radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
އޮޓޯސައިކަލް
ނ (1) އިށީނުމަށް އެއްސީޓް ހުންނަ މޮޓޯސައިކަލްގެ ކުދިބާވަތެއް. (2) އިންޖީނުންނާއި ފައިން އަނބުރައިގެންނާއި ދެގޮތަށް ދުއްވެން ހުންނަ ބައިސިކަލް
ވަށިވަށީންދިނުން
މ (1) އެންއުކާއިރު ދޭތެރެ އަވަސްކުރުމާއި ގިނަކުރުމަށް ގިނައެން ވަށިވަށީން ނަގަނަގައިފައި އުކުން (2) މަޖާޒު: ކަމަކާ ހިތާނުވެގެން މީހަކާ ދިމާއަށް މާގިނައިން އެއްޗެތި ގޮވުން
ވަންދުއްވުން
މ ހަނދޫ ކަނޑާވަން ބިންމަތީގައި އަރިއަށް ބާއްވައި އޭގެ މައްޗަށް އަރައިގެން ދެފައިން ފުރޮޅަމުން ގެންދިއުން
ވަންގަނޑުފުރޭތަ
ނ ކަނޑުން އަރާކަމަށް ބުނެއުޅޭ އިފުރީތެއް މިއީ ހަނޑޫކަނޑާ ވަނެއްގެ ސިފައިގައި ހުރެގެން އެއްފައިން ހިނގާ އެއްޗެއްކަމަށް ބުނެއެވެ
ވަޅިންޖެހުން
މ (1) ވަޅި އެއްލައިޖެހުން (2) ވަޖިދުވާއިރު ވަޅިއެއްފަދަ އެއްޗަކުން ހަރައި ގައިން ލޭނެރުން މިކަމުގައި ގިނައިން ވަޅިހަރާ އުޅެނީ ބޮލަށެވެ
)މުސްކުޅިބަހެއް( ކޮންމެއެއްޗެއްވެސް ރަނގަޅުވުމަކީ އެއެއްޗަކުން ހިފެންވާ ބޭނުން ރަނގަޅަށް ހިފުމެވެ. ވަޅިން ހިފަންވާ ބޭނުން ރަނގަޅަށް ހިފޭނީ އޭގައި ތޫނުކަން ހުރިއްޔާއެވެ. ހަމަ އެފަދައިން އަނބިމީހާވެސް ރަނގަޅު އަނތްބަކަށްވާނީ އުޅުންހުރި ގޮތްހުރި ހެޔޮމީހަކަށް ވިއްޔާއެވެ މިބަސް އާންމުކޮށް ބޭނުންކޮށް އުޅެނީ އަނބިންނާ ބެހޭގޮތުންނެވެ ވަޅިރީތީ ތޫނިއްޔާއެވެ އަނބިރީތީ ހެވިއްޔާއެވެ
ވަޅިއެޅުން
މ (1) ވަޅިން ކަފައިލުން (2) ނުރުހުމާއިއެކު އިންސާނެއްގެ ނުވަތަ ޙައިވާނެއްގެ ގައިގެ ތަނެއް ވަޅިއަކުން ނުވަތަ ފިޔޮއްސަކުން ކަފައިލުން (3) އުނަގަނޑުގައި ވަޅި އެލުވައިގެން އުޅުން
ވަޅުބެހެއްޓުން
މ (1) ގަލުން ކީހާކޮށައިގެން ވަޅެއް ހަދައި ފެންގަނޑުގެ ތެރެއަށް ފެއްތުން (2) ފިލައިން ނުވަތަ ޓިނުފަދަ އެއްޗަކުން ފީފާއެއްގެ ސިފައިގައި ހަދައި ފެންގަނޑުގެ ތެރެއަށް ފެއްތުން (3) ކުދިގަލުން ސިމެންތި އެއްކޮށްގެން ނުވަތަ އުވަޔާއި ސިމެންތިޔާ މިދެބައި އެއްކޮށްގެން ތާނގީ ބުރިއެއްގެ ސިފައިގައި ރާނައި ދެފަރާތުގައި އުވަ ނުވަތަ ސިމެންތިއާއި އުވަ އެއްކޮށްގެން ޖަހައި ފެންގަނޑުގެ ތެރެއަށް ފެއްތުން
ވަޅުބޭނުން
ނ (1) ކެޔޮފަދަ ތަކެތި ދޮންކުރުމަށް ވަކިގޮތަކަށް ވަޅުލުން. (2) ރާނައިފައި ހުރި ވަޅުބުރިއެއް ހުރިތަނުން ފެށިގެން ވަޅުބަހައްޓަން ކޮނެފައިވާ ވަޅާ ދޭތެރޭ ކަޗޯރުކޮށް ކޮނެފައި ވާ ލައްވައިގެން ގެންގޮސް ބަހައްޓަން ބޭނުންވާ ވަޅަށް ފެއްތުން. (3) ގަސްރުއް ހުރި ތަނުން ފެށިގެން އިންދަން ބޭނުންވާ ވަޅާ ހަމަޔަށް ކަޗޯރުކޮށް ކޮނެފައި ވާޖަހައިގެން ގެންގޮސް އިންދަން ބޭނުންވާ ވަޅަށް ބޭލުން
ވަޅުވެން
ނ އޮޅުވެން ފާޑަށް ތިބޭ ވެނެއް މިގިނައިން އުޅެނީ ކޯރު ކޯރާއި ކުޅި ކުޅީގައެވެ މިތިބޭނީ ބިމުގައި ވަޅުޖަހައިގެންނެވެ
ވަޅުދޮށަށްހިންގުން
މ ބައްޔެއްގެ ސަބަބުން މާގިނައިން ކުޑަކަމު ދާންޖެހުން
ވަޅުގަނޑަކަށްވެއްޓުން
މަޖާޒު: މީހަކު ނުރައްކާތެރިކަމަކަށް ހުރަހެޅުން މިހެންބުނެއުޅެނީ އެމީހަކަށް އިންޒާރުކުރުމުގައި ދޭ މިސާލެއްގެ ގޮތުންނެވެ
ވަޅޮމުތް
ނ )ޏ ( ވިހައިގެ ބޭހުގެ ތެރޭގައި ގާނަން ގެންގުޅޭ މުތްތަކުގެ ތެރެއިން މުތެއް
ވަކަނަނު
ނ ވަކައިން އަޅާނަނު
ވަކަރުގަނޑު
ނ ނިރޮޅުގެ ފަޅިވަރެއް ނުވަތަ އެއިން ބައެއް
ވަކަރުގެ
ނ އިހަށް ކުޑަލާމިގަސްދޮށު އަތިރިމަތީގައި ފަހުން މާރުކޭޓާ ދިމާއިން ދެކުނުގައި ކުރީގެ އަތިރިމަތީގައި ސަރުކާރުގެ ވަކަރު ރައްކާ ކުރާން އަޅައިފައި ހުރި ގެއެއް މިގޭގައި ސަލާންޖަހާ ކުދީން ނިދާއުޅުނެވެ އޭގެފަހުން ބަނޑޭރިގެއާ ދިމާއިން އަތިރިމަތީ ފާރު ކައިރީގައި އޭރު އެތާހުރި ހެލެބެނލިގަސްދޮށު ދޮރޯށީގެ ހުޅަނގުން ސަލާންދޭ ކުދީން ނިދާ އުޅޭން ދައުލަތުން އަޅުއްވައިފައިހުރި ގެއަކަށްވެސް ކިޔައިއުޅުނީ ވަކަރުގެއެވެ
ވަކަރުޖެހުން
މ (1) ރުއްކަނޑާންވެގެން ވަކަރުލާތޯބަލާން ފުރޮއިން ހޮނދުޖަހައިލުން (2) މަޖާޒު: މީހާގައިހުރި ހަރުދަނާކަމެއް ބަލައިލުން
ވަކި
ނ (1) ގޮވާމުގެ އޮއްޓަރު (2) ބައެއްގަސްގަހުގައި އަޅާ ކުދި ތަކެތި (3) މިނިކާ ނުވަތަ އަތްފައިން ޝިކާރަކުރާ ޖަނަވާރުގެ ނިޔަފަތި (4) އޮށްވަޅު ކުޅޭއިރު ހިލާވަޅުގެ ކުރީވަޅުގައި އޮންނަފުށް (5) ގުޅުން ކެނޑިގެން ނުވަތަ މެދުކެނޑިގެންވާ ދުރު (6) އެއްޗެހިތަކެއްގެ ތެރެއިން ކޮންމެވެސް އެއްޗެއް އެހެނިހެން އެއްޗިއްސާ ކުރެވޭ ތަފާތު (7) އެކަހެރި (8) )މކ( މިޔަރުގެ ފީކަރުގައި ބައްދާން ގެންގުޅޭ ރޯނުންހަދައިފައި އޮންނަމަޅި
ވަކިހިލޭވުން
މ އެކުގައި ދިރިއުޅެމުންއައި ބައެއްގެ ތެރޭން މީހަކު ވަކިން ދިރިއުޅެން ފެށުން މިބަސް ގިނައިން ބުނެއުޅެނީ އަންހެނުންނާ މެދުގައެވެ
ވަކިން
ކއ )ވަކީން( (1) ތަފާތުކޮށް. (2) ނިސްބަތްކޮށް ބަލާއިރު. (3) އެކަހެރިކޮށް. މިސާލު: އޭނާއަށް ވަކިން ހެޔޮކޮށް ހިތާށެވެ. އޭނާއަށްވުރެ އަހަރެން ވަކިދެރަހޭ ؟ އޭނާ ވަކިން ބައިންދާށެވެ