radheef.info
ރަދީފު


ބ
އ ތާނައިގެ ފަސްވަނަ އަކުރު
ހިތްކެނޑުން
މ (1) ފޫހިވުން (2) ލޯބިކެނޑުން
ހިތްކޮށި
ނއ (1) ހިތުދަސްކުރުމުގެ ބާރު ދެރަ (2) ހިތްގައު
ހިތްކޮށިކަން
ނއނ ދަސްކުރުމުގެ ބާރު ކުޑަކަން
ހިތްއަވަސްވުން
މ (1) ކަމެއްވާލެއް ލަސްވެގެން އެކަމާ ކަންބޮޑުވެގެން އުޅުން (2) ލައިނުގަނެގެން އުޅުން (3) ކެތްތެރިކަން ކުޑަވުން
ހިތްއަތުލުން
މ (1) މީހެއްގެ ހިތުގައި ތިމާގެ މައްޗަށް ލޯބިއުފެއްދުން (2) ތިމާގެ މައްޗަށް ހިތްލެންބުން
ހިތްއޮންނާނީ ދެލިގަނޑެއްހެންނެވެ. ކަން އޮންނާނީ ވެލިގަނޑެއްހެންނެވެ.
(މުސްކުޅިބަހެއް) ހިތްނުބައިކޮށްގެން ހުރެ ބޭރުފުށް އޮމާންކޮށް ކަންތައް ކުރާ މީހުންނާމެދު ބުނެއުޅޭ ބަހެއް
ހިތްވަރު
ނ (1) ހިތުގެ ސާބިތުކަން ހުންނަ ހުރުން (2) ކަންތަކާއި ކުރިމަތިލާން ކެރޭކެރުން
ހިތްވަރުހުރުން
މ (1) ހިތުގެ ސާބިތުކަމާއި ވަރުގަދަކަން ލިބިފައިވުން (2) ކަންތަކާއި ކުރިމަތިލާން ކެރުން
ހިތްވަރުއެލުން
މ (1) ހިތުގެ ސާބިތުކަން ކުޑަވުން (2) ކަންތަކާ ކުރިމަތިލާން ކެރޭގޮތް ކުޑަވުން (3) ހިތްވަރު ދެރަވުން
ހިތްވަރުދިނުން
މ (1) ކަމެއްކުރުމަށް ބާރުއެޅުން (2) ބަހުން ނުވަތަ ކަމުން އަނެކަކަށް ބާރުދިނުން
ހިތްވަރުލިބުން
މ (1) ހިތުގެ ސާބިތުކަމާއި ވަރުގަދަކަން ޙާޞިލުވުން (2) ކަންތަކާ ކުރިމަތިލާން ކެރޭ ސިފަ އުފެދުން
ހިތްވަރުގަދަ
ނއ (1) ހިތުގެ ސާބިތުކަމާއި ވަރުގަދަކަން ހުންނަ (2) ކަންތައްތަކާއި ކުރިމަލާން ކެރޭގޮތް ހުންނަ (3) ޖެހިލުންކުޑަ (4) ބިރުކުޑަ
ހިތްވަރުގަދަކަން
ނއނ (1) ހިތުގެ ސާބިތުކަމާއި ވަރުގަދަކަން ހުންނަކަން (2) ކަންތައްތަކާއި ކުރިމަތިލާން ކެރޭގޮތް ހުންނަކަން (3) ޖެހިލުންކުޑަކަން (4) ބިރުކުޑަކަން
ހިތްވުން
މ (1) ހިތްޖެހުން. މިސާލު: ކާހިތްވުން ކުޅޭހިތްވުން (2) ކަމަކަށް ބޭނުންވުން (3) ކަމަކަށް އެދުންވެރިވުން
ހިތްމަރުވުން
މ އަނެކަކު ކުރިކަމަކުން ހިތަށް ދަތިކަން ލިބި ފޫހިވެ މާޔޫސްވުން
ހިތްމޮޅު
ނއ (1) ބޮޑާ (2) ކިބުރުވެރި (3) ތިމާއަށް ތިމާ ފެނިފައި ހުންނަ
ހިތްމޮޅުކަން
ނއނ (1) ބޮޑާކަން (2) ކިބުރުވެރިކަން (3) ތިމާއަށް ތިމާ ފެނިފައި ހުންނަކަން
ހިތްމޮޅުވުން
މ (1) ބޮޑާވުން (2) ކިބުރުވެރިވުން (3) ތިމާއަށް ތިމާ ފެނުން
ހިތްފަޅައިގެންދިއުން
މ މަޖާޒު: (1) ހިތަށްމާބޮޑަށް ހިތިއަސަރެއް ކުރުން (2) ހިތަށް މާބޮޑަށް ވޭނާއި ކެކުޅުން ލިބުން
ހިތްފަސޭހަ
ނއ (1) ހިތްފަހި (2) ފިކުރެއްނެތް (3) ފިކުރުބޮޑުނުވާ (4) ހިތްއަލި