radheef.info
ރަދީފު


ޓ
ނ ތާނައިގެ ވިހިވަނަ އަކުރު
ކެސެޓްކުރުން
މ ކެސެޓަށް ރެކޯޑް ކުރުން
ކެޔޮޅުރޮއްވި
ނ ފަރުމަހުގެބާވަތެއް މިއީ ދިގުކޮށްހުންނަމަހެކެވެ މިމަހުގެ މަތީތުންގަނޑަށްވުރެތިރީތުން ދިގުވާނެއެވެ މަހުގެކުލައަކީ ނޫއަޅިކުލައެވެ މިކުލަހުންނަނީ ވައިލެޓުކުލައާއި ގާތްކުރާކަހަލަ ކުލައެއްގައެވެ ކަރުތާފަތުގެ ކުރީބައިގެ ކައިރިފަށް ހުންނަނީ ކަޅުކުލައިގައެވެ
ކެޔޮދަޅި ސަންދޯއް
ނ ކުޑަކުދިން މަރުވީމާ ވަޅުލުމަށްޓަކައި ކެޔޮދަޅިން ހަދާ ސަންދޯއް
ކެޕްޓަން
ނ (1) ކައްޕިތާނު. (2) ކުޅިވަރުޓީމެއްގެ ކުޅުންތެރިންގެ ތެރެއިން އެންމެއިސްކޮށް ހުންނަމީހާ. (3) ސިފައިންގެ މަޤާމެއްގެނަން މިއީ ލެފްޓިނަންޓުގެ މައްޗަށް ހުންނަ މީހެއްގެ މަޤާމެވެ (4) އިސްކޫލެއްގެ އެންމެ އިސްކޮށްހުންނަ ދަރިވަރު
ކެޕްޓަންކަން
ނ (1) ކައްޕިތާނުކަމުގެ ވަޒީފާ (2) ކުޅިވަރުޓީމެއްގެ ކުޅުންތެރިންގެ ތެރެއިން އެންމެއިސް ކުޅުންތެރިޔާގެ މަޤާމު (3) ސިފައިންގެ އިސް މަޤާމެއްގެނަން (4) އިސްކޫލެއްގެ އެންމެ އިސްކޮށްހުންނަ ދަރިވަރުގެ މަޤާމް
ކޭން
ނ (1) ވަކި ގޮތަކަށް އަތުރައި ތައްޔާރުކޮށް ބޮޑު މަލާފަތަކަށް އަޅައިފައި ހުންނަ ކެއުމެއް މީގެ ކިތަންމެ ބާވަތެއް ހުރެއެވެ (2) އެތައްބަޔަކު ކެއުމަށްޓަކައި ވަކިގޮތަކަށް އަތުރައި ތައްޔާރުކޮށްފައި ހުންނަ ކެއުމެއް
ކޭންއެޅުން
މ (1) " ކޭން" ތައްޔާރުކުރުން (2) )ޏ ސ( ކޭންއަޅާތައްޓަށް ބަތްއަޅައި މަތިއެއްވަރުކޮށް އޮމާންކުރުން
ކޭންޕު
ނ (1) ސިފައިންނަށް ތަމްރީންދިނުމަށް ބައިތިއްބާ ތަން (2) ވަގުތީ މަސައްކަތަށް ނުވަތަ ފަރުވާއަށް މީހުން އެއްތަނަކަށް އެއްކޮށްގެން އެމަސައްކަތް ހިންގާތަން (3) ދިރިއުޅުމަށް ނުވަތަ މަޑުކުރުމަށްޓަކައި ވަގުތީގޮތުން ހަދައިފައި ވާތަން
ކޭކު
ނ ފުށާއި ހަކުރާއި ބަޓަރާއި ބިހާއި އެއްކޮށްގެން ފުފޭގޮތަށް ފިހާ ފޮނިކާއެއްޗެއް މި އެކިވަރުވަރަށް އެކި ސިފަސިފައަށް ހަދައެވެ
ކޭޓޫ
(1) އާގުބޯޓު ފަހަރުގައި ބައްތެލިނަގާން ކޮޅުލަނބާލައިފައި ހުންނަދަގަނޑު އަދިމިނޫނަސް މިގޮތަށްހުންނަ އެއްޗިއްސަށް މިހެންކިޔައެވެ (2) ނައުފަހަރުގެ ފަނާމަތީގައި ދެފަރާތު ދެކަންކަށި މައްޗަށް ނެރެފައި އޮންނަ ގުޑުގުޑަ
ކޮށިގަނޑު
ނ (1) އެކިއެކި ބޭނުމަށްޓަކައި ކޮށި އެޅުމަށް އެކިގޮތްގޮތަށް ގަތާފައި ހުންނަ ބިތްތައް. (2) އިހުގައި ކުކުޅު ހިފާން ބަނދެފައި ހުންނަ ކޮށި. (3) ރޮދުލާ މަސް ވެއްދުމަށް ކޮށިއަޅާން ގެންގުޅޭ އޮޅައިލެވޭނޭހެން ގަތައިފައި އޮންނަ ބިތް. (4) އެން ދިރުވައިފައި ބަހައްޓާން އޮނުން ބަނދެފައި ހުންނަ ކޮށި. (5) ފައިސާ ބަލައިގަތުމަށާއި މުދާ ދޫކުރުމަށާއި މަޢުލޫމާތު ދިނުމަށާއި މީހުން ބަލައިގަތުމަށް ހޮޓާހޮޓަލާއި ފިހާރަފިހާރައިގައި ހުންނަ ތަން
ކޮށީ ފާތިހާ
ނ އިހުގައި ކުޅި ހުއްޓާ ރޭރެޔާއި ޢީދު ދުވަހަށް ކޮށިކޮށީގެ އެދުރު ގޭގޭގައި ކައްކައިގެން ކިޔަވައި އުޅުނު ފާތިހާ
ކޮށީ ޖިންނި
ނ ކުޅިޖަހާ ކޮށިކޮއްޓާ ގުޅިފައި ތިބޭކަމަށް ހީކުރާ ޚާއްޞަ ޖިންނި
ކޮނޑު
ނ (1) ކޮނޑުހުޅުންފެށިގެން ކަނދުރާއާ ދެމެދު (2) ލިބާހުގެ އަތާއި ބަދަނާއި ގުޅުނުތަން (3) ބޯވަޅުއެޅި ލިބާހުގެ ކޮނޑުމައްޗަށް ވާހިސާބުން ކަފައިލައިފައި އޮންނަތަން (4) ގުޑިއާއި ތެލަނގަފަދަ އެއްލާ ތަކެތީގެ ލަނބާދުނީގައި ބޮލު ރޮދީން ބޭރަށް އޮންނަ ތަން (5) ބައެއް މަހާނަގަލުގެ ދެފަރާތުން ކަނޑައިފައި ހުންނަ ކައްވާދު (6) ފިރިހެން މަހާނަގަލުގެ ބޮލުގެ ދެފަރާތުގައި އޮންނަ ވަނާގެ މަތި (7) ހެދުން އަޅުވަން ބައިމަތީގެ ބައްޓަމަށް ހަދައިފައި ހުންނަ އެއްޗެއް
ކޮނޑުން
މ )ބދ ( (1) ވޭވޭ ހުންނަ ބައެއްކަންތައް ނުވަތަ ހިނގަހިނގައި ހުންނަ ބައެއް ކަންތައް ހުއްޓުން (2) ލިބިލިބި ހުރި އެއްޗެއް ހުއްޓުން
ކޮނޑުކެނޑި މަހާނަގައު
ނ ދެކޮނޑުމަތީގައި ކުރިބޯއްޓެއްހެން ދެވަނާލައިފައި ހުންނަ މަހާނަގައު މިބާވަތުގެ ގައު ޖަހަނީ ހެވިންގެ މަހާނާގައެވެ
ކޮންމެ
ނއ (1) ގިނަ އެއްޗެހިތަކެއްގެ ހުރިހައި ތަކެތި ވަކިވަކިން ބުނެދިނުމަށްޓަކައި ބޭނުންކުރާ ބަހެއް މިސާލު: ކޮންމެ ފޮތެއްގައި ނަންބަރުޖަހާށެވެ (2) ގިނަ ބައެއްގެ ތެރެއިން ހުރިހައި މީހުން ވަކިވަކިން ބުނެދިނުމަށްޓަކައި ބޭނުންކުރާބަހެއް މިސާލު: ކޮންމެ ކުއްޖަކީ ފަތަން ދަންނަ ކުއްޖަކަށް ވާންވާނެއެވެ
ކޮންފަރެންސް
ނ ކަމަކާބެހޭގޮތުން މަޝްވަރާކުރުމަށްޓަކައި ބާއްވާ ބޮޑެތި ޖަލްސާ
ކޮންގްރެސް
ނ (1) މަޖްލިސް (2) ސިޔާސީ މަޖްލިސް (3) ސަފީރުންގެ މަޖްލިސް (4) ބައިނަލް އަޤުވާމީ ކަންތައް ހަމަޖެއްސުމަށް ނަގާ މަޖްލިސް (5) އެމެރިކާގެ ރައްޔިތުންގެ މަޖްލިސްގެ ދެގެ ސެނެޓާއި ހައުސް އޮފް ރެޕްރެޒެންޓެޓިވްސް އެކުގައި ހިމެނޭގޮތަށް ކިޔާނަމެއް
ކޮންސެލްކަން
ނ (1) ދަށުދަރަޖައިގެ ސަފީރުކަން. (2) އެއްދައުލަތަކުން އަނެއް ދައުލަތަކަށް ފޮނުވައިފައި ހުންނަ އެފޮނުވި ދަޢުލަތުގެ ރައްޔިތުންގެ ވިޔަފާރިއާއި އެހެނިހެން ކަންތައް ބަލަހައްޓާ ވަކީލުކަން