radheef.info
ރަދީފު


ދުން
ނ (1) ބައެއް އެއްޗެހި އަނދާއިރު ހުޅުގަނޑުގެ މަތިން ވައިގެ ތެރެއަށް އަރައިގެންދާ ގަދައަޅިކުލައިގެ ނުވަތަ ކަޅުކުލައިގެ ގޭސް (2) ދުން އެޅުމަށްޓަކައި ތައްޔާރުކޮށްފައި ހުންނަ މީރުވަސް ދުވާތަކެތި (3) )ބދ ( ބުޅާ
ދަހިކުރުން
މ (1) ފިލިޖަހައިގެން މަސްގަނޑު ދަހިވާނެގޮތް ހެދުން (2) ކަމަކަށް ނުވަތަ އެއްޗަކަށް އެދުންވެރި ކުރުވުން
ދަހިކޮށްލުން
މ (1) ފިލިޖައިހައިގެން މަސްގަނޑު ދަހިވާނެގޮތް ހެދުން (2) މީރުކާއެއްޗަކުން އެތިކޮޅެއްދީފައި އަނެއްބައި ނުދީ ހިފެހެއްޓުން (3) ކަމަކަށް ނުވަތަ އެއްޗަކަށް އެދުންވެރި ކުރުވުން (4) ހިތްޖައްސައިލުން
ދަހިވުން
މ (1) މުދަލާއިފައިސާގެ އެދުން ބޮޑުވުން (2) ދަކުވުން (3) މުށްބާރުވުން (4) މާބޮޑަށް ކަމަކަށް ނުވަތަ އެއްޗަކަށް ބޭނުންވުން (5) ހިތްކިޔުން
ދަހިފިހުނުންހެދުން
މ )ޅ ( މަޖާޒު: ދަހިފޫޅު ހެދުން
ދަހިފިޔޮއްހެދުން
މަޖާޒު: )ޅ ( ދަހިފޫޅު ހެދުން
ދަށުވުން
މ (1) އެއްޗެއްގެ ދަށުގައިވުން މަޖާޒު: (2) ތިމާގެ އިޚްތިޔާރެއް ނޯންނަގޮތަށް އަނެކެއްގެ ބާރުގެ ދަށުގައިވުން (3) ކަމެއްގައި ބެދުން (4) އަޅުވެތިވުން (5) މީހެއްގެ ތައްޕާހުގައިވުން
ދަށުލުން
މ (1) އެއްޗެއްގެ ދަށަށް ވެއްދުން މަޖާޒު: (2) ތިމާގެ އިޚްތިޔާރެއް ނޯންނަގޮތަށް އަނެކެއްގެ ބާރުގެ ދަށަށްލުން (3) ކަމެއްގައި ބެއްދުން (4) އަޅުވެތި ކުރުން (5) މީހެއްގެ ތައްޕާހުގެ ދަށަށް ގެނައުން (6) ވަތަކުތޯ ޖެހުން
ދަނޑިބެރު
ނ (1) ވާތުން ބެރުގެ އެއްކޮޅުގައި ޖަހަމުން ކަނާތުގައި އޮންނަ ދަނޑިގަނޑަކުން ބެރުގެ އަނެއްކޮޅުގައި ޖަހަމުންގެންދާ ބެރެއް (2) ބެރުދުންމާރި ތާޅަފިލިފުމޭއިރު ޖަހާބެރު
ދަނޑުއެންދުން
މ ދަނޑުކޮށައިގަސްތައް ހިކުނީމާ އެތަކެތި އެންދުން
ދަނޑުގޮވާންކުރުން
މ ދަނޑުހެއްދުން
ދަނޑޮހެދޮވުން
މ )ޏ ( ދަނޑުހެއްދުން
ދަންބެރުބޭލުން
މ ދަންބެރު ޖަހާންވާވަގުތު ދަންބެރު ނުޖެހިއްޖެނަމަ ދަންބެރު ޖަހާން އޮންނަ ބެރާއި ދަނޑިގަނޑު ނާބުސްޚާނުން ބާލައިގެން ދެގެދޭތެރެއަށް ގެންދިއުން މިހެންހަދަނީ ދަންބެރުޖަހާ މީހާ ޖޫރިމަނާ ކުރުމަށެވެ ދަންބެރު ބާލައިފިނަމަ ބެރުލިބޭނީ ބޮޑުބޭކަލަކު މެދުވެރިކޮށް ރަދުންނަށް އަށްލާރިން ވެދުން ކޮށްގެންނެވެ
ދަންބޮޑު
ނ ވިދުންހުރި މަޑުރަތްކުލައިގެ މަހެއް މިމަހުގެކޮތަރިތަކާއި ނިގޫ ފަތްހުންނާނީ ރަތްކުލައިގައެވެ ނިގޫފަތުގެ މަތީކައިރިއާއި ތިރީ ކައިރި ހުދުވާނެއެވެ މިއީ ރޭގަނޑުގެ ކެޔޮޅުކަމުގައި ބޭނޭމަހެކެވެ
ދަންމާނުޖެހުން
މ ދަންމާނު ފޫޅުގަނޑުގައި ދަންމާނު ބެއްދުން
ދަންތުރައިގައިޖެހުން
މ މަޖާޒު: (1) މަޅިއެއްގައި ބެދުން (2) ކެއްސެއް ލިބުން
ދަންޖާލުގައިޖެހުން
މ މަޖާޒު: (1) ކަމެއްގައި ދަތިވުން (2) ކަމެއްގައި ތާށިވުން (3) އަނެކެއްގެ ރޭވުމެއްގައި ބެދުން
ދަންޖެހުން
މ (1) މަރުވުމުގެ ނިޔަތުގައި ކަރުގައި މަޅިއެއްބައްދައި އެމަޅިއަށް ބާރުވާގޮތަށް އެލިގަތުން (2) މަޖާޒު: ކަމަކާމާބޮޑަށް އެދުންވެރިވެގެން އުޅުން
ދަރަހަނާ
ނ ރަށެއްފަދަތަނެއް އަންދައި އަޅިޔަށް ހަދާހެދުން
ދަރިވިއްކައިކެއުން
މ މަޖާޒު: އަންހެން ދަރިފުޅު މީހުންނާ ރައްޓެހިކުރުވައިގެން އެއްޗެހި ހޯދުން
)ދިވެހިރާއްޖޭގެ ފުރަތަމަ އިސްލާމް ރަސްގެފާނު( ދަރުމަވަންތަ ރަސްގެފާނު
ނ އައްސުލްޠާނު މުޙައްމަދު ބުނި ޢަބްދުﷲ ސިރީބަވަނާ ދީއްތަ މަހާރަދުން