radheef.info
ރަދީފު


ހެން
އ (1) ކަހަލަ (2) ފަދަ (3) އެއްގޮތަށް މިސާލު "ކަލޭ ބައްޕަ އުޅޭހެން އުޅޭ" (4) ވައްތަރަށް
ދޯނިނެގުން
މ (1) އަޅައިފައިހުންނަ ދޯނިފަހަރު އޮންނަތަން ނޫން އެހެން ތަނަކަށް ގެންދިއުން (2) އަރިކޮށްފައި އޮންނަ ދޯންޏެއް ތެދުކުރުން
ދޯރި
ނ (1) ތެލާއި ފެނާއި އަދި އެނޫންވެސް ދިޔާތަކެތި އަނގަ ކުޑައެއްޗިއްސަށް އެޅުމަށްޓަކައި މަތިފުޅާކޮށް ތިރިހިމަކޮށް ހަދައިފައި ހުންނަ އެއްޗެއް (2) ފިތައިގެން އެއްޗިއްސަށް ތެޔޮދުއްވާން ވަށްކޮށްފަތިކޮށް އެއްކޮޅު ހިމަކޮށް އެތެރެއަށް ތެޔޮއެޅޭނޭހެން ހަދައިފައި ހުންނައެތި (3) ކުޑައިގެ ދަނޑީގެ ކޮޅުގައި ޖަހައިފައި ހުންނައެތި (4) ބައެއް އެއްޗެހި އަތުން ފަހައިއުޅޭއިރު އިނގިލިކޮޅަށް ޖަހައިފައި ހުންނަ އެތި (5) ގަލަން ފަދަތަކެތީގެ ތުނޑު ނިވާކުރުމަށް ޖަހައިފައި ހުންނަބައި
ދޯޅު
ނ (1) މުޑިކާށީގެ މުޑީގެ ބޭރުގައްޔާއި ކާށީގެ އެތެރޭގައި ހުންނަ ކާށިތެޔޮ މިހުންނާނީ ގަނޑުވެފައިހުންނަ ކިރުހެންނެވެ (2) ވަގު ކަމާއި ސިހުން ފިލައިގެންވާ ގާތް
ތަށި
ނ (1) ކާބޯތަކެތި އަޅަން މުށިންނާއި މައުދަނީ ތަކެތިން ހަދާކަންވާރެއް (2) އެކިއެކި މުބާރާތުން ވަނަވަނައަށް އައުމުގެ ސަބަބުން ދޭ އެއްޗެއް މިހުންނަނީ ގޮނިކޮށް ތައްޓެއްހެންނެވެ މި އުޅައްލައިފައިވެސް އުޅައްނުލައިވެސް ހުރެއެވެ (3) ފަންޑިތަ ހެދުމުގެ ގޮތުން ލިޔާ ތަށީގައި ފަންޑިތަލިޔެ ގިރައިލާފެންފޮދު
ތަނޑި
ނ (1) އަތުގައި އަޅަން ބޭނުންކުރާ ގަހަނާއެއް މިއީ ހިމަކޮށް ވަށްކޮށް ހުންނައެއްޗެކެވެ (2) ގަހަނާގެ އެކަތި އަނެކައްޗާ ގުޅުވަން ނުވަތަ އޭތި އެހެން އެއްޗަކާ ގުޅުވަން އިތުރުކުރާ ބޮޅެއްހެން ހުންނަ ތަންކޮޅު (3) ގަސްގަހާގެހީގެފަތް ނުވަތަ އޭގައި އަޅާތަކެތި ގަހުގައި ހަރުލުމަށް ހުންނަބައި (4) ނަގިއްޔާއި ލޮތާރީގެ މައިދަގަނޑު (5) ބައިސްކަލުގެ ފިޔަވަޅު ހަރުކުރާތަން
ތަނުއެޅިކުނަލެއްހެން
މަޖާޒު: (1) މީހަކު ބަލިހާލު ބޮޑުވެގެން މާގިނަ ދުވަހު ތަންމަތީގައި އޮވެ ހިކި އަނަރޫފަވުމުން ބުނެއުޅޭ ބަހެއް (2) ގެއަކަށްވަދެ ގަދަކޮށްގެން އަބަދުހެން އެގެއެއްގައި އުޅެން ފެށުމުން ބުނެއުޅޭ ބަހެއް (3) ޖިންސީ ގުޅުން ހިންގާއިރު އަންހެނަކު ހިސާބަށްވުރެ ލޮނު މަޑުވުން ބުނެއުޅޭ ބަހެއް
ތަންމަތިބަނުން
މ (1) ދަތުރަށްދާމީހާގެ ތަންމަތި އޮޅައިލައި އައްސައިލުން (2) މަޖާޒު: އުޅޭ ތަންނޫން އެހެން ތަނަކަށް ދާން ތައްޔާރުވުން
ތަރާފަތް
ނ ތާހެއްހެން މެދަށްއަޑިކޮށް ލޮއިން ހަދައި ދެއުޅައްލައިފައިހުންނަ އެއްޗެއް. މިއީރާކެއްކުމާއި މެޓާހިލުންފަދަ ކަންކަމަށް ގެންގުޅޭ އެއްޗެކެވެ
ތަބުފިއްތިފުޅި
ނ )ބދ ( ރެހެންދި ރަސްގެ މާހަރުގެ މިއީ ދެގެދޭތެރޭގައި އަޅާ ހަރުގެއެކެވެ
ތަޅުދަނޑިބޯޑު
ނ ތަޅުދަނޑި އެލުވުމަށް ލަކުޑިން ނުވަތަ އެފަދައެހެން އެއްޗަކުން ހަދައިފައި ހުންނަފިލާ
ތަކަހޮޅި
ނ ގަނޑުވަރުތެރޭ އަންހެން ބޭފުޅުންގެ ފައިންޕުޅުގައި ތުރުކުރައްވާ ރަނުގެ ގަހަނާއެއް. މި ހަދައިފައި ހުންނަނީ ކުރެހުން އެޅި މޫނުމައްޗެއް ލައިފައި މަލެއްގެ ސިފައަށް ހަދައިފައި ހުންނައެއްޗިހިން ގަތައިފައެވެ
ތަކަރަލާ
ނ ބޭހަށް ބޭނުންކުރާ އެއްޗެއް މިހުންނަނީ ކުދިކުދި ދަނޑިކޮޅުތަކެއްހެންނެވެ
ތައްޔާރުޖާގަޖާގަ
ނ (1) ތައްޔާރުވެގެން އެމީހެއްގެ މަޤާމުގައި އެމީހަކު ހުރުމަށް ގޮވާލާގޮތް (2) ތައްޔާރުވެގެން އެހެންމީހުންނަށް ތަންދީގެން ތިބުމަށް ގޮވާލާގޮތް
ތަމްސީލުކުރުން
މ (1) ތަމްސީލެއް ތައްޔާރުކޮށް އެހެން މީހުންނަށް ފެންނާނެގޮތަށް އިސްޓޭޖެއްގައި ކުޅުން (2) ތިމާގެ ރަށް ނުވަތަ ތިމާއުޅޭ ދާއިރާއެއްގެ ފަރާތުން ބަސްކިޔައި ހެދުމަށް ތަނެއްގައި ނުވަތަ ކަމެއްގައި ބައިވެރިވުން
ތަދުފިލުން
މ އެއްޗަކުން ޖެހިގެން ނުވަތަ ވެއްޓިގެން ނުވަތަ އެހެންގޮތަކުން ނަމަވެސް ހަށިގަނޑުގެ ތަނެއްގައި އަޅާވޭނެއް ކެނޑުން
ތަލަކަޅުބިބީ
ނ ފަރުފަރާއި ފަޅުފަޅުގައި ގިނައިންއުޅޭމަހެއް މިއީ އެހެނިހެން ބިބީތަކަށްވުރެ ބޮޑުވާ މަހެކެވެ މިމަހުގެ އަރިމަތީގެ ކުލައަކީ ހުދުކުލައެވެ މަހުގެ ތަލައިގައި ކަޅުކުލައިގެ ލަފެއް ފާޅުކޮށް ހުންނާނެއެވެ
ތަލި
ނ (1) އަނގައިގެ އެތެރޭގެ މަތީފަރާތާއި ދަށްފަރާތް (2) މަޑޫތަކުގެކޮޅު ޖައްސަން އޮޑިދޯނިފަހަރުގެ މައްޔަލުން ފަށްނަގައިފައި ހުންނަބައި (3) އަންހެނާގެ ރަޙިމް (4) ލަވަހޮޅި ޖަހާއެއްޗެހީގެ ހޮޅިގަނޑުގައި ޖެހެންހުންނަ ކަށިހުންނަބައި
ތަޣައްޔަރުކުރުން
މ (1) ފެންފަދަ އެއްޗެއް އެހެން އެއްޗަކާ އެއްކުރުން (2) އަސްލުގޮތް ކަނޑުވައިލުން (3) އެއްޗިހިތަކެއް އެއްކޮށްގަޑުބަޑު ކުރުން
ތަޣައްޔަރުވުން
މ (1) ފެންފަދަ އެއްޗެއް އެހެން އެއްޗަކާ އެކުވުން (2) އަސްލުގޮތް ކެނޑުން (3) އެއްޗިހިތަކެއް އެކުވެގެން ގަޑުބަޑުވުން (4) ނުބައިވުން
ތާއީދު
ނ އެހެން މީހަކު ބުނާބުނުމަކާ ނުވަތަ ކުރާކަމަކާ އެއްބައިވާ އެއްބައިވުން