radheef.info
ރަދީފު


ފަދަ
އ (1) ކަހަލަ (2) ގޮތް
ފިރުއްކުން
މ (1) ކޮރަކަލި ހަނދަލަ ފަދަ ތަކެތި ބޭނުމަށްޓަކައި ގޮނޑުދޮށުގައި ހިނގަމުން ދޮށި އުކުން
ފިރޯށި
ނ ބަރަންޏާއި ކަސަބާއި އުއިފަދަ އެއްޗެހި އޮޅަން ހަދައިފައި ހުންނަ އެއްޗެއް މިއީ އެނބުރޭގޮތަށް ދަނޑިއެއް ލައްވައިފައި ހުންނަ އެއްޗެކެވެ
ފިއްފިތަށްހުރުން
މ (1) ފިތްފިތަށް އުފުލިފައި ހުރުން (2) ލުނބޯ ނާރިނގު ފަދަ ތަކެތީގެ އެތެރެ ކަލިވަތް ކަލިވަތަށް ހުރުން
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިތްނެގުން
މ (1) ހަށިގަނޑުގެ ތަންތާގައި ބައެއް ޒާތުގެ އެއްޗެހި ހެފީމާ އެ ތަނެއް ދުޅަވުން. (2) މީހެއްގެ ނުވަތަ ކުއްޖެއްގެ ގައިގައި އިލޮށި ފަތިން ނުވަތަ އިލޮއްޓަކުން އަދި ނުވަތަ އެއްތެޔޮ ގަނޑެއް ފަދަ ހިމަ އެއްޗަކުން ޖެހީމާ އެތަނެއް އުފުލުން (3) ވިހައެއްގެ ސަބަބުން ނުވަތަ ބައްޔެއްގެ ސަބަބުން ހިރުވައިފައި ނުވަތަ ނުހިރުވާ ހަށިގަނޑުގެ ތަންތަންކޮޅު އުފުލުން
ފިލާޖެހުން
މ ބިތާއި އަލަމާރި އާއި ދޮރުފަތް ފަދަ އެއްޗެހީގައި ފިލާ ހަރުކުރުން
ފިލި
ނ (1) އަކުރުގެ އަޑުނެރޭގޮތް އޮޅުން ފިލުވައިދިނުމަށް ޖަހާ ނިޝާން. މިސާލު: އަބަފިލި އިބިފިލި (2) ގަހެއްގެ ނަން (3) ފުރޯދަނޑިއާއި ވަޑާން ކައްޓާއި ކޮށާވަޅި ފަދަ އެއްޗެހީގެ މުށްގަނޑުގައި ދަގަނޑުން ނުވަތަ ލޮއިން އަޅައިފައި ހުންނަ ބަންދު (4) އެންހިފާއިރު ދަލުތެރެއަށް ޖަހަން ފިލިމަހުން ކަހައިފައި ހުންނަ މަސް (5) ފަރު ކެޔޮޅުކަމުގައި މަސްތިލަ ކުރުމަށް އުކާ ކަރުގޮހޮރު ފަދަ ތަކެތި (6) "ފިލުން" މިބަހުގެ ނިމިނިމުނުކަން މަޖާޒު: (7) ރިޝްވަތު (8) ކަމެއް ކުރުވުމަށް ބާޜުއެޅުވުމުގެ ގޮތުންދޭ އެއްޗެހި
ފިލިއެޅުން
މ ވަޅި ފުރޯ ފަދަ އެއްޗެހީގެ ތިލަ ހިފެހެއްޓުމަށާއި މުށްގަނޑު ނުވަތަ ދަނޑިފެޅުނަ ނުދިނުމަށްޓަކައި މަޢުދަނަކުން ހަދައިފައިވާ ބަންދެއް އެޅުން
ފިލުނދު
ނ (1) ކައްކައިފައި ހުންނަ ކާއެއްޗެހި ރާމާވުމަށް ފަހު ކުނިވުމުގެ ކުރިން އައިސްފައި ހުންނަ ބަދަލު. (2) ދިރޭ އެއްޗެހި )އިންސާނުން ނާއި ޖަނަވާރާއި މަސްމަހާމެހި ފަދަ( މަރުވުމަށްފަހު ގިނައިރުވުމުން މަސް ގަނޑު ކުނިވާން ފެށުމުގެ ކުރިން ހަންގަނޑު ދޫވެ މަސްގަނޑު މަޑުވާ މަޑުވުން
ފިލުނދުވުން
މ (1) ކައްކައިފައި ހުންނަ ކާއެއްޗެހި ރާމާވުމަށްފަހު ކުނިވުމުގެ ކުރިން ދެން އަންނަ ބަދަލު އައުން. (2) ދިރޭ އެއްޗެހި )އިންސާނުން ނާއި ޖަނަވާރާއި މަސްމަހާމެހި ފަދަ( މަރުވުމަށްފަހު ގިނައިރުވުމުން މަސްގަނޑު ކުނިވާން ފެށުމުގެ ކުރިން ހަންގަނޑު ދޫވެ މަސްގަނޑު މަޑުވުން
)ކެމެރާގެ ފިލްޓަރު( ފިލްޓަރު
ނ (1) ފުރޭނި (2) ތެލާއި ގޭހާއި ވައި )ވެލިފަދަ ކަރުދާސް ފަދަ ފޮތިފަދަ އެއްޗެއްގެ ތެރޭގައިވާ( އެއްޗެއްގެ ތެރެއިން ދަތުރު ކުރުމުން ސާފުކޮށްދޭއެތި (3) ފެން ސާފުކޮށް ފުރާނައިދޭ ފެންއަޅާ ކަންވާރެއް (4) އަޑުގެ ބާރުމިން ވަކި ފްރީކުއެންސީއެއްގައި ހިފަހައްޓައިދޭ އެތި (5) އަލީގެ ބާރުމިން ވަކިވަރަކަށް ހިފެހެއްޓުމަށް ބޭނުންކުރާއެތި
ފިޔަ
ނ (1) އުދުހޭ އެއްޗެހީގެ ވަރަ. (2) މާމެލާމެލީގައި ކަރުގަނޑުގެ ވަށައިގެން ބޭރަށް ނުކުމެފައި ހުންނަ ބައިތައް. (3) ފަންކާއާއި ބުރަފަތި ފަދަ ތަކެތީގައި ހިމަދިގުކޮށް ނުވަތަ ކުރުފަލަކޮށް ވަށައިގެން ބޭރަށް ނުކުމެފައިވާ ވައިފޮނުވައިދޭ ނުވަތަ ފެނުތެރޭ އަނބުރައިދޭ ބައި މިފަދަ ތަކެތީގައި ޢާއްމު ގޮތެއްގައި ހުންނާނީ ތިންފިޔައެވެ (4) ފިޔަ އަކުން ނައްޓައިލެވޭ ފަށް
ފިޔަން
ނ ތެލި ފުފޭ ފަދަ ތަކެތީގެ މަތިން ޖަހަން ލަކުޑިން ހަދައިފައި އޮންނަ އެއްޗެއް
ފިޔަރެސް އެރުވުން
މ އަނގޮޓި ފަދަ ތަކެތީގައި ވަކިގޮތަކަށް އެސް ހަރުކުރުން
ފިޔަވަހި
(1) ތަރައްޤީއަށްޓަކައި ކުރެވޭ މަސައްކަތެއްގެ ތަފާތު ބައިތަކުގެ ތެރެއިން ބައެއް (2) މަޝްރޫޢެއްގެ ނުވަތަ ކަމެއްގެ ފާހަގަ ކުރެވޭފަދަ ބައިބައި
ފިޔަފަތް
ނ (1) އުދުހޭ އެއްޗެހީގެ ވަރަ (2) ފަންކާއާއި ބުރަފަތި ފަދަ ތަކެތީގައި ނުވަތަ ފެނުގައި އަޅައިގަންނަ ގޮތަށް ހުންނަ ބައިތަކުގެ ތެރެއިން ބައެއް (3) މަތިންދާ ބޯޓުގެ ދެއަރިމައްޗަށް ނެރެފައި ހުންނަބައި
ފިޔާމީރުކުރުން
މ ގިތެޔޮ ނުވަތަ ކާށިތެޔޮ ނުވަތަ ކާށިކިރުފަދަ އެއްޗެއް ތެއްޔެއް ފަދަ އެއްޗަކަށް އަޅައި އޭގެތެރެޔަށް ފިޔަޔާއި ހިކަނދިފަތާއި ރާނބާފަތާ އަޅައިގެން މަޑުގިނިމަތީގައި ކައްކައި ރަތްކުރުން
ފީނުން
މ (1) ގަސްތުގައި ކަނޑުފަޅު ފަދަ ތަންތާނގެ އަޑިއަށް ދިއުން ނުވަތަ އެފަދަ ތަންތާނގެ އަޑީގައި އުޅުން (2) މަޖާޒު: ކަމަކާ މެދު ފުންކޮށް ވިސްނައި ޚިޔާލުކުރުން
ފީރު
ނ އެއްޗެހި ގާނައި އޮމާންކުރުމަށާއި ހުނިގޮނޑި ތިލަ ކީސް ފަދަ ތަކެތި ތޫނު ކުރުމަށްޓަކައި އެކަތައިން ހަދައިފައި ހުންނަ ހަތިޔާރެއް. މީގެ ދެތިން ހަތަރު ވައްތަރެއް ހުރެއެވެ. މިސާލު: ތިންއަރިފީރު އޮނުފަޅިފީރު ފަތިފީރު ގަސްގާނާފީރު
ފީކަންފަތް
ނ (1) ފީ ރުއްބުޑާއި ފީ ލަކުޑި ފަދަ އެއްޗެހިން ފަޅާ އެއްޗެއް މި ހުންނާނީ ކަންފަތެއްގެ ސިފައިގައި އެއްފަޅިއަށެވެ (2) ހަޑިކަންފަތް