radheef.info
ރަދީފު


ނި
އ )ސ ( ނު
ބޯއަރުވާވައްގަނޑު
ނ (1) އޮޑިދޯނިފަހަރުގައި ވާ އައްސާ ދަނޑިޔާއި ހުރަސް ފިލާގައި ޖައްސައި ހުސެންދަރީގެ ފުލާއެކު ބަނޑުފިލައިން ހަފޮޅާ ހަމަޔަށް އަރުވާ ވައްގަނޑު (2) ގެރިބޯވައްގަނޑު (3) ބޯބޮޑުފައިވައް
ބޯވުން
މ (1) އޮލަވުން (2) ގިނަވުން (3) ފޮއްސިވެލުން (4) ތުނިމިނުން އިތުރުވުން
ބޯފޮޅި
ނ ހަނޑުލާގަބުޅި ހުންޏާއެއްކޮށްގެން ފެންފޮޅިޔަށްވުރެ ތަންކޮޅެއް ބޯކޮށްފިހާ ފޮނިފޮޅިއެއް
ބޯދި
ނ ރާއްޖޭގެ މަސްވެރިން ދިރޭ އެމުގެ ގޮތުގައި ގެންގުޅޭ ކުދި މަހެއް މީގެ ކުލައަކީ ރަންމުށިކުލައެވެ އާންމުކޮށް އުޅެނީ ފަރާއިފަޅު ފަޅުގެ ބޭރު ގުންޑޮޅިތަކާއި ހަތާތަކުގެ ނިވަލުގައާއި ވިލުވިލާއި ކަނޑުއޮޅިތަކުގައި ހުންނަ ބަދިތަކާއި ބޮޑެތިގައުގަލުގެ ނިވަލުގައެވެ އަދި ބޮޑެތި އައިން ހަދައިގެން ކަނޑުގައިވެސް އުޅެއެވެ
ބޯދުންފިނި
ނ ވައިގެ ތެރޭގައި ފެނުގެ އަސަރުބޮޑުވުން ފިނިމޫސުމުގައި ޖައްވުގައި އުފެދިފައި ހުންނަ ފުސްކަން
ބޯތަށި
ނ (1) ދިޔާއެއްޗެތި އަޅަން ގެންގުޅޭ ގޮނިކޮށް ފުންކޮށް ހުންނަތަށި (2) ޑިޝްއެންޓަނާ
ބޯތަށި ބަގީޗާ
ނ ފަތްވަށްކޮށް ގޮނިކޮށް ހުންނަ ބަގީޗާ ގަހެއް މިއީ ފަރުދާ ބަގީޗާގެ ބާވަތެކެވެ
ބޯތަށިމަލާފަތް
ނ މަލާފަތުގެ ބާވަތެއް. މިހުންނަނީ އެކަނިކާތަށިލާ މަލާފަތަށްވުރެ ބޮޑުކޮށް އުސްކޮށް ފުންކޮށެވެ
ބޯގަޅާ
ނ ކުކުޅު މާދޫނި
ބޯސަޑީ
ނ މީހުން ނިކަމެތިކޮށްލަން ބުނެއުޅޭ ބަހެއް މިސާލު: ބޯސަޑީ މިތަނުން ރައްކާވޭ
ބޯސާ
ނ (1) އޮޑި ދޯނިފަހަރު އަޅާން ދެފަރާތަށް އަޅާ ދެ ވާ އެއްކޮށް ބަންނަ ބަނުން (2) އޮޑިދޯނިފަހަރު އަޅާން ދެކޮޅަށް އަޅައި އެއްކޮށް ބަނދެފައި އޮންނަވައު
ބޯސާބަނުން
މ އޮޑި ދޯނި ފަހަރު އަޅާން ދެފަރާތަށް އަޅާ ދެވައު އެއްކޮށް ބަނުން
ބޯޑު
ނ (1) އެކި ބާވަތުގެ ލިޔުމާއި ނިޝާނާއި އިޢުލާން ފަދަ އެއްޗެހި ލިޔެ ހިއްޕަން ނުވަތަ އެނޫންވެސް ގޮތަކުން ހަރުކުރަން ހަދައިފައި ހުންނަ ފިލާ. (2) ވަކިކަމަކަށް ޚާއްޞަކޮށްގެން ކަމަކަށް ޢައްޔަންކޮށްފައިވާ ރިޔާސަތަކާ އުޞޫލުތަކެއްގެ ދަށުން ހިންގާ ބައެއް ކަހަލަ ކޮމިޓީ ނުވަތަ އިދާރާ
ބޯޓުދެލި
ނ ބިންކޮނެގެން ނަގާ ކަޅުކުލައިގެ ހަރުއެއްޗެއް މިއީ އެއަންދައިގެން އިންޖީނު ހިންގާ އެއްޗެކެވެ އަދި ފިނި ތަންތާނގައި ގެދޮރު ހޫނުކުރަންވެސް މީގެ ބޭނުން ކުރެއެވެ މި އެކިގޮތްގޮތަށް ބޭނުންކޮށްގެން ވަރަށްގިނަ ބާވަތް ބާވަތުގެ ކެމިކަލާއިބޭސް ހަދައި އުޅެއެވެ
ބޯޓުގޯނި
ނ ތުނިގޯނި
ޅަ
ނއ (1) ނ އޮޑިދޯނި ފަހަރުގެ ވަތުތެރޭގައި އެއްޗެހި ބަހައްޓަން ހުރަހަށް ބަހައްޓާ ލަކުޑި އާއި ދަނޑިފަދަ ތަކެތި (2) ހަރުކަމުގެ އިދިކޮޅު މިސާލު: (ހ) މިއީ ޅަ އަނބެކެވެ. (ށ) މިފާރު އަދި މާ ޅަ އެވެ. (3) ޢުމުރުން ހަގު (4) ހިލާއެއްޗެއް ހެއުވަރަށް ވަރުނުވާ މިސާލު: މެޓާގަނޑު ހަރުވާ ވަރަށްވުރެ މާ ޅައެވެ (5) ވިސްނުންދެރަ މިސާލު: އޭނާގެ ވިސްނުން މާ ޅައީއެވެ. (6) ވައިމަތިން ވިއްސާރަގަނޑެއް އަންނާން ކައިރިވާ ވައްތަރު. މިސާލު: ވައިމަތި މުޅިން ޅަ ކޮށްލައިފިއެވެ. (7) ވަކިޒާތެއްގެ ބޭހެއްކުރުމުން ހަށިގަނޑަށް ލިބޭ ބާވަތެއްގެ ދެރައެއް. މިސާލު: ތިޔަ ހުޅު ހަމަޖެއްސޭނީ ބޭސްގަނޑެއް އަޅައި ކަށި ޅަ ކޮށްގެންނެވެ. (8) ތަޖުރިބާމަދު މިސާލު: މިމަސައްކަތަށް އޭނާ އަދި މާ ޅަވާނެއެވެ
ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ޅައިރުވާކެޔޮ
ނ ބަނބުކެޔޮގަހުން އިރުވާކެޔޮހުސްވުމާއި ހުޅަނގު ކެޔޮނިކުތުމާއި ދެމެދުގައި ނުކުންނަކެޔޮ
ޅައިފަންގެ
ނ އޮޑިދޯނިފަހަރަށް މުދާއަރުވަން ޅައިއަޅައި ފައްލަވަހަދަން ވަތުތެރޭ ޖަހަން ބޭނުންކުރާ ފަންގެ
ޅައެޅުން
މ އޮޑިދޯނިފަހަރުގެ ވަތުގައި ތަކެތި ބެހެއްޓުމަށްޓަކައި ވަތުތެރޭގައި ހުރަހަށް ލަކުޑި ފަދައެއްޗެއް ބެހެއްޓުން )މިކަން ކުރަނީ ދިޔަ ޖެހިގެން މުދައު ތެމަނަ ނުދިނުމަށެވެ