radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
އެކަހެރި
ނ (1) އެކަނި (2) އެހެނިހެން މީހުންނާއި ދުރު ނުވަތަވަކި
އެކައްޗާދިއުން
މ ލެތްކުޅޭއިރު ފުރަތަމަ ލޮންޏަށް ދާމީހާ މައިދަނޑީގެ އެންމެ ކުރީގައި ހުންނަމުގޯލީގައި އަތްނުވަތަ ފައިކާއްތައިލާފައި ދިއުން
އެކާނަވައި
ނ ނުވަދިހައެކެއް (91)
އެކިއެކި
ނއ އެކެއް އެކެއް މިބަސް ބޭނުންކުރަނީ ގިނަބައެއްގެ ތެރައިން ނުވަތަ ގިނައެއްޗެހި ތަކެއްގެ ތެރައިން އެކަކުން ވަކިކޮށް ބުނުމަށެވެ
އެކޮޅުމިކޮޅު
ނ (1) ކަމެއް ނުވަތަ އެއްޗެއްގެ ހުރިނެތްގޮތް (2) ޙަޤީޤަތް
އެކޮއި
ނ (1) ދަރީންނަށް ނުވަތަ ކުޑަކުދިންނަށް ލޯބިން ބުނާގޮތެއް (2) ކޮއްކޮ
އެއްނުވަރޭފެނުތެރޭ
ނ (1) އެއްކުއްޖަކު ވިހާތާ ނުވަރޭ ނުވަދުވާ ހަމަނުވާ (2) ގާތްގަޑަކަށް އެއް އުމުރެއްގެ
އެއްނޭވާކުދިން
ނ ގިނަކަންތަކުގައި އެއްގޮތްކުދިން. އެއީ ޖިސްމާނީ ގޮތުންނާއި މަޢުނަވީ ގޮތުންނެވެ މިހެން ގިނައިންވަނީ އެއްމާބަނޑު ނުވަތަ އެއްބަނޑު އެއްބަފާ ކުދިންނަށެވެ
އެއްކަށިވުން
މ އަރާބާރަކުން ނުވަތަ ތަދަކުން ހަށިގަނޑާއި ގުނަވަންތައް ހެލިފެލި ނުވާގޮތްވުން
އެއްވަރު
ނއ ދެ އެއްޗެއް ނުވަތަ އެއަށްވުރެ ގިނަ އެއްޗެހިތަކެއް ހަމަހަމަވެގެންވާ
އެއްމެދު
ނއ ދެމީހަކަށް ނުވަތަ އެއަށްވުރެ ގިނަ ބަޔަކަށް އެއްވަރަށް ބެހޭންވާ. މިބަސް ގިނައިން ބުނެއުޅެނީ އަނބިމީހާވެސް އެއްޗެހި ހޯދުމަށް މަސައްކަތްކޮށް ތަކެތި ހޯދުމުގެ ސަބަބުން ދެމަފިރީންނަށް އެއްވަރަށް ބެހޭ މުދަލާ މެދުގައެވެ
އެއްމެދުވުން
މ ދެމީހަކު ނުވަތަ އެއަށްވުރެ ގިނަ ބަޔަކު މަސައްކަތް ކޮށްގެން ހޯދުނު މުދަލަކަށް ވުމުގެ ސަބަބުން މުދައު އެމީހުންނަށް ހަމަހަމައަށް ބެހޭގޮތްވުން
އެއްމެދުމުދައު
ނ ދެމީހަކު ނުވަތަ އެއަށްވުރެ ގިނަ ބަޔަކު މަސައްކަތްކޮށްގެން ހޯދި މުދަލަކަށް ވުމުގެ ސަބަބުން އެއެންމެންގެ މެދުގައި ހަމައަށް ބެހޭންވެފައިވާ މުދައު
އެއްތެޔޮމަޅި
ނ ދަނޑިގަނޑެއްގައި ހަތަރު މަޅި ނުވަތަ އަށް މަޅި ނޫނީ ސޯޅަ މަޅި ވަކިގޮތަކަށް ހަރުކޮށްފައި އެތެރެއަށް ނަނުފަށެއް ލައްވައިގެން ގެންގުޅޭ އެއްޗެއް މިއީ ފޫހި ފިލުވަން ގެންގުޅޭ ކުޅިވަރެއްގެ ގޮތުގައި ވަކި ގަވާއިދަކުން އަޅުވާ ނައްޓާ ހަދާ އެއްޗެކެވެ
އެއްލައިލުން
މ (1) ތިމާގެ އަތުން ނުވަތަ ފައިން ބާރުލާ އެއްޗެއް ދުރަށް ފޮނުވައިލުން (2) މަޖާޒު: ގެންގުޅޭ މީހަކު ބޭނުންނެތިގެން ނިކަމެތި ގޮތުގައި ބޭރަށްލުން
އެއްޗަކަށްހެދުން
މ (1) އެއްވެސް ކަމަކަށް ބޭނުން ނުހިފޭނޭހެން ހީވާ އެއްޗަކުން ބޭނުން ހިފާކަހަލަ އެއްޗެއް ހެދުން (2) އެއްވެސް ތަރުބިއްޔަތެއް ނެތި ހުރި މީހަކު ކޮންމެވެސް ކަމެއްގައި ބޭނުން ހިފޭނެގޮތް ހެދުން (3) ބޭނުމެއް ނުހިފިފައި ހުރި މީހަކު ކަމެއްގެ ތެރޭގައި ގެންގުޅޭން ފެށުން (4) މީހަކު އެއްވެސް މަޤްޞަދެއްނެތި ބުނެލި ބަހަކުން ނުވަތަ ކުރިކަމަކުން ރަނގަޅުގޮތުގައި ނުވަތަ ނުބައިގޮތުގައި އަނެކަކު އޭގެ ނަތީޖާ ނެރުން ނުވަތަ ނެރޭން އުޅުން
އެއްޗަކަށްވުން
މ (1) ބޭނުން ނުހިފޭކަހަލަ އެއްޗެއް ބޭނުން ހިފޭގޮތްވުން (2) ތަރުބިއްޔަތު ނުވެވޭނޭހެން ހީވާ މީހަކު ކަމެއްގައި ބޭނުން ހިފޭގޮތްވުން (3) ކަމުދިއުން (4) ކުޅަސަމާސާއެއް ވިހަވުން (5) މަޤްޞަދެއްނެތި ކުޅަކަމަކުން އޭގެ ފޮނި ނުވަތަ ހިތި ނަތީޖާ ފެނުން
އެވެނި
ނއ ތިމާއަށް އެނގިފައިވާ ކަމަކަށް ނުވަތަ އެއްޗަކަށް އިޝާރާތްކޮށް ބުނާގޮތެއް މިސާލު: އެވެނިކަމެއް ނުކުރާށެވެ
އެވެނިމިވެނި
ނއ ކަންތައްތަކެއްގެ ނުވަތަ އެއްޗެހިތަކެއްގެ މައްޗަށް އިޝާރާތްކޮށް ނަން ނުބުނެ އޭގެ ބަދަލުގައި ބުނާގޮތެއް. މިސާލަކަށް: އެވެނިމިވެނި ގޮތަށް އުޅޭ އެވެނިމިވެނި ކަންތައް ކުރޭ އެވެނިމިވެނި އެއްޗެހި ހޯދާ
އެވްރޭޖް
ނ (1) އެކިވަރަށްހުރި އަދަދުތަކެއް އެއްކޮށް އެއްކުރި އަދަދުތަކުގެ އަދަދުން ގެއްލީމާ ނިކުންނަ އަދަދު. މިސާލު: ދިހަޔަކާ ނުވަޔަކާ ދޭކާ މިތިން އަދަދު އެއްކޮށްލީމާ އަންނަ ޖުމްލައަކީ އެކާވީހެވެ މިއެއްކުރެވުނީ ތިން އަދަދެވެ ވީމާމިޖުމްލަ ގެއްލާންވީ ތިނަކުންނެވެ ތިނަކުން ގެއްލީމާ ނިކުންނާނީ އެތިންއަދަދުގެ އެވްރޭޖެވެ އެއީ ހަތެކެވެ (2) މެދުމިން