radheef.info
ރަދީފު


ބަ
އ އައްބަ
ނިއަނދުރުލޭ
ނ ބައްޔެއްގެ ސަބަބުން ދުވަސް ދުވަހުން ނޭފަތުން އަންނަލޭ
ނިއަފަތިގަނޑު
ނ ގެރިއާއި އަސްފަދަ ތަކެތީގެ ހަތަރުމޮށްގަނޑުގެ ކޮޅުގައި އޮންނަ ހަރުބައި
ނިއާވުން
މ (1) ނިއައުވުން. (2) މަރުވުން މިބަހުގެ މާތްގޮތް
ނިއާމަ
ނ (1) ފަސޭހަ (2) ނިޢުމަތް މިބަސް ގިނައިން ބުނެއުޅެނީ ދަތުރާއި ވިދިގެންނެވެ މިސާލު: ނިޔާމަ ދަތުރު ނުވަތަ ފަހި ދަތުރު
ނިއުޅުން
މ (1) އޮޅާފައި އޮތް ފޮތި ނުވަތަ ދޫލަ ރޯލެއް ފަތުރައިލުން. (2) އެތައް ފައްތަކެއް ހަރުކޮށް އެއް އުޅިއަކަށް ހަދައިފައިވާ ގޮތް ކެނޑި ފައްތަށް ވަކިވަކިކުރުން (3) އެއްޗެއްގައި ހުންނަ މަޢުނަވީ ބަންދުކަމެއް މޮހެލުމަށް ފަންޑިތަވެރިންކުރާ ކަމެއް
ނިއުޅުންކުރުން
މ އެއްޗެއްގައި ހުންނަ މަޢުނަވީ ބަންދުކަމެއް މޮހައިލުމަށް ފަންޑިތަހެދުން ނުވަތަ ހަދާފައިވާ ފަންޑިތައިގެ ބާރު ކެނޑުވުމަށް ކަމެއް ކުރުން
ނިއުމޯނިއާ
ނ ފުއްޕާމޭ ދުޅަވާ ބައްޔެއް މިބަލީގައި ފުއްޕާމޭގެ އެތެރޭގައި ޖަރާސީމުގެ ސަބަބުން ދޮސްހެދި ހަށިގަނޑަށް ބޭނުންވާ ވަރަށް އޮކްސިޖަން ނުލިބެއެވެ މޭގައި ރިހުމާ ކެއްސުންވެސް އެއީ މިބަލީގެ ޢަލާމާތެކެވެ
ނިއޯން
ނ ކުލައެއް ވަހެއް ނުހުންނަ ގޭހެއް މިއީ ވައިގެ ތެރޭގައި ވަރަށް ކުޑަމިންވަރަކުން ހިމެނޭ މާއްދާއެކެވެ ބައެއް ކަހަލަ އިލެކްޓްރިކް ދިއްލުންތަކުގައި ހޮޅިބުރިއަށް އަޅާ ގޭހުގައި މިބައި ހިމެނެއެވެ
ނިވައްތައިގަތުން
މ ބަނޑުހައިކަމުގެ އުނދަގޫތައް ބޮޑުވެގަތުން
ނިވާ
ނ (1) ހާމައިގެ އިދިކޮޅު (2) ނުފެންނަތަން (3) ހުރަސް (4) ނިވުން މިބަހުގެ އަމުރު (5) ނިވުން މިބަހުގެ ވާކަން
ނިވާފަތްގަނޑު
ނ (1) އެއްޗެއް ނިވާކުރުމަށާއި ރައްކާތެރި ކުރުމަށްޓަކައި ޖަހާނިވާ (2) މަޖާޒު: މީހަކަށް ނުވަތަ ބަޔަކަށް ރައްކާތެރިކަންދޭ މީހާ
ނިވާލި
ނ އުންޑަނާޅައި ބޮޑުބަޑިޖަހާއިރު އުންޑައިގެ ބަދަލުގައި ލާބޮނޑި
ނިވާލިއެޅުން
މ ބޮޑުބަޑިއަށް ނިވާލިވެއްދުން
ނިވެއްތުން
މ ބަނޑުހައިކަމުގެ އުނދަގޫތައް ބޮޑުވުން
ނިމަ
ނ (1) ރަށްރަށުގެ ރައްޔިތުންކުރާ ދަތުރުތަކުގައި ރައިވެރިންނަށް ނުދެވޭތީ އެމީހުން އަތުން ނަގައި އުޅުނު ހަކުރު ނުވަތަ ތަކެތި (2) ދަތުރުވެރިންނަށް ބައެއް ރަށްރަށުން ހަދިޔާއަށް ދީއުޅުނު ތަކެތި މިތަކެތިދީ އުޅުނީ އެރަށްރަށުގެ ފަޅަށް ދަތުރުދޯނި ވަނީމައެވެ
ނިފާސް
ނ ވިހެއުމާވިދިގެން އަންހެނާގެ މާބަނޑުން ނިކުންނަލެއި
ނިދަނި
ނ (1) އެތެރެ ކަލިވަތް ކަލިވަތަށް ހުންނަ ބޯގޮދަޑިއެއް (2) ނިދުން- މިބަހުގެ އަމުރަށް ބޭނުންކުރާގޮތެއް (3) )މަލިކު( ގޮދަޑީގެ ދަށުގައި އަޅާއެތި
ނިދަންމިޔަރު
ނ މިޔަރުގެބާވަތެއް މިއީ ވަރުގަދަ ބޯހަންގަނޑެއް އޮންނަ ބަރުހެލި މިޔަރެކެވެ މިމިޔަރު ނިދައިފައި އޮންނައިރު އޮންނާނީ އެސޮރުގެބޯ ހަރުހަރަށް ވައްދައިގެންނެވެ މިޔަރުގެ ކުލައަކީ މުށިކުލައެވެ އުރަހަތައް ހުންނަނީ އަޅިކުލައެއްގައެވެ
ނިދި
ނ ހަށިގަނޑާއި ސިކުޑިއަށް އަރާމު ލިބިގަތުމުގެ ޠަބަޢީ ޙާލަތެއް މިޙާލަތުގައި ހިއްސުތަކުގެ ތޫނުކަންކެނޑި ސިކުޑީގެ ފުރިހަމަ ސަމާލުކަން ކުޑަވެއެވެ
ނިދިންހޭލުން
މ ހިތާއި ސިކުނޑިއާއި ހަޑިގަނޑަށް ލިބޭ ވަރުބަލިކަން ފިލުވައި އަރާމު ދިނުމަށްޓަކައި ތަބަޢީގޮތުން ހަށިގަނޑަށް އަންނަ ވަގުތީ ބަދަލު އައުމަށްފަހު އިހުހުރި ޙާލަތަށް ރުޖޫޢަވުން