radheef.info
ރަދީފު


ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
އަސާ
ނ (1) ދޮށިމޭނާ ވެލާނާ ހަކުރާ ފާމުދޭރި މާފަތް ދަހަރާ މިބޭބޭކަލުންނާއި ފަނޑިޔާރުކަމާއި މީރުބަޙުރުކަމާއި ރަނަހަމާންތިކަމާއި ފުރަމާލޭގެ ދެޚަޠީބުކަމާއި މިކަންކަން ޙަވާލުކުރައްވާ ބޭބޭކަލުންނަށް ދެއްވާދަނޑި މިހުންނަނީ ކުރަހައި ލާފެންކޮށްފައެވެ (2) ހިފައިގެން ހިނގާ ލަޓިގަނޑު
އަސީދާގުޅަ
ނ އިހު ޒަމާނުގައި ރޯދަވީއްލުމަށްޓަކައި ގަނޑުވަރުތެރޭގައި ހަދާގުޅައެއް މިގުޅަ ހަދާނީ ކުދި ބޭކަލުންނެވެ
އަސްލު
ނ އެއްޗެއް ނުވަތަ ކަމެއް އުފެދުމުގެ މައިގަނޑު
އަޑަފިގަނޑު
ނ ބިލެތްގަނޑު
އަޑިގަނޑު
ނ (1) އަޑިވެފައި އޮންނަ ތަންގަނޑު މަޖާޒު: (2) ލިބޭ ދެރައެއްގެ ސަބަބުން ދިރިއުޅުމަށް އަންނަ އުނިކަން މިބަސް ބޮޑަށް ބޭނުންކުރަނީ އަތްމަތިދަތިވުމާ ބެހޭ ގޮތުންނެވެ
އާވިނެގުން
މ (1) ބައެއްތަކެތީގެ އަރަގު ނެގުން (2) އެތެރެހައްޓަށް ވާގޮތަކުން ހަށިގަނޑުގެ ތާކަށް ހޫނުވާހެން ހީވުން (3) އުދާސްނެގުން
އާވިކެއްކުން
މ (1) ދަވިއްގަނދު ފޮނިތޮށި ފަދަ ތަކެތީން އާވިނެގުން (2) އާވި ކައްކާ އެތިގަނޑުން އާވިނެގުން
އާލަވަބައި
ނ ދަނޑިބެރުގެ ލަވަބައެއް މިލަވަބައިގެ ފުމޭލަވަ ހެއްދެވީ މާވާގަނޑުވަރު ޙުސައިންދީދީ ކަމަށާއި ޖަހާލަވަ ހެއްދެވީ މާންދޫގެ މޫސާދީދީކަމަށް ބުނެއުޅެއެވެ
އިހާގޮނޑި
ނ އިހަލުގެ ތަނޑުގަނޑު
އިހިކުނޑި
ނ އޮޑިފަހަރު ބަންނައިރު އިހިއެޅީމާ އިހިގަނޑުގެ ދެކޮޅުގައި ބާއްވާ ކުޑަ ދެބޯކިބާ މިއީ އޮޑިވެރީންގެ ފަރާތުން ދޭންވާ އާދައެކެވެ
އިންޖެކްޝަން
ނ ގުންބާއެއްގެ ޒަރީޢާއިން މަސްގަނޑުގެ ނުވަތަ ލޭހޮޅިއެއްގެ ތެރެއަށް ދުއްވާ ބޭސް
އިންޖެކްޝަންޖެހުން
މ އިންޖެކްޝަން މަސްގަނޑު ތެރެއަށް ނުވަތަ ލޭހޮޅިއެއްގެ ތެރެއަށް ދުއްވުން
އިރާކޮޅު
ނ (1) އިރުއޮއްސުމާއި ނުވައެއް ޖެހުމާ ދެމެދު (2) ރޭގަނޑުގެ ފުރަތަމަ ދަން
އިރުވައިކޮލި
ނ ކޮންމެ އަހަރަކު މުލަ ނަކަތް ލައިގަތީމާ ހެޔޮ އިރުވަރެއް ބަލައި ބަޑިހެލުމަށްފަހު ރަދުން ގަނޑުވަރަށް ވަދެވަޑައިގަތީމާ ލައި އުޅުނު ކޮލި. މިއީ ދެބަނޑޮސް ދޭތެރެއިން އޮޑިއެއް ދޯންޏެއް ނުވަނުމަށާއި ފާރުދޮށްކޮށައޮ ދަމަށް އަރާން ކުރާ އަމުރުގެ ކޮއްޔެވެ
އިރުވާހުދު
ނ މާކަނާ ފާޑުގެ އެއަށްވުރެ ކުޑަ ހުދުދޫންޏެއް. ހުޅަނގުވީމާ ރަތްރީނދޫ ކުލައިގެ ފަތްތަކެއް މީގެ ހުޅިގަނޑުންނާއި ބުރިކަށިމަތިން ފައުޅުވެއެވެ. އިރުވައި ވީމާ އެފަތްތައް ހުދުވެދެއެވެ
އިސްކަންދަރުހަރުބި
ނ ހަތްކޮޅު ނަގާބޭފުޅުން އިއްޒަތަށް ވަޑައިގަންނަވާއިރު ގަނޑުވަރުން ފެށިގެން އެވަޑައިގަންނަވާ ތާކަށް ވަޑައިގަންނަވާންދެން ދުންމާރީގައި ފުމޭ ހަރުބި
އިސްކަރާބު
ނ އެއްކޮޅު ގުދުކޮށް ތޫނުކޮށްގެން ގެނގުޅޭ ފަތިކޮށް އޮންނަ ދަގަނޑު އާލަތެއް. މިގެންގުޅެނީ ތަންތާނގައި ލައިފައި ހުންނަ ދަވާދު ކަހާށެވެ
އިސްކިރީން
ނ (1) ގިއުގަނޑެއްގައި ފަތިޖަހައިގެން ހަދައިފައި ހުންނަ ބިތްގަނޑު (2) ބައިސްކޯފުގެ ތަސްވީރު އަރާ ފަރުދާ
އިސްކުރު
ނ (1) މައިޒާން ކަނޑައިފައި ހުންނަ ބާވަތެއްގެ މޮހޮރެއް މީގެ ބޯ ހުންނާނީ ރެންޗުން ނުވަތަ ކަށިގަނޑުން ހިފޭނޭހެން ކަނޑައިފައެވެ (2) މިގޮތަށް ކަނޑައިފައި ހުންނަ މައިޒާން
އިސްކުރުބޯ
ނ އިސްކުރުގެ މަތީކޮޅުގައި ކަށިގަނޑުން ހިފާން ކަނޑައިފައި ހުންނަ ތަން މިތަން ހުންނާނީ މޮހޮރު ބޮލެއްގެ ސިފައިގައެވެ