radheef.info
ރަދީފު


ތެ
އ )ސ ( (1) ތިޔަ (2) )މ ( ސުވާލުގެ އަކުރެއް ތަ
ބާބު
ނ (1) ފޮތެއްގައި ހިމެނޭ އެއްމައިގަނޑު ނަމެއްގެ ދަށުގައި ލިޔެފައިވާ ލިޔުން ބައިބަޔަށް ބަހައިފައިވާ ބައިތަކުން ބައެއް (2) މަޖާޒު: މީހެއްގެ ހަޔާތުން ޒަމާނެއް (3) ގައުމެއްގެ ތާރީޚުގެ ވަކި ދުވަސްވަރެއް
ބާކޮޅު
ނ (1) އެއްޗެއް ފިނދިގެން ހާއަޅާތަން (2) ބިތެއްފަދަ ތަނެއްގައި އެޅިފައި ހުންނަ ކުދިލޯވަޅު
ބާއަޑު
ނ (1) އެތެރޭގައި ހޮއިހެދިފައި ހުރިކަން ދޭހަކޮށްދޭ އަޑު (2) މަޖާޒު: އެތައްފަހަރަކު އިވިފައިވާ ވާހަކަ
ބާފޮތިފާނަ
ނ ފާނައިގެ ބާވަތެއް މިމަހުގެ ނިގޫފަތުގެ ކޮޅުހުންނަނީ ވަށްކޮށެވެ މަހުގެ ކުލައަކީ އަޅިމުށި ކުލައެވެ ބުރިކަށިމަތީގައި ހުދުކުލައިގެ ލައްތަކެއް ހުރެއެވެ މިމަސްމަރުވުމުން މުޅިމަސް ގަދައަޅި ކުލައަށް ބަދަލުވެ ހަސްނެތިބާވެފައިވާ ފޮތިގަނޑެއްގެ ކުލައަށް ބަދަލުވެދެއެވެ
ބާދިރީ
ނ ގޮވާމުގެ ބާވަތެއް މިއީ އޮނުފަތްހެއް ހިމަދިކޮށް ފަތްހުންނަ ގަހެއްގައި ނިކުންނަ ދިގުކުރާ ގަނޑެއްގައި އަޅާ އޮށްޓަރެކެވެ މީގެ ކުލައަކީ ގަދަމުށިކުލައެވެ މިގަސްހެދެނީ ގާތްގަނޑަކަށް 4 ފޫޓު 5 ފޫޓަށެވެ މިއީ ކުދިބަތް ހުންނަ ފާޑަށްއެއަށްވުރެ ބޮޑެތިކޮށް ހުންނަ ގޮވާމެކެވެ
ބާތުންމަސް
ނ ހަނދީގެ ބާވަތެއް މިއީ ހަލުވިމަހާ ވައްތަރު މަހެކެވެ މިމަހުގެ މަތީބައިގެ ކުލައަކީ ފެހިކުލައަކަށްދާ މުށިކުލައެކެވެ ބަނޑުދޮށް ފަރާތާއި އަރިމަތި ހުންނަނީ ރިހި ހުދުކުލައިގައެވެ ކަރުތާފަތްގަނޑުގެ މަތީބައިގެ ކޮޅުގައި ކަޅުކުލައިގެ ކުޑަލަފެއް ހުރެއެވެ
ބާގަޔަކުމީހުން
ނ (1) ޖަމާޢަތެއްގެ މީހުން (2) އެއްބަސް ވެގެން އުޅޭ ނުވަތަ އެއްކަމެއް ކުރުމަށް ގަސްދުގައި އުޅޭ ބައެއް
ބާސަލަ
ނ (1) އެތެރެ ގިރިގެން ހެދިފައި އޮންނަ ބޮޑު ބާގަނޑު (2) )ސ( ތަނަވަސް ކަނޑުއޮޅި
ބާޑީ
ނ (1) ބަޑީގެ އުންޑައިން ރަށް ދިފާޢު ކުރުމަށް އަތިރިމަތީގައި ޖަހައިފައި ހުންނަ އުސް ފަސްގަނޑު (2) ބަޑީގެ ޙަމަލާތަކުން ދިފާޢުވުމަށްޓަކައި ވެލި ބަސްތާތަކުން ޖަހާ ހުރަސް (3) ރަށްރަށުގެ ގިރާ ދިމަދިމާގައި ގިރައިގެން ދިޔަ ނުދިނުމަށް ޖަހާހުރަސް (4) ފަޅުތެރެއިން ބިން ހިއްކުމަށް ދޫކުރާ ހިސާބު
ބާޑީ އެދުރު
ނ ޖަމާޢަތްތެރިންގެ ވެރިމީހާ
ބާޑީ ދުނބުރި
ނ ބާޑީ ޖެހުމަށް ބޭނުންކުރާ ދުނބުރި. މިކަމަށް ބޭނުންކުރަނީ ފަލަ ބޮޑެތި ދުނބުރިއެވެ. މިއީ އިހުގައި ދުޝްމިނުންގެ ނުރައްކަލުން ސަލާމަތްކުރުމަށް ބުރުޒުތަކުގެ ފާރުނިވައި ކުރުމަށް ކޮށްއުޅުނު ކަމެކެވެ އަދި ރާޅު އަރާ ދުވަސްވަރުވަރަށް މާލޭގަޔާއި ރާއްޖެތެރޭގައިވެސް ބާޑީ ޖެހުމަށް މިގޮތަށް ދުނބުރި ބޭނުންކޮށް އުޅުނެވެ
ބާޑީމަގު
ނ ރަށްވަށާ ހިނގޭނޭހެން ރަށުގެ ހޭޅިޔާ ރުއްކަރަޔާ ދޭތެރޭ އޮންނަ މަގު
ބާޑީފަން
ނ ފުނަވާރުގެ ތެރެއިން ހިމެނޭ ބިތްފަނެއް
ބާޒީ
ނ (1) މަސައްކަތެއް ކުޅައުމުގައި ނުވަތަ ކުޅިވަރެއް ކުޅުމުގައި ކިޔާ ވާދަ (2) ވާދަކުރާ ކަންތަކުގައި ލިބޭ މޮޅު
ބާޒު
ނ ދޫނީގެ ބާވަތެއް މިއީ ފައިން ވަކިހިއްޕައި ނޮޅައި ކައިއުޅޭ ދޫންޏެކެވެ މިދޫނި ބޮޑުވަނީ ގާތްގަނޑަކަށް މީޓަރެކަށެވެ މީގެ ސިފައަކީ މިދަރިކޮޅުގައި ހިމެނޭ "އެހެނޑަ" އާއި "ސުރުމުތި" ވެސް ތިބޭ ސިފައެވެ މިވައްތަރުގެ ހުރިހާ ދޫނިވެސް އުދުހޭނީ ހޯރައަޅައިގެނެވެ
ބިހުރަ
ނ ނައިކަލީ ދަމާފޮތިގަނޑާއި ކީމަކޮޅުފަދަ ތަކެތީގެ ދެހިރު ދޭތެރޭ ހުންނަ ކުރެހުން
ބިންހެލުން
މ (1) ބިމަށް ލޮޅުން އެރުން (2) ރަށްގުޑުން (3) ޒަލްޒަލާ މިއީ ބިމުގެ ވަރަށް އަޑީގައި ހިނގާ ހަމަނުޖެހުމެއްގެ ސަބަބުން ބިމުގެ ތޮށިގަނޑު ތެރޭގައި އުފެދޭ ފިއްތުމުގެ ރާޅު ބާންޏަކުން އުފެދޭ ލޮޅުމެކެވެ ބޮޑެތި ބިންހެލުންތައް އަންނަނީ ބިމުއަޑީގައިވާ ހިލަތަކުގެ ފަށަލަތަކުގައި ހުންނަ ދެރަކަމެއްގެ ސަބަބުން އެފަށަލަތައް ހަލާކުވުމުގެ ސަބަބުންނެވެ ކުދިކުދި ބިންހެލުންތައް ކަނޑުގެ ރާޅުތަކާއި ޖައްވީ ފިއްތުންތަކުގެ ސަބަބުން އަތުވެދާނެއެވެ ބިންހެލުމުގެ ބާރުމިން މިނަނީ ރެކްޓަރ މިންގަޑުންނެވެ މިއީ 1 ން 9 ށް ދަރަޖަބަހައިފައިވާ މިންގަޑެކެވެ އިންސާނުންނަށް ބިންހެލުމެއް އިޙުސާސްވާނީ މި މިންގަޑުން އެންމެ ކުޑަވެގެން 5 1 އާ ހަމަވުމުންނެވެ
ބިންބި
ނ ގޮވާމުގެ ބާވަތެއް މިއީ އިނގިލިތަކެއްހެން ހުންނަ ކުރާގަނޑެއްގައި ގަންނަ ފުއްކުދި ގޮވާމެކެވެ މިގޮވާމުގެ ބޭރުގައި ހިލަތޮށްޓެއް ހުންނާނެއެވެ މިހަރުވީމާ ހުންނާނީ ގަދަރަތްކުލައިގައި ނުވަތަ މުށި ކުލައިގައެވެ ނުވަތަ ކަޅު ރަތްކުލައިގައެވެ މިގޮވާމުގެ ފުއްތައް ހުންނަނީ ވަށްކޮށެވެ
ބިންބިމާވަހަރު
ނ މާވަހަރުގެ ބާވަތެއް މިހުންނާނީ ނީކުނޑިކުލައިގައެވެ
ބިންބުޅަލަށްޖެހުން
މ ބަށިކުޅޭއިރު ފޯލިޖަހާ ގޮތެއް މިޖަހަނީ ކޮނޑުމަތިން ނެއްޓުނީއްސުރެން ތިރިއަށް ދާނޭހެންނެވެ