radheef.info
ރަދީފު


ދި
ނ އަންހެންދަރި
ބަނގުއާވި
ނ އަލިފާން ހިފާ ކުލައެއްނެތް ސާފު ދިޔާ އެއްޗެއް. މޭވާދިޔައާއި ގޮވާންފަދަ އެއްޗެހި ކަމީރުކޮށްގެންވެސް މިނަގައެވެ. ބަނގުރާއާއި ސެންޓާއި ބައެއްކަހަލަ ދިޔާބޭސް ބޭނުންކުރުމުގައި މި ބޭނުން ކުރެއެވެ
ބަނގުފިލާ
ނ (1) ގަންޖާ (2) މަރުވާނާ މީގެ ގަސްހެދެނީ 4 ފޫޓާއި 6 ފޫޓަށެވެ ބައެއް ގަސް މިއަށްވުރެ ދިގުކޮށްވެސް ހެދިފައި ހުރެއެވެ ފަތް ހުންނާނީ ދަނޑި އަލުވިފަތްހެން 6 ބަޔަށެވެ
ބަނޑައިދޫ
ނ (1) މަހުގެ ބަނޑުފުށުން ބަނޑަށްވީ ހިސާބުގައި ތުނިކޮށް ހުންނަ މަސްފަށް (2) ދިވެހިން ޢާއްމުކޮށް މަސްކަނޑާ ގޮތަށް މަސްކަނޑާއިރު މަހުގެ ބަނޑަށްވީ ހިސާބުން ކަނޑައިގެން ނަގާބައެއް
ބަނޑަވަރު
ނ (1) ހަމަރިޔަލު )ހަތަރެސްކަންރިޔާ( ގެ އަރަލުން ރިޔަލުން ރިޔަލުގެ ބޭރުފުށުން އޮޑިޔަށް ހިފައިފައި ހުންނަވާފަށް (2) ފުރާޅުގެ ފަންތައް އޮބެހެއްޓުމަށް އެއް އަސްކަނީގެ ދަނޑިން އަނެއް އަސްކަނީގެ ދަނޑިޔަށް ފުރާޅުމަތިން ހިފައިފައި ހުންނަ ވާފަށް (3) ދަމައިފައިވާ ސަތަރިއެއްފަދަ އެއްޗެއް ވަޔާ އެއްލައިލިޔަ ނުދިނުމަށް މަތިން ދަމައިފައި ހުންނަ ފަށް (4) އެއްޗަކަށް އަރުވައިފައި ހުންނަ މުދާތަކެއް ފައިބައިގެން ދިޔަ ނުދިނުމަށް މުދައުތަކުގެ މަތިން ފުރައިފައި ހުންނަ ވައު
ބަނޑިޔާ ލަނގިރި
ނ ލަނގިރިޖަހާއިރު ދެސަފަށް ތިބޭގޮތަށް ބަނޑިޔާ ހިފައިގެން އަންހެންކުދިން ތިބެގެން ކުޅޭ ކުޅިވަރެއް
ބަނޑިޔާބުރު
ނ (1) ބޯވަޅު އެޅިލިބާހުގެ ކަރުކަނޑައިއުޅުނު ބުރެއް (2) ބިލެތްކަފާ މާދިރީއެއްގެ ނަން
ބަނޑިޔާޖެހުން
މ (1) ކިޔާލަވަޔަށް ހަމަވާގޮތަށް ލޯބަނޑިޔަލުގައި ޖަހަމުންކުޅޭ ކުޅިވަރެއް ބަނޑިޔަލުގައި ޖަހާއިރު ޖަހާނީ އަތުގައިވާ އަނގޮޓި ބަނޑިޔަލުގައި ޖެހޭގޮތަށެވެ އެއްބަނޑިޔާ ބޭނުން ކޮށްގެންވެސް އަދި ދެބަނޑިޔާ ބޭނުން ކޮށްގެންވެސް މިކުޅިވަރު ކުޅެއެވެ (2) ބަނޑިޔާ ލަނގިރި
ބަނޑުހަލައިލުން
މ ކުއްލިއަކަށް ބަނޑު ދިޔާވުން
ބަނޑުބަލި
ނ ބަނޑުގައި އުފެދޭ ބައްޔެއް. މިބަލި ޖެހުމުން ބައެއް ފަހަރު ނޭވާހިނގުން ދަތިވެ ކުޑަކަމުދިއުމާއި ބޮޑު ކަމުދިއުމުގެ ނިޒާމަށް ބަދަލު އާދެއެވެ ދިވެހިންގެ ތެރޭގައި "ބަނޑުބަލި" ކިޔާ އުޅެނީ ބަނޑުގައި ސަރުބީ އުފެދި ބަނޑުގެ އެތެރޭގެ ބައެއް ގުނަވަން ދުޅަވުމުންނެވެ
ބަނޑުކެކުން
މ ބަނޑުގައި ވައި ހެދިގެން ބަނޑުތެރޭން އަޑު އިވުން
ބަނޑުއެޅުން
މ (1) ހުތުރު ބަހުން ކެއުމަށް ބުނާގޮތް. (2) ފާރެއް ރާނަމުންދާއިރު ދެފަރާތުގައި ހުންނަ ގާބުރީގެ މެދަށް ކުދިގާ އެޅުން (3) އެއްޗެއްގައި ބަނޑު ޖައްސައިގެން ގުދަށް އޮތުން (4) މުދާބާލާ ބަނޑު ތަނެއްގައި ހައްޔަރުކުރުން
ބަނޑުއޮޅި
ނ އަށީގެ މަޅު ހިފެހެއްޓުމަށް ދިގުއޮޅީގައި ހުރަހަށް ވިދެފައި ހުންނަ އެއްޗެހި
ބަނޑުވަސް
ނ ފައިދޮށްތަކުގެ މެދާ ދިމާއިން ފުރާޅުގެ ދިގަށް ފައިދޮށްތަކުގެ ދަށުން އަޅާ ވަކަރެއް މިވަކަރު އަޅަން ޖެހެނީ ފައިދޮށްތައް މާދިގުކަމަށްވާނަމަ ފުރާޅު ލަނބާފާނެތީއެވެ
ބަނޑުފުރާނަ މުއްތިކުރުން
މ ކިރިޔާ ދިރިހުރެވޭ ވަރަށް ކާނޭއެތިކޮޅު ލިބޭނޭގޮތް ހޯދުން
ބަނޑުފުރާނަމުއްތިވުން
މ ކިރިޔާ ދިރިހުރެވޭ ވަރަށް ކާނޭއެތިކޮޅު ލިބޭނޭގޮތްވުން
ބަނޑުފެޅުން
މ މަޖާޒު: މީހަކަށް ދެރަދިނުމުގެ ގަސްތުގައި ނެތިމޮށުން
ބަނޑުދުރަ
ނ (1) އާނުކަނޑައި ކޮނެފައި ހުންނަ ވަޅުގެ އާނުގެ ދަށުން ހެދޭ ބާސަލަގަނޑު (2) ވަޅުގެ އެތެރޭގައި ގޮނިހެދިފައި އޮންނަ ތަން
ބަނޑުގައު
ނ ތެލިގަލުން ރާނާއިރު ފާރުގެ ދެގާބަރި ދޭތެރެއަށް އަޅާ ކުދިގައު
ބަނޑުގުގުރުން
މ ބަނޑުގައި ވައިހެދިގެން ބަނޑުތެރޭން އަޑުއިވުން
ބަނޑުގޮއްވާކަށި
ނ މިޔަރުގެ މައިކަށީން ވަކިވެ ކުނިފިލާފައިވާ ބަދައެއް މިއީ ކުޑަކުދިން ކުޅިވަރަކަށް ބަނޑުގައި އޮއްބައި ނަގައި މިގޮތަށް ބަނޑުން އަޑު ގޮއްވަން ބޭނުންކުރާ އެއްޗެކެވެ