radheef.info
ރަދީފު


ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ފާޓުފުޅާކަން
ނއނ ހިސާބަށްވުރެ ޒާތްކޮޅު ބޮޑުކަން
ފިހާރަ
ނ (1) ވިޔަފާރިކުރަން ހަދާފައި ހުންނަ ތަންތަން (2) އޮށްވަޅު ގޮނޑީގެ ދެކޮޅުގައި ހުންނަ ބޮޑު ދެވަޅު
ފިހާރައަށްލުން
މ އޮށްވަޅުކުޅެމުން ދާއިރު އޮށްވަޅު ގޮނޑިގެ ދެކޮޅުގައި ހުންނަ ބޮޑު ދެވަޅުން ކުރެ ވަޅަކަށް ފުކެއް ވައްޓާލުން
ފިހިގަނޑު
ނ (1) ބޮނބި ނުވަތަ އެފަދަ އެއްޗެއްގެ ނަރުން ހަދައި ދަނޑިއެއް ލައިފައި އޮންނަ އެއްޗެއް. މިއީ ކުނިކަހަން ބޭނުންކުރާ އެއްޗެކެވެ. (2) ތަރަފާލާއި ތަޅުންގަނޑު މަތިން ހިރަފުސް ފިލުވަން އުއި ފަށްތަކަކުން ހަދައިގެން ގެންގުޅޭ އެއްޗެއް. ހިރަފުސް ފިލުވުން މި ބޭނުން ކުރަނީ ފެނުން ތެންމައިލައިގެންނެވެ (3) ފިހިގަނޑު ބުމަރު ޖަހަން ރޯ ދިއްގާ ދަނޑިން އެއްކޮޅުގާ ވަކަފަށްތައް ހުންނަ ގޮތަށް ހަދާ އެއްޗެއް
ފިނދު
ނ (1) އާދަމުގެ ދަރިންނާއި ޖަނަވާރާއި ދޫނި ސޫފާސޫފީގެ ބޮޑުކަމު ނަޖިސް ނުކުންނަ ދޮރާއި ކުޑަކަމު ނަޖިސް ނުކުންނަ ދޮރު. (2) ތެލަނގަ އާއި މަޑިފަދަ އެއްޗެހީގެ ފަހަތުކޮޅުގައި ގުޅާނަގޫ. (3) އިންސާނުންނާއި ޖަނަވާރުގެ ފިނދުމަސްގަނޑު. (4) އެއްލާގުޑީގެ ތެރޭގައި ހިމެނޭ ވާލުގެ ފަހަތުކޮޅުން ދެފަޅިއަށް ފަޅައިފައި ހުންނަތަން. (5) ކުކުޅު ހާލާއި ދޫނީގެ ފިނދުފަތްގަނޑު.
ފިނދުވީދައިގެންކެއުން
މ (1) އެއްޗެއް ފިނދުދޮށަށްލައި ފޮރުވައިގެން އިދެ އެތިއެތި ކޮޅުން ކެއުން (2) މަޖާޒު: މީހަކަށް އުޖޫރައެއް ނެތި މަސައްކަތް ކޮށްދޭއިރު އަމިއްލަ އަތުން ޚަރަދުކޮށްގެން ކައިބޮއި ހެދުން
ފިނދުފަތްގަނޑު
ނ ކުކުޅު ހާލާއި ދޫނީގެ ފަހަތުކޮޅުގައި ހުންނަ ފަތްތައް
ފިނދުލުން
މ ތެލަނގަފަދަ ބައެއްގުޑީގެ ފުލުގައި ނަގުލެއްހެން ދިގުއެތިކޮޅުއްލުން
ފިނި
ނ (1) ހޫނުގެ އިދިކޮޅު (2) ޝަބްނަމް (3) ޓެމްޕްރޭޗަރ ދަށުގައި ހުރުމުން މޫސުމަށް އަންނަ ބަދަލު (4) ފުރާނަ ދިއުމުން ހަށިގަނޑުގައި ހުންނަ ހޫނުކަން ކެނޑި އަންނަ ބަދަލު (5) އިންސާނާގެ ހަށިގަނޑަށް ވައިފެނުން އަރާމުކަން ލިބޭ ދަރަޖަ (6) ގަނޑުފެނާއި ފިނިކުރި އެއްޗިހިން ވާ އިޙްސާސް (7) މަޖާޒު: ނއ އުފާވެރިކަމެއް ނެތް (8) ޙިއްޞެއް ޙަރަކާތެއް ނެތް
ފިރިވާދަ
ނ އެއްފިރިހެނަކާ ހެދި ދެއަންހެނުންގެ މެދުގައި އުފެދޭ ދެކޮޅުވެރިކަން
ފިރުން
މ (1) އެއްފަރާތުން އަނެއްފަރާތަށް ބަދަލުކުރުން (2) ހުރިފަރާތް ނޫން އަނެއްފަރާތަށް ރިޔާލުން (3) އަނެއް އަތަށް ޖެހުން (4) މަޖާޒު: ތިމާ ހުރިގޮތް ނޫން އެހެން ގޮތަކަށް ބަދަލުވުން (5) ޓަފު ފުޅިއާއި ސާޢަތް ފުޅި ފަދަ ތަކެތި އެއްކޮޅު އަނެއްކޮޅަށް ޖެހުން
ފިރުކައިލުން
މ (1) ވާންވާގޮތަށް ތަނަކަށް އޮޅައިފައި ނުވަތަ ލައްވައިފައި ހުރި ބަރަންޏެއް ނަނެއް ނުވަތަ ވަލެއް ފަދަ އެއްޗަކަށް ދުލެއް ލިބޭނޭގޮތް ހެދުން. (2) އޮޑިދޯނިފަހަރުގެ ފަށަންދަށުގައި ނުވަތަ މިފަދަ ގޮތަކަށް މިނޫންވެސް ތަނެއްގައި ބާރުވެފައިވާ ލަކުޑިގަނޑެއް ނުވަތަ ކަނދުގަނޑެއް ފަދަ އެއްޗަކަށް ދުލެއް ލިބޭނޭގޮތް ހެދުމަށްޓަކައި އެލަކުޑިގަނޑު ނުވަތަ ކަނދުގަނޑު ހަލުވާލުން. (3) އޮޑިފޯނިފަހަރު ފަދަ ތަކެތި އެހެލައި ބާލައި ހަދާއިރު ދޯނީގެ ކޮޅުފަސްކޮޅު ނުވަތަ ދިރުނބާކޮޅު ފަރާތަކަށް ޖައްސައިލުން
ފިއަކަން
ނ ގޭގެ ކޮޅުން ފުރާޅުން ނުކުމެފައިވާ ތަން
ފިއްނީރާ
ނ މަހުގެ ބޮލުގެ މަތީ ފަރާތުގައި އޮންނަ ދެ މަސްކޮޅު
ފިތުނަ
ނ (1) ފަސާދަ (2) ބަޣާވަތް (3) ދެފުއްދެގޮތް (4) ކަމަކާ މެދު ދެކޮޅުވެރިވެގެން ދެބަސްވާ ދެބަސްވުން (5) ހިތްނުބައި (6) ދެކޮޅުވެރި (7) ނުލަފާ
ފިތުނައުފެއްދުން
މ (1) ފަސާދަކުރުން (2) ބަޣާވަތްކުރުން (3) ދެކޮޅުވެރިކަން އުފެއްދުން
ފިތުނައުފެދުން
މ (1) ހަމަނުޖެހުން އުފެދުން (2) ދެކޮޅުވެރިކަން އުފެދުން
ފިތުނަވެރިކަން
ނއ (1) ދެކޮޅުވެރިކަން (2) ހިތްނުބައިކަން
ފިތުނަވެރިވުން
މ (1) ދެކޮޅުވެރިވުން (2) ހިތްނުބައިވުން
ފިތުނަފަސާދަ
ނ ދެކޮޅުވެރި ކަމާއި ހަމަނުޖެހުން