radheef.info
ރަދީފު


ބައި
ނ (1) އެއްޗެއްގެ އެތިކޮޅެއް (2) އެއްޗަކަށް ފުރިހަމަނުވާ މިންވަރު (3) ޖަމާޢަތެއް (4) ޙިއްޞާ (5) އެތައް އެއްޗަކުން ހަމަވާ ފުރިހަމަ އަދަދު މިސާލު: )ހ( އުޅާބައި )ށ( ރިޔާބައި )ނ( ނަނުބައި (6) ކަމެއްގައި މީހަކު އަދާ ކުރާ ދައުރު (7) ނއ ދެބައިކުޅަ އެއްބައި މިބަހުގެ މާނަ ދޭހަވަނީ ފުރިހަމަ އެއްޗަކާ ގުޅުވައިގެންނެވެ މިސާލު: )ހ( ބައިނާޅި )ށ( ބައިހަންދަރު )ނ( ބައިކަނޑި (8) )ސ ( އމ އާދޭ
ދަމުލަވަ
ނ އިހުޒަމާނުގައި އަވަށް އަވަށުން ދަންބަހައިގެން އުޅުނުއިރު އެބައި މީހުން ކިޔައިއުޅުނު ބޮޑުބެރުލަވަ
ދަފަތް
ނ (1) ބައިސްކަލާއި ސައިކަލްފަދަ ތަކެތީގެ ފުރޮޅުގެ ބޭރުގައި ހުންނަ ނިވާފަތްގަނޑު. (2) ދުއްރަ ހަދާއިރު ދުއްރައިގެ އެތެރެއަށް ލައްވާ ތުނިކޮށް ފުޅާކޮށް ހުންނަ ދަގަނޑުފަތި
ދަތުމޫ
ނ ދަތުގެ ހިރުގަނޑުގެ ތެރޭގައި ހަރުލައިފައި ހުންނަބައި
ދަތް
ނ (1) އެއްޗެހި ހެފުމަށާއި ދައިގަތުމަށް ބޭނުންކުރާ ގުނަވަނެއް (2) ނަގިއްޔާއި ލޮތާރީގެ ފައިކަށި (3) ބައެއްކަހަލަ އާލަތްތަކުގައި ތުނޑުތަކެއް ނުވަތަ އިލިތަކެއްގެ ސިފައިގައި ހުންނަބައި މިސާލު: )ހ( ފުނަލުގެ ދަތް )ށ( މަށަންދަތީގެ ދަތް (4) ނީލަގެރިއެތުގެ ހޮނޑުގެ ދެފަރާތުން ފަޅައިފައި ހުންނަ ހުދުކުލައިގެ ހަރު އެއްޗެއް މިހުންނަނީ ކޮޅުތޫނުކޮށް ވައްކޮށެވެ
ދަތްގަނޑު
ނ (1) ޖައްރާފުގައި ފަސްނެގުމަށް ހުންނަ އެތި. (2) ތަންތަން ކޮނުމަށް ކުރޭނުގައި ހުންނަބައި. (3) ފަހާފޮށިން ފަހާއިރު ފޮތިގަނޑު ހިފެހެއްޓުމަށް ބޭނުންކުރާބައި. (4) ބަރަވެއްޔާއި ކަކުންޏާއި ނަގުލަންދާށި ފަދަތަކެތީގައި ހަނޑަހެއްގެ ސިފައިގައި ހުންނަދަތް
ދަލުބޭރުންޖެހުން
މ މަޖާޒު: (1) ތިމާޔާ ނުބައްސާ ކަމެއްގެ ތެރެއަށް ނުވަތަ ވާހަކައެއްގެ އެތެރެއަށް ވަދެގަތުން (2) މަތިންބައިން ޖެހިގެން މީހަކާ ހިތާވުން
ދަގީގު
ނ ދަރަޖައެއްގެ ފަސްދޮޅަސްބައިކުޅައެއްބައި
ދަގުއި
ނ މަޢުދަނީ ތަކެތި ވިރުވީމާ ނެގޭ ނުބައިބައި
ދާންދެން
އ (1) ޒަމާނުގެ ގޮތުންނާއި ތަނުގެ ގޮތުން ކަންވެ ނިމޭ ހިސާބު ބަޔާންކޮށްދޭ އަކުރެއް. މިސާލު: ފަތިސްވެއްޖައުމަށް ދާންދެން. (2) ރައްދުވާ ފަރާތްތައް ބައިވެރިކުރުމަށް ބޭނުންކުރާ އަކުރެއް މިސާލު: މުސްކުޅިންނާއި އަންހެނުންނާއި ކުޑަކުދީންނަށް ދާންދެން ތިބީ އަތިރިމައްޗަށް ނުކުމެއެވެ
ދާބުރި
ނ މަސްހިފަން ބޭނުންކުރާ ދިގުދަލުގެ ބައިތަކުގެ ތެރެއިން ބައެއް
ދާވަނި
ނ (1) ހެދުމުގެ ފުރަގަހުގެ ފަސްބައި (2) ހެދުމުގެ ފުރަގަހުން ހަރުކޮށްފައި އޮންނަ ދިގު ފޮތިގަނޑު (3) ބޮޑެތިމަސްމަސް އޮޑިޔަށް ނަގަން އަޅުވާ ބުޅިގަނޑު
ދާމޫ
ނ ބިލެތުގެ ވައްތައް ފަޅައިފައި ހުންނަ ފަލަބައި
ދާލި
ނ ލަކުޑިގަނޑެއް ނުވަތަ ދަނޑިގަނޑެއް ފަދަ އެއްޗެއް ކޮށާއިރު ނުވަތަ މަށާއިރު އެއިންނެގޭ ބައިބައި
ދިދަބިބީ
ނ ބިބީއާ ވައްތަރުގޮތަށް ހުންނަ ހުދުކުލައިގެ ކުޑަ ފަރުމަހެއް މިމަހުގެ އަރިމަތީގައި އަޅިކުލައިގެ ދެރޮނގު ހުންނާނެއެވެ އަދި މަތީކޮތަރިބައިގެ މެދުގައި ދިގުނަރުވައެއް ހުންނާނެއެވެ
ދިދަކުރި
ނ (1) ފުޅައްއަޅާއިރު މަތީކެހައިގެ މައްޗަށް އުފުލައިފައި ހުންނަ ދަނޑިބުރިތައް (2) ފުޅައްއަޅާއިރު ފުޅަފަށްޖަހާ ދަނޑިން މަތީކެހައިގެ މައްޗަށް ދިގުކޮށް ހުންނަބައި
ދިދަމަސްބިބީ
ނ ބިބީއާއިލާގެ މަހެއް މިމަހުގެ ބުރަކަށިމަތީ ކޮތަރީގައި ދިގުނަރުވައެއް ހުރެއެވެ މީގެކުލައަކީ ހުދުކުލައެވެ މަހުގެ ހުރަހަށް ކަތިކޮށް ވަރަށްފުޅާ ކަޅުކުލައިގެ ދެރޮނގު ހުރެއެވެ މަހުގެ ކަންފަތާއި ނިގޫފަތާއި އަދި މަތީ ކޮތަރިބައިގެ ކުލައަކީ ރީނދޫކުލައެވެ ބަނޑުދަށް ފަރާތުގެ ހަރުކަށިތައް ހުންނަނީ ކަޅުކުލައިގައެވެ
ދިލަވުން
މ ދުންގަނޑުގައި އަލިފާން ގަދަވެގެން ދުންގަނޑު ނުބައިވުން
ދިގުހިރުތުނޑުފޭލި
ނ ފޭލީގެ ވައްތަރެއް މިފޭލީގެ ކޮޅުމަތީގައި ހުންނަ ތުނޑުބައިހުންނާނީ ވަކިގޮތަކަށެވެ
ދިޔަ
ނ (1) އަންހެންދަރިފުޅު (2) މޭވާއާއި ގަސްގަހާގެހީގެ ބާވަތްތައް ފެލައިލީމާ ނުކުންނަ ދިޔާބައި (3) ލައިގެންކާއެއްޗެހީގައި ހުންނަ ދިޔާބައި (4) )މ ( ރިހަ (5) ހަށިގަނޑުގެ ތަންތަން ނުބައިވެގެން ނިކުންނަފެން (6) ބޮޑުވެކުޑަވާ ފެންގަނޑު (7) ކާށީގެ އެތެރޭގައި ހުންނަފެން (8) ދިއުން މިބަހުގެ ނިމިނިމުނުކަން (9) ޙައްޤަކާ ނުލައި މީހެއްގެ ފުރާނަޔަށް ނުވަތަ ގުނަވަނަކަށް ގެއްލުމެއް ދިނުމުގެ ސަބަބުން ޝަރުޢީގޮތުން ދޭންޖެހޭ އަގު
ދިޔަހިންދުން
މ އެއްޗެއް ކައްކާއިރު އޭގައި ހުންނަފެނުގެބައި ހުސްވަންދެން ކެއްކުން