radheef.info
ރަދީފު


ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ސަމާލުކަން
ނއނ (1) ފަރުވާ ބަހައްޓާކަން (2) ކަމަކަށް ވިސްނައި ތައްޔާރުވެ ހުންނަކަން (3) ކަމަކަށް ފަރުވާތެރިވެ ބަލަން ހުންނަކަން
ސަމާލުވުން
މ (1) ހުސިޔާރުވުން (2) ތައްޔާރުވުން
ސަމާސާކުރުން
މ (1) ލާނެތް ކަންތައް ކުރުން (2) އަނެކުން ހެއްވާލުމަށްޓަކައި ކަންތައް ކުރުން
ސަފާތުތަށި
ނ (1) ސަފާތަށް އަޅާތަށި (2) ބަތް އަޅައިފައިވާ ބޮޑުތަށީގެ އެތެރޭގައި ބަތް އަޅައިފައި އިތުރަށް ހުންނަ ކުޑަތައްޓެއް
ސޮޑާހަކުރު
ނ (1) ސޮޑާ ތައްޔާރު ކުރަން އަޅާ ވަރަށް ފޮނިގަދަ ހަކުރެއް (2) ސެކަރިން
ސޮޑާއެޅުން
މ ސޮޑާ ތައްޔާރުކޮށް ފުޅިފުޅިޔަށް އަޅައި ބަންދުކުރުން
ސޮޓުޖެހުން
މ ބައެއް ކުޅިވަރުތައް ކުޅޭއިރު އަވަސް ހަރަކާތާއެކު ދޭ ވަރުގަދަ ހަމަލާ
ސޯޅިޔާހުނި
ނ (1) ސުންޑެލި. (2) ކާށި ހުންޏަށް ފިޔަޔާއި ރޯ މިރުހާއި ލުނބޯހުތާއި ލޮނާއި ރީނދުލާއި މިތަކެތި ރަހަލާވަރަށް ލައި އެއްކޮށް ތަވައެއް ނުވަތަ ތެއްޔެއްގައި ދަވައިގެން ތައްޔާރުކުރާ ހުންޏެއް ދަވާނީ ހުނިހިކިލާވަރަށެވެ
ސޯލާޕެނަލް
ނ އިރުގެ އަލިން ބެޓެރީއަށް ބާރުގެނެސްދޭ ގޮތަށް ތައްޔާރުކޮށްފައި ހުންނަ އެއްޗެއް
ސޯޝިއަލިޒަމް
ނ އިންސާނީ ހަޔާތާބެހޭ ފަލްސަފީ ނަޒަރިއްޔާއެއް. މިނަޒަރިއްޔާގައިވާ ގޮތުން އުފެއްދުންތެރިކަމާއި އާމްދަނީގެ މައިގަނޑު ވަސީލަތްތައް ވާންޖެހެނީ އެންމެންގެ މިލްކަކަށެވެ
ސްޓޭޑިއަމް
ނ ކުޅިވަރު ކުޅުމަށް ތައްޔާރު ކޮށްފައި ހުންނަ ބޮޑެތި ބިން މިތަން ތައްޔާރު ކޮށްފައި ހުންނާނީ ކުޅިބަލާ މީހުންނަށް އިށީނދެގެން ތިބެ ކުޅިބެލޭ ގޮތަށެވެ
ޑައިރީ
ނ (1) އެދުވަހެއްގައި ހިނގި ކަންތައްތަކުގެ ހަނދާން ލިޔާފޮތް (2) ކުރިއަށް ކުރަންޖެހޭ ކަންތައްތަކުގެ ހަނދާން ލިޔާފޮތް
ފަރަންސާ
ނ ފުރާދުއްވާ ތަކެތީގެ ބޭރުގައި ކުރަންޖެހޭ މަރާމާތު ފަދަ ކަންތައް ކުރުމަށްޓަކައި އަރައިތިބުމަށް ބޭރުގައި އެލުވާ ފިލާ ނުވަތަ ޖާލިގަނޑު
ފަރާތް
ނ (1) ކިބަ. މިސާލު : އޭނާގެ ފަރާތުން )އޭނާގެ ކިބައިން( (2) ފުށް. މިސާލު: މަންމަ ފަރާތުގެ ބޮޑުބޭބެ. )މައިފުށުގެ ބޮޑުބޭބެ( (3) ގަނޑުގެ އެފަރާތް ގަނޑުގެ މިފަރާތް. (4) ބިތް. މިސާލު: އަތޮޅުގެ އުތުރު ފަރާތުން ދަތުރުކުރާށެވެ. )އުތުރުބިތުން ދަތުރުކުރާށެވެ.( (5) ފަޅި މިސާލު: ޖަލްސާއަށް ދިޔަމީހުން އިށީނދެ ތިބީ ހޯލުގެ ވާތްފަރާތުގައެވެ )ވާތްފަޅީގައެވެ ( (6) މީހުންނާއި ކުލަބު ޖަމްޢިއްޔާ ފަދަ އެކުވިނަންތައް ގުޅުވައިގެން ބޭނުންކޮށް އުޅޭ ބަހެއް މިސާލު: މިކަމަށް އެދޭ ފަރާތްތަކުން
ފަރާތްފަރާތް
ނ (1) ފަރާތް މިބަސް ގިނަކުރުމަށް ބުނާގޮތް (2) ފަރާތްތައް
ފަރާޓާ
ނ ގޮދަންފުށްމޮޑެ ވަކިގޮތަކަށް ތައްޔާރުކޮށް ތުނިދުއްޔެއްހެންހަދައި މެދުން ލޯވަޅެއް ހަދައި ވަށައިގެން އޮޅަމުންގޮސް ދިގުފަށަކަށް ވީމައި ބުރިކޮށްލައި ދެކޮޅު ދެފަރާތަށް އޮޅައި ދެބައި އައިސް ޖެހުނީމާ އެއްފަޅިމައްޗަށް އަނެއްފަޅިލައި ތެއުޖަހައިގެން ފިހެފައި ހުންނަކާއެއްޗެއް
ފަރި
ނއ (1) ނަލަ. (2) ޗާލު. (3) ހިތްގައިމު. ނ. (4) ކުކުޅެއްގެ ކުރިމަތީގައި ހާގެންނަ އެދުންވެރިކަމުގެ ޙަރަކާތް. (5) ބައެއް ކަހަލަ ކަންތަކަށް ވާތައްޔާރު. މިސާލު: ދުއްވައިގަތުމަށް. ނުވަތަ ލާނދާ އެއްލުމަށް މީހާ ވާފަރި. (6) ކުޅިޖަހާއިރު ތިމާގެ ކުޅަދާނަކަން ދެއްކުމަށް ހަދާގޮތް ނުވަތަ ޙަރަކާތް. (7) މާކެޔޮޅުކަމު ގެންދާން ކަމުދާ ވަރަށް ކޯމަސްވާކުނި. (8) މާމެލާމެލި ފޮޅުމަށްޓަކައި ފިޔަތައް ހުޅުވޭ ހުޅުވުން. ނ. އެތެރޭގައި ފަޅެއް އޮންނަ ގޮތަށް ފަޅުގެ ވަށައިގެން ނުވަތަ ކަނޑާއި ފަޅުމައްޗާ ދެމެދު ގަލާއި މުރަކައިން އުފެދިފައިވާ ތިލަތަން
ފަރިކުރުން
މ (1) ކުކުޅުގެ ކުރިމަތީގައި ހާ އެދުންވެރިކަމުގެ ޙަރަކާތް ގެނައުން (2) ބައެއްކަހަލަ ކަންތަކަށް ތައްޔާރުވުން
ފަރިވުން
މ (1) ނަލަވުން (2) ރީތިވުން (3) ޗާލުވުން (4) މާމެލާމެލި ފޮޅެންވެގެން ފިޔަތައް ރޫޅިލުން (5) މާކެޔޮޅުކަމުގެ ބަހުރުވައިން އެންކޯމަސް ކުނިވުން (6) ކަމެއް ކުރަން ތައްޔާރުވުން
ފަރިވެފޮޅުން
މ )ހ ( (1) ނުފޮޅޭ މަލެއްގެ ފިޔަތައް ދުރުވެ ރޫޅުން ނުވަތަ ނިއުޅި ހުޅުވުން (2) މަޖާޒު: އުފަލުން ފުރުން