްޗެހީގެ މާނައިގައި ބޭނުންކުރާ ބަހެއް. އެތާގައި ކޭކުގެ ފަސްފަހެތި އެބަހުއްޓެވެ. މާނައަކީ ކޭކުގެ އެތައް ވައްތަރެއް އެބަހުއްޓެވެ
ފަސްދާނުވެޑުވުން
މ ފަސްދާނުލުން މިބަސް ކީރިތި ރަސޫލާއަށް ނިސްބަތްކޮށް ބޭނުންކުރާގޮތް
ފަސްލޭންބައްތި
ނ ކުރު ފުޅިއެއްގެ ތެރެއަށް ތެޔޮއަޅައި އެފުޅީގެ މަތީގައި ތުނބެއް ޖަހައި އެ ތުނބުގައި މެދަށް ފަލަކޮށް ހުންނަ ދިގުބިއްލޫރި ހޮޅިއެއް ޖަހައިފައި ހުންނަ ދިއްލާ އެއްޗެއް މިހުންނާނީ ދުނިގަނޑަކަށް ލައްވައިފައި އެލުވޭ ގޮތަށެވެ
ފަޑިޔޭކާލަ
ނ )ގ ( އޮޑިދޯނި ފަހަރުގެ މަތިކަން މަތީގައި ވަކި ހިސާބެއްގައި އަޅާ ފަޑިއެއް ހަރުކުރުމަށް މަތިކަނާ ފަޑިޔާ ދޭތެރެއަށް ލައްވައިފައި ހުންނަ ތޭރި
ފަޑެއި
މ )ސ.( ހުތުރު ބަހުން އެނަކަކު ދެރަކޮށްލުމަށް ނުވަތަ ކަލެއަށް ދޫނުކުރާނަމޭ ބުނުމުގެ ގޮތުން ބުނާ ބަހެއް
ފަޓާސް
ނ ބޯކަރުދާހުން ހަދައި އެތެރެއަށް ބަޑިބޭސް އަޅައި ކޮޅުގައި ފުކެއްލައިފައި އޮންނަ ހިމަކުޑަ އެއްޗެއް މިއީ ކުޅިވަރަށް ޖަހާއެއްޗެކެވެ މީގެ ފުކުގައި ރޯކޮށްލީމާ ވަރަށް ބާރަށް ގޮވާނެއެވެ
ފަޖުރުގެ އަލިކަން
ނ ފަޖުރުލުމުން ދުނިޔެއަށް ފާޅުވާ އަލިކަން