radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ގަސްއަޅޯ
ނ )ބ ( އޮޑިދޯނިފަހަރުގެ ފަރުމާނަށް ފަޅައިގެން ބޭނުންކުރާ ވަރުގެ ފަލަ ނިކައަޅޯ
ގަސްދަރު
ނ ފަޅައިގެން ބޭނުންކުރާ ވަރުގެ ފަލަ ދަރު
ގަސްގަނޑު
ނ (1) ބޮޑު ގަހެއްގެ މައިގަނޑު (2) އިންޖީނު ދޯނިފަހަރުގެ ނުވަތަ ކުދި ބޯޓު ފަހަރުގެ ބުރަފަތި ދަގަނޑު ހަރުކުރުމަށްޓަކައި ކޮޅުފަސްކޮޅު މައްޔަލާ ގުޅައިގެން އެތެރޭ ފަށަން މަތީގައި އަޅާ ލަކުޑި ގަނޑެއް
ގަސްގަނޑުއެޅުން
މ އިންޖީނު ދޯނިފަހަރުގެ ނުވަތަ ކުދި ބޯޓުފަހަރުގެ ބުރަފަތި ދަގަނޑު ހަރުކުރުމަށްޓަކައި ކޮޅުފަސްކޮޅު މައްޔަލާ ގުޅައިގެން އެތެރޭގައި )ފަށަންމަތީގައި( އަޅާ ލަކުޑި ގަނޑެއް އެޅުން
ގަޑަގަޑަ
ނ ބައެއްކަހަލަ ކަންތައް އޭގެ އެންމެ ބާރުމިނުގައި ވުމަށް ކިޔައި އުޅޭ ގޮތެއް މިސާލު: )ހ( ގަޑަގަޑައަޅައިފައި ކެކުން )ށ( ގަޑަގަޑައަޅައިފައި ދިއުން
ގާއެޅުން
މ ރޭނުމަށްޓަކައި ސިމެންތި ގާހެދުން ގާއަޅަނީ ސިމެންތިއާއި ވެއްޔާއެއްކޮށް ހިކިކޮށް ގަށައި ތައްގަނޑަކަށް އަޅައިގެންނެވެ
ގާފޮރި
ނ (1) މޫދުގައްޔާއި ކަނޑުގައި ގިނަދުވަސްވެފައި ހުންނަ ތަކެތީގައި ފަޅައިފައި ހުންނަ ރިނދަ (2) މޫދުގައި ހުންނަ ލަކުޑިބޮއި އުޅޭފަންޏެއް
ގާދީ
ނ ގޯންޏެއްގެ ތުން އޮޅައިލައިފައި އެތުން ބޮލާއި ކަނދުރާމަތީގައި އެޅޭ ގޮތަށް ދެން އޮންނަ ހުސްތަން ބޮނބިފަޅިމަތީގައި ފެތުރޭގޮތަށް ހަދައިފައި އޮންނަ އެއްޗެއް މިއީ އެއްޗެހި އުފުލާ މީހުން ބޭނުންކުރާ އެއްޗެކެވެ
ގިހުން
މ )ގ ( (1) ދައިމަތި އަޅައިލުން (2) ފުނޑު ފުނޑުކޮށްލުން
ގިރިލޮނު
ނ ފެންއަޅައި ގިރައިފައި ހުންނަ ލޮނު
ގިރިޓީކުރުން
މ ރިއްސާއި ލޮއިން ހަދައިފައި ހުންނަ ގަހަނާގައި ގިރިޓީފެނާއި ކަރަންޓާ ގުޅައިގެން ރަން ނުވަތަ ރިހިކުލަ ޖެއްސުން
ގިރުން
މ (1) ހަރުއެއްޗެއް ނުވަތަ ތަތްއެއްޗެއް ދިޔާއެއްޗަކާ ނުވަތަ އޮލައެއްޗަކާ އެކުވުން ނުވަތަ އެއްކުރުން. (2) ރާޅާއި އޮއިގެ ސަބަބުން ރަށެއްގެ ފަސްގަނޑުން އުނިވަމުން ދިޔުން (3) އޮއްޓަރު އެއްޗެއްގައި ހުންނަ ހިލަ ނުވަތަ ވެލި ވަކިކުރުމަށް ފެނަށް އަޅައިގެން ނާށިގަނޑެއްފަދަ އެއްޗަކުން ދެބައި ވަކިކުރުން (4) ފާރުގަނޑެއް ނުބައިވެގެން ހަލާކުވެގެން ދިޔުން (5) ހިރުގަނޑުގައި އުފެދޭ ބައްޔެއްގެ ސަބަބުން ހިރުގަނޑު ހަލާކުވަމުން ދިޔުން (6) މޭވާފަދަ ތަކެތި ދޮންވެ ފައްކާވެގެންގޮސް ދިޔަފައިބާވަރަށް ފާވުން (7) ވިރުން
ގިފިލި
ނ (1) ގިފިއްޔަށްދާން ހަދައިފައި ހުންނަތަން (2) ޤަޟާޙާޖަތް ކުރުމަށާއި ހިނައިޠާހިރުވުމަށްޓަކައި ވަށައިގެން ފާރުރާނައިފައި ނުވަތަ ފުޅައްއަޅައި ވަޅުބަހައްޓައިފައި އޮންނަތަން މިތަންތަން ހުންނާނީ މަތިހިޔާނުކޮށެވެ
ގިތެޔޮ
ނ (1) ގެރިބަކަރި ފަދަ ޖަނަވާރުގެ ކިރުންނާއި ތަރުކާރީގެ ބާވަތްތަކުން އުފައްދައި ގަނޑުކޮށްފައި ހުންނަތެލެއް (2) ބަކަރީގެ ފިރިހެން އެތި (3) މަޖާޒު: ޖިންސީ އެދުން ޙައްދު ފަހަނަޅައިފައިވާ ފިރިހެނުންނަށް ކިޔާނަމެއް
ގިތެޔޮބޯކިބާ
ނ ގިތެލުގައި ފިޔާރަތްކޮށްގެން ފޮނިތޮށި ކާފޫރުތޮޅި ކަނަމަދު އަޅައިގެން ހަނޑުލުފުށުގައި އަޅާ ބޯކިބަލެއް
ގިގުނި
ނ (1) ހަލުވައިލީމާ އަޑުކިޔާ ގޮތަށް އެތެރެޔަށް ހަރުއޮށެއް ކަހަލަ އެއްޗެއް ނުވަތަ އެތިކޮޅުތަކެއް ލައި ބައްދައިފައި ހުންނަ މައުދަނީ އެއްޗެއް މީގެ ކިތަންމެ ވައްތަރެއް ހުރެއެވެ މިސާލު: ހަލާދަނޑީގެ ފުލުގައި ލުމަށާއި ނަށާ މީހުންގެ ފައިގައި އަޅައި އުޅުމަށް ބޭނުންކުރާ ގިގުނި (2) ވިހަ ގިގުނި ގަހުގެ ހިކިތޮޅި
ގިޔަރަށްލުން
މ ގިޔަރު ބޭނުންކޮށްގެން އިންޖީނުގެ ހިނގުމާއި ފުރޮޅު ނުވަތަ ބުރަފައްޗާ ގުޅައިލުން
ގުރާބުފުރުވުން
މ ކިޔެވެލި ކިޔަވައިފައި މާދައްކަންވީމާ ކުޑަކުޑަދޯންޏަކަށް މާއަޅައިގެންގޮސް މޫދުގައި ބަހައްޓައި ފުރުވައިލުން
ގުރުވަދޫނި
ނ ފެންފޯއްދޫންޏާ ވަރަށް އެއްވައްތަރުގެ ކުޑަކުޑަ ދޫންޏެއް އާއްމުކޮށް މިދޫނި އުޅޭނީ ދަނޑުދަނޑާއި ވިނަފަޅައިފައި ހުންނަ ތަންތާނގައެވެ
ގުބުޅި
ނ )ގ ( ވައި އަޅައިގެން އުފައްދާބޮކި