radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ކިރިކެޓު
ނ ދަނޑުގައިކުޅޭ ކުޅިވަރެއް މިކުޅިވަރުގައި ބައިވެރިވާނީ ދެޓީމެވެ ޓީމެއްގައި 11 ކުޅުންތެރީންނެވެ އެއްބަޔަކު ބޯޅަ ހޮވަން ތިބޭއިރު އަނެއްބައިގެ ދެކުޅުންތެރީން ކުޅެން އަރާތިބެއެވެ ބިމަށް ޖަހާފައި ހުންނަ ތިންދަނޑީބުރީގެ ކުރިމަތީގައި ކުޅޭމީހާ އޮވެގެން ހޮވާޓީމުގެ މީހަކު އެއްލާބޯޅައިގައި ފިލާގަނޑަކުންޖަހައި ލަނޑު ހަދައެވެ ނުވަތަ ދުވެގެން ލަނޑު ހަދައެވެ ދަނޑިބުރިތައް ޖަހައިފައި ހުންނަނީ މެދުރިއަޅައިފައި އޮންނަ ތަނެއްގައި ދެކޮޅުގައެވެ
ކިރިސް
ނ (1) ދެފަރާތުގައި މިޔައެޅި ތުނޑުތޫނު ވަޅިއެއް މީގެ ތިލައިގައި ހުންނާނީ ހައެއްކަ އިންޗިއެވެ (2) )ސ ( ކިހިލި
ކިރިޔާ
ކއ (1) ކުޑަކޮށް (2) ކަމެއްވާން ތައްޔާރުވެފައި ނުވީމާ ނުވަތަ ކަމެއް ނުވާނެކަމަށް ހީވެފައި ވީމާ ބުނެއުޅޭގޮތެއް މިސާލު: )ހ( ކިރިޔާފޯރި )ށ( ކިރިޔާ ނުޖެހުނީ
ކިރުނު
ނ އަތްކަންކުރާ މީހުނާއި ދަގަނޑުތަޅާ މީހުން ތަޅާ އެތިގަނޑު ތަޅަން ބާއްވާ ދަގަނޑުގަނޑު މީގެ ތެރެއިން އަތްކަން ކުރާ މީހުން ބޭނުންކުރާ ކިރުނު ހަދައިފައި ހުންނަނީ ހަތަރު އަރިޔަށް ހަތަރު ފަސް އިންޗީގެ އުސްމިނުގައި އޮންނަ ލަކުޑި ގަނޑެއްގެ މެދަށް ދަގަނޑުބުރިޔެއް ޖަހައިގެންނެވެ
ކިރުރިހަބަތް
ނ އިހު ޒަމާނުގައި މުލަ ރޯދަ ދުވަހު ޣާޒީ ބަންޑާރައިންގެ އަހަރުމަތިފުޅަށް ކައްކައިއުޅުނު ކޭމެއް މިކޭމުގައި ހުންނަނީ ބަރަބޮލު ރިހައާ ބަތާއި ކިރެވެ
ކިރުޅިޔަވެން
ނ ވެނުގެ ބާވަތެއް މިވެން ހުންނާނީ ކިރުޅި ވައްތަރަކަށެވެ
ކިރުޅިޔަމަސް
ނ ފަރުމަހުގެ ބާވަތެއް މިއީ ކުދިއައިން ހަދައިގެން ފަޅުތެރޭގައާއި ވިލުވިލުގައި ދިރިއުޅޭ މަހެކެވެ މަހުގެ ކުލައަކީ ގަދައަޅިކުލައެވެ ބަނޑުދަށް ފަރާތުގައި ހުންނަނީ މަޑުއަޅިކުލައެވެ މަހުގެ ދިގަށް ހުންނަ ހުޅުނބު ބަރި ދެމެދުގައި ރަންކުލައިގެ ރޮނގެއް ހުރެއެވެ
ކިރުކުމުންޒާނި
ނ ކުމުންޒާނީގެ މޮޅުބާވަތް މީގެ އެތެރޭގައި ހުދުތަންތަން ކޮޅު ހުންނާނެއެވެ
ކިރުކެޔޮ
ނ ފޮނިކާއެއްޗެއް މިކައްކަނީ މާޅޮސްކޭލާއި ކިރާއި ފުށާއި ހަކުރު އަޅައިގެންނެވެ
ކިރުކޯޅި
ނ ކިރުތިނައިގެ ބާވަތެއް މިއީ ބޭހަށް ބޭނުންކުރާ ފަތްޕިލާވެއްޔެކެވެ މި ގަސް ހުންނާނީ އާދައިގެ ކިރުތިނަ ގަހަށްވުރެ ތަންކޮޅެއް ދިގުކޮށެވެ މިގަހުގެ މާގަނޑު ބޮޑުވާނެއެވެ
ކިރުވައިގުގޫ
ނ ވައިގުގުލުގެ ބާވަތެއް މި ވައިގުގޫ ބިސް ވައިގުގުލަށްވުރެ ހިތިވާނެއެވެ މިހުންނާނީ މަޑު ރީނދޫ ކުލައިގައެވެ މިއީ ބޭހުގެ ބާވަތެކެވެ
ކިރުވެން
ނ ވެނުގެ ބާވަތެއް. މިބާވަތުގެ ވެނުގައި ހުންނަނީ ހުދު ކިލާ ކުލައެކެވެ
ކިރުމަސްރިހަ
ނ ރޯމަސް ނުވަތަ ތެތްވަޅޯމަހުގައި ފެންކިރު އަޅައިގެން ކައްކާ ރިހަޔެއް މިއަށް އަޅަނީ ރޯމިރުހާ ބިލިމަގެވެ ދެން މައްޗަށް ރަތްކުރި ފިޔާކޮޅަކާއި ބޯކިރުފޮދެކެވެ
ކިރުފެލުން
މ (1) ކާށިފަދަ ތަކެތީގެ ހުނީން ކިރުނެގުން (2) ޖަނަވާރުގެ ކިރުވައްގަޑުން ކިރުނެރުން (3) ތިނަ ވައްގަނޑުން ކިރުނެރުން
ކިބާވަރު
ނ ރޮށިދަމަން ހަދައިފައި ހުންނަ އެއްޗެއް މިހުންނާނީ ލަކުޑިން އެތެރެއާއި ބޭރު ވަށްކޮށް ލިޔެ މަތި ކުޑަކޮށް ފުއްޕާލާފައެވެ
ކިއްލީ
ނ ދުފާ ހުރިހާ ބާވަތްތައް އެއްކޮށްތަޅާ ހިމުން ކޮށްފައި ހުންނަ ތައްޔާރީ ދުފާ އެއްޗެއް މިއެއްޗެތި ބަންދުކޮށްފައި ހުންނަނީ ބިލެތުގައި ނުވަތަ ކަރުދާހު ގޮށީގައެވެ
ކިފުޅި
ނ (1) ބޮނބިގަނޑުގެ އެތެރޭގައި ހުންނަ ނަރާއި ކުނޑި (2) ކާށި ހެހުނީމާ ކާށީގެ ލޯކޮޅުން ބޮނބިގަނޑުގައި ހުންނަ ނަރުތައް
ކިލާބަށި
ނ ބަށީގެ ބާވަތެއް މިހުންނާނީ ކިލާފެހި ކުލައެއްގައެވެ
ކިސްމިރީސާލު
ނ ހިމަކެހެރީގެ ރީތި ތުނިސާލު މިވިޔަނީ ކަޝްމީރުގައެވެ
ކިޗުޅީ
ނ ބާވަތެއްގެ މުގުބަތެއް މިގިނައިން ކައްކަނީ ނޫމުގުގައެވެ