radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ކާވެނިރަން
ނ ކާވެނިވާ ފިރިހެންމީހާ އަންހެން މީހާއަށް ޝަރުޢީގޮތުން ދޭންޖެހޭ އެއްޗެއް މިފައިސާ އިންނާއި ތަކެތީގެ ގޮތުން ދީއުޅެއެވެ މީގެ މިންވަރު ކަނޑައަޅާނީ އަންހެންމީހާއެވެ
ކާވެނިކުރުން
މ އަންހެނަކާ ފިރިހެނަކު ފިރިއަކާ އަންބެއްގެ ގޮތުގައި ދިރިއުޅަމަށް ދީނީ ހަމަތަކުގެ މަތިން އެދެމީހުން ގުޅުވައިދިނުން
ކާވެނިވުން
މ އަންހެނަކާ ފިރިހެނަކު ފިރިއަކާ އަންބެއްގެ ގޮތުގައި ދިރިއުޅަމަށް ދީނީ ހަމަތަކުގެ މަތިން އެދެމީހުން ގުޅުވުން
ކާވެނިމަތީ ތިންގަނޑެތި
ނ ކާވެނީގެ މުނާސަބާގައި ފިރިމީހާ އަނބިމީހާއަށް ދޭ ހެދުން
ކާވެނީގެރޮނގު
ނ ކާވެނީގެ ގޮތުން މިހާރުހުރިގޮތް
ކާމަރަނގަ
ނ މޭވާގެ ބާވަތެއް މިއީ ފަސްއަރިއަށް ހުންނަ ވަރަށް ހުތް މީރު މޭވާއެކެވެ މިމޭވާ ހުރަހަށް ފޮތިޖެހުމުން ހުންނާނީ ފަސްފިޔަމަލެއް ހެންނެވެ މީގެއޮށަކީ ވަށްކޮށް ދިގުކޮށް ހުންނަ ކުޑައޮށެކެވެ
ކާމިނީ
ނ (1) ކާމިނީޕޫލް (2) އަންހެނުނަށް ކިޔާނަމެއް
ކާމިނީޕޫލު
ނ މީރުވަސްދުވާ ހުދުކުލައިގެ ކުޑަމަލެއް މިމައު އަޅާގަސް ހުންނާނީ ކުދިލުނބޯގަސްފާޑަށެވެ މިގަހުގައި ކައްޓެއް ނުހުރެއެވެ
ކާފަރަބުރު
ނ )ސ ( ކުޅީގެ އައްސޭރީގައިހެދޭ ލަންސިމޫގަސް ފާޑުގެ ގަހެއް މީގެފަތް ހުންނާނީ ހަނިދިގުކޮށްނެވެ
ކާފަރު
ނ (1) ޣައިރު ދީނުގެމީހާ ނއ (2) މަޖާޒު: ޝަހުވާނީގޮތުން ލަދުކުޑަ
ކާފަރުކަން
ނއނ (1) މުސްލިމަކަށް ނުވާކަން (2) މަޖާޒު: ޝަހުވާނީގޮތުން ލަދުކުޑަކަން
ކާފޫރުމެޓާ
ނ އެތެރެއަށް ކާފުރު ތޮޅިއޮށެއްކަހަލަ އޮށެއްލާފައި ބޭރުގައި އުންހުންނަ ލާގުޅައެއްވަރުގެ މެޓައެއް މިގެނެސް އުޅުނީ ބަންގާޅުންނެވެ
ކާފޫރުގަސް
ނ މެދުމިނަކަށް ހެދޭ ގަހެއް މިގަހުގެ ގޮފިތަކުގެ ތޮށިގަނޑު ހުންނަނީ އޮމާން ކޮށް ފެހިކުލައެއްގައެވެ ތޮށީގައި ވިދާގޮތްހުރެއެވެ މިގަސް އެންމެ ވައްތަރުވާނީ ދެބުދާރުގަހާއެވެ ފަތްތައް ހުންނާނީ މޫނިމާފަތާ ގާތްގޮތަކަށެވެ މިގަހުގެ ހުރިހާ އެއްޗެއްގައިވެސް ދުވާނީ ކާފޫރުވަހެވެ
ކާލިގަނޑުމިޔަރު
ނ މިޔަރުގެ ބާވަތެއް މި މިޔަރު ބޯ ހުންނަނީ ކާލިގަނޑެއްހެން ދެފަރާތަށް ބައެއް ނުކުމެފައެވެ މީގެ ލޯހުންނަނީ ދެފަރާތަށް ނިކުމެފައި ހުންނަ ބައިގެ ކޮޅުގައެވެ މިބާވަތުގެ ބޮޑެތި މިޔަރަކީ ނުރައްކާތެރި އެއްޗެކެވެ
ކާޑު
ނ (1) ކެއުމަށް ބޭނުންކުރާ މައިގަނޑު ބާވަތްތައް ކަމުގައިވާ ހަނޑޫ ހަކުރު ފުށް. (2) އެކިއެކި ބޭނުމުގައި ރީތިމިނަކަށް ހަދައިގެން ގެންގުޅޭ ބޯކަރުދާސްކޮޅު. މިސާލު: )ހ( އެޑްރެސްކާޑު. )ށ( ޕޯސްޓުކާޑު. )ނ( ދަޢުވަތުކާޑު. )ރ( ހެޔޮއެދުންތަކުގެ ކާޑު. (3) އިލެކްޓްރޯނިކް ބައެއްތަކެތީގެ ޚިދުމަތް ލިބިގަތުމަށްޓަކައި ބޭނުންކުރުމަށް ޕުލާސްޓިކުން ނުވަތަ މަޢުދަނީ އެއްޗަކުން ތުނިކޮށް ފަތިކޮށް ހަދައިފައި ހުންނަ އެއްޗެއް. މިސާލު: )ހ( ފޯނުކާޑު. )ށ( ކުރެޑިޓްކާޑް. )ނ( ތަޅުދަނޑިކާޑު. )ރ( އަވަސްފައިސާ ކާޑު. (4) މުދައު ކޮންޓްރޯލްކޮށްގެން އުޅޭ ތަންތާނގައި އެގެއަކަށްތަކެތި ގެންނަންވީ ޢަދަދު ލިޔެފައިވާ ކަރުދާސްކޮޅު. (5) މުދައު ކޮންޓްރޯލް ކޮށްގެން އުޅޭ ތަންތާނގައި މީހަކަށް ނުވަތަ ބަޔަކަށް ކޮންޓްރޯލް ޤަވާޢިދުން ދޫކޮށްފައިވާ ކާބޯތަކެތީގެ ކޮއްތު. (6) ކޮމްޕިއުޓަރުފަދަ އެއްޗެހީގައި އެކިއެކި ވާޖިބުތައް އަދާކުރުމަށްނަގައި ބަދަލު ކުރެވޭގޮތަށް ޖަހައިފައި ހުންނަ ބޯޑު (7) )ބދ ( ފިރިހެން ހަށި
ކާޑުމަސްބައި
ނ ކާޑުގެޒަމާނުގައި )ދެވަނަބޮޑު ހަނގުރާމައިގެ ދުވަސްވަރު( ރަށްރަށުގެމީހުން ކާޑުގެއަށް އަޅައި އުޅުނު މަސްބައި މިއީ އިހުގައި ކޮންމެ ދޯންޏަކުންވެސް ފަޅުވެރިޔަކާ އެއްވަރަށް ނަގައިއުޅުނު މަސްބައެކެވެ. މި މަސްބައިނަގައި އުޅުނީ ރައްޔިތުގެއިން ކުރަންޖެހޭ ޚަރަދުތައް ކުރުމަށެވެ. މިސާލަކަށް: ރަށުގެރައްޔިތުން ދަރަންޏަށްގެންނަ ކާޑުގެބާވަތްތަކުގެ އަގުހަމަޖެއްސުމާއި މަދަރުސާ މަކްތަބު ފަދަ ތަންތަނަށް ޚަރަދުކުރުމާއި ބަންޑާރަދަތުރުގެ ކޮއްތުދިނުންފަދަ ކަންތައް ކުރުމަށެވެ
ކާޖާ
ނ ގޮދަންފުށުގައި ހަދާ ހެދިކާ އެއްޗެއް. މިހުންނަނީ ގޮދަންފުށްގަނޑު މޮޑެ ރޮށްޓެއްހެން ދަމައި ތުތިމަސްގޮތަށް ކަފައި ތެލުލައިފައެވެ. މިފޮނިކޮންނާއި ލޮނުކޮށް ހަދައެވެ
ކިހިނަކުން
އކ ގޮތް އޮޅުން ފިލުވަން ސުވާލުކުރުމަށް ބޭނުންކުރާ އަކުރެއް މިސާލު: )ހ( ކިހިނަކުންގަތީ )ށ( ކިހިނަކުންދާނީ )ނ( އަންނާނީ ކިހިނަކުން
ކިނބިހިނި
ނ ހިނީގެ ބާވަތެއް މިއީ ވަރަށް ވަސްގަދަ ކަޅުރަތްކުލައިގެ ހިންޏެކެވެ މިހިނި ވަރަށް ކުދިވާނެއެވެ
ކިނދުފާރު
ނ ޅަކުއްޖާގެ ކަންފަތުބުޑާއި އުކުޅުވަޅު ފަދަ ތަންތާނގައި ހެދޭ ފާރު މިފާރު ހެދެނީ ރަނގަޅަށް ކިނދުނުފިލުވުމުގެ ސަބަބުން ކަމަށްބުނެއެވެ