radheef.info
ރަދީފު


މަސް
ނ (1) ފެނުގައި ދިރިއުޅޭ ކޮތަރިއާއި ނަގޫފަތް ހުންނަ ދިރޭ އެއްޗެއް. )މީގެގިނަ ބާވަތްތަކަކީ ކާންބޭނުންކުރާ އެއްޗެއްސެވެ.( (2) އިންސާނުންނާއި ޖަނަވާރާއި މަސްމަހާމެއްސާއި. ދޫނިސޫފާސޫފީގެ ހަށިގަނޑުގައި ހަމާ ކައްޓާ ދެމެދުގައި ހުންނަބައި. (3) އިހި ބޮލި ރާކަނި ފަދަތަކެތީގެ އެތެރޭގައި އޮންނަބައި (4) އަހަރެއްގެ ބާރަބައި ކުޅަ އެއްބައި (5) ދޫމިޖަހާހެން ބިލެތުގައި ޖަހާ އެއްޗެއް (6) އިންސާނުންނާއި އެނޫންވެސް ބަނޑުއަޅާ ވިހާ އެއްޗެހީގެ ދަރިންގެ ފޫޅު ދަނޑިއާ ގުޅިފައި އޮންނަ އެއްޗެއް
ގެރިބޯ
ނ )ދ ( މަސްދޯނިފަހަރުގެ ކޮޅުފަސްކޮޅު މައްޔަލުގެ މައްޗަށް ޖަހާ ލަކުޑީގެ ބައެއް ހުންގާނުގެ މަތީކޮޅު ބަންނާނީ އެއަށެވެ
ގެރިމަސް
ނ ގެރީގެމަސް
ގެޅަމަސް
ނ )ސ ( ހަށިގަނޑުގައި ގޮށްގޮށަށް ހަރުވެފައި ހުންނަމަސް
ގޮށަނި
ނ )ޏ.ސ.( ހިކާވައްތަރުގެ ކުދިމަހެއް. މިމަސް އުޅޭނީ ފަޅުމަތީގައި ގާތަކުގެ ތެރޭގައެވެ ކުއްލި ދުވުމެއްގައި ގޮސް މަޑުކޮށްގެން ގިނަވަގުތު ހޭދަކުރެއެވެ
ގޮށްއެރުވުން
މ އަތުގެ މުލައްދަނޑީގައި ޖަހައިގެން މީދާމަސްގަނޑު އުފުއްލުން
ގޮށްވިރުވުން
މ (1) ހަށިގަނޑުގެ ނާރެއްގައި ނުވަތަ މަސްގަނޑުގެ ތެރޭގައި އުފެދޭ ކުދި ހަރުތަންތަންކޮޅު ފަރުވާދީގެން ރަނގަޅުކުރުން (2) ފުށް އުއްސައިގެން ފޮނިއެއްޗެހި ހަދާއިރު އޭގައި ހުންނަ ފުށްގުޅަގުޅަ އަތުން ފިއްތައިގެން ގުޅަގުޅަޔަށް ނުހުންނާނޭގޮތް ހެދުން
ގޮށްމަސް
ނ ބުރަ މަސައްކަތް ކުރާ މީހުންނާއި ހަށިގަނޑު ވަރުގަދަ ކުރުމަށް ކަސްރަތު ކުރާމީހުންގެގުނަވަންތަކަށް އަރައިފައިހުންނަ ހަރު ވަރުގަދަމަސް
ގޮށްފުޅަނގި
ނ މަސްކާށިދޫންޏާ ވައްތަރު އެއަށްވުރެ ބޮޑެތިކޮށް ހުންނަ ދިރޭ އެއްޗެއް
ގޮނޑެންޖެހުން
މ އެންދަމާދާ ނުވަތަ ދާބުރި ބޭނުން ކޮށްގެން ގޮނޑު ދޮށުން ކުދި މަސް ހިފުން
ގޮނީފުލަށްފޭބުން
މ (1) މަސްބައްދާއިރު މަސްބައްދާ ގޮނީގެ ފުލަށް އެރުން (2) މަޖާޒު: މަސައްކަތް ކުރާހާ ވަރުނެތް މީހުންނާމެދު ބުނެއުޅޭބަހެއް މިސާލު: މޫސަބޭދެން މިހާރު އެހެރީ ގޮނީ ފުލަށް ފައިބައިފައެވެ
ގޮނު
ނ (1) އެއްޗެހި އެޅުމަށް ފަނުން ވިޔެފައި ހުންނަމުޅި (2) މުށިމަސް ފަދަ އެއްޗެހި ބާނައިފައި އަޅަން ހަދައިފައި ހުންނަ ކޮތަޅު (3) ގޮން
ގޮނުއެޅުން
މ އިހުޒަމާނުގައި މަސްވެރިން މަހަށްދާއިރު ކާތަކެތި ގެންދިއުމަށް ފަނުން ވިޔެފައި ހުންނަ ވަޑިގޮނަށް މަހަށްދާއިރު ގެންދާ ކާތަކެތި އެޅުން
ގޮންޏަށްދިއުން
މ މަޖާޒު: މަސްހިފަން ދިއުން
ގޮޅާ
ނ ކަނޑުފަޅުގެ ތިލަ ހިސާބުގައި އުޅޭ ބޮލީގެ ބާވަތެއް މިއީ ތޮށިގަނޑު ބޯއެއްޗެކެވެ މީގެ ތަފާތު ވައްތަރުތައް ހުރެއެވެ މިއީ މަސްކާއެއްޗެކެވެ
ގޮއިބައި
ނ (1) ސަރުކާރުގެ ބިމެއްގައި އަމިއްލަ މީހުންކުރާ އޮށްޓަރު ގޮވާމުން ސަރުކާރަށް ނަގާބައި. މިގޮތުން އެކިޒަމާނުގައި އެކި ރަށުން ނަގައި އުޅުނީ އެކިވަރަށެވެ. ބައެއް ދުވަސްވަރު 3/1 4/1 5/1 8/1 ނަގައި އުޅުނުކަމަށްވެއެވެ. (2) މީހުން އުޅޭ ރަށެއްގެ ގޯތީން ބޭރުގައި ތައްޖަހާ ތަކެތި. )ރުއް ފެންފޯއްރުއް ބަނބުކެޔޮ ކަށިކެޔޮ( ނޫން ތަކެތި ހެއްދުމުން އެތަކެތިން ލިބޭއެއްޗަކުން ސަރުކާރަށް ނަގާބައި (3) ހޭޅިން އަތިރި ބަންޑާރަޔަށް އޮންނަ ރަށްރަށާއި މީހުން އުޅޭ ވަގުފު ނޫން ފުރަބަންޑާރަ ރަށްރަށުގައި ކުރާ މަސްވެރިކަމުން ބަންޑާރަޔަށް ނަގާ މަސްބައި (4) ކޮންމެ ރާވެރިޔެއްގެ އަތުން ސަރުކާރަށްނަގާ ހަކުރުބައި )މިގޮތުންނަގާނީ ކޮންމެ ރާވެރިޔެއްގެ އަތުން މަހަކު އަޑުބައެކެވެ
ގޮއްފުޅަނގި
ނ މަސްކާށިދޫންޏާ ވައްތަރު ގޮތަކަށް ހުންނަ އެއަށްވުރެ ބޮޑެތި ސޫތްޕެއް މިއީ އުދުހޭ އެއްޗެކެވެ
ގޮދާ
ނ ކަޅުބިލަމަހުގެ ނުވަތަ ރޮނގުދެމިމަހުގެ އެންމެ ބޮޑެތި ފަލަމަސް
ގޮދާބޮޑުމަސް
ނ ގޮދަޔާ އެއްވައްތަރަށް ހުންނަ ބޮޑެތި ބިޔަ މަސް
ސަހީދު
ނ )ޅ ( މަސްބާނާ އެންމެކުރު ދޮށި
ސަހީދުބުޅި
ނ މަސްބާނާ އެންމެ ކުރުދޮށީގައި ލާބުޅި