radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
ފަނިޔާރަން
ނ ހަނޑޫ ނުވަތަ ގޮދަން ފުށުގައި ހުނި ހަކުރު ފަތަފޮޅިއާއި ވައްތަރުގޮތަކަށް ތުން އަނބުރައިފައި ހަދާ އެއްޗެއް މީގެ ތެރެއަށް އަޅައިފައި ހުންނާނީ ތާޑުކިޔާ ފޮނިއެއްޗެކެވެ
ފަންވަރުލުން
މ ވަޅި ފުރޯފަދަ އެއްޗެހި ފެނުޖަހައިގެން މިޔައަށް ހަރުކަން ގެނައުން
ފަންވަތް
މ (1) ފަނުގެ އޮށީގެ ދެފަރާތުގައި އިލޮށްޓާއި ގުޅިގެން ދެއަރިއަށް ވާގޮތަށް ހަނިދިގުކޮށް ކުރީކޮޅަށް ހަނިވަމުން ގޮސް ނިމިފައި ހުންނަ އެއްޗެއް (2) ލިސްޓު (3) ބައި (4) ފަންވަތުގައި ލިޔެފައި ފޮނުވާ ސިޓީ
ފަންޏަށްލުން
މ (1) ދުވަސް ނުފުރާ ވިހާ ކުއްޖާއަށް ނުވަތަ ވިހާއިރު ވަރުދެރަ ކުދިންނަށް ހޭހަން ކުރުމަށް ހަކުރު ފަނީގައި ބޭއްވުން (2) ޣުލާބުޖާނު ފަދަ ފޮނިކާއެއްޗެހި ފަނީގައި ބެހެއްޓުން
ފަންޏާއެރުން
މ މާލޫދު ކިޔާ މީހުންނަށް ފަނި ހިފައިގެން ހަރުގެއަށް އެރުން
ފަންސަޔާހި
ނ (1) ގުނުމުގެ އަށްޑިހަ ފަސް ވަނަ އަދަދު (2) އަށްޑިހަފަހެއް
ގެގަނޑު
ނ ގެއަށް ދެރަކޮށް ބުނާގޮތް
ގެޔަށްވަނުން
މ (1) އަލަށް ގެއެއް އަޅައިގެން އެގެޔަކަށް ދިޔުން (2) ގޭތެރެއަށް އައުން
ގޭމީހުން
ނ (1) ގޭގައިއުޅޭ މީހުން މަޖާޒު: (2) ގެއަށްވަދެ ކައިބޮއި ހަދައިއުޅޭ ގާތްމީހުން (3) އަނބިމީހާ
ގޮހޮރުކޭ
ނ ކަނޑުމަތީ ދޫންޏެއް މިއީ ސިނައަސްދޫނީގެ ސިފަޔަށް އެއަށް ވުރެ ތުންގަނޑު ވަށްކޮށް ހުންނަ ދޫންޏެކެވެ
ސަމާތާރަ
ނ އަށްކަނަށް ހަދައިފައި ހުންނަ އޮނިގަނޑެއްގައި ގިގުނި ލައިފައި އެއްކޮޅުގައި މަޑިހަން އަޅައިފައި ހުންނަ އެއްޗެއް މިއީ ސަމާތެރޭގައި ޒިކުރުވެރިން ކިޔެވެނި ބޭކަލުންގެ އަށީގައި ޖަހާ ތާރައެކެވެ
ސަފުސާންލުން
މ ގޮދަން ފުށާއި ދޮންވެއްޔާއި އެއްކޮށް ފެންޖަހައިގެން މޮޑެ ގުޅަވަށައިގެން ލޯއޮނެއްގެ ތެރެއަށް އެގުޅަލައި އޮނުގެ ކޮޅުގައި އަނގަޖަހައި ބާރަށް ފުމެގެން އެ ފުށްގުޅަ ދުއްވުން. މި ފުށްގުޅަ ދުއްވާނީ ކާޅާއި ބޮނޑާއި ހޯނުފަދަ ތަކެއްޗަށެވެ. މިއީ އިހުގައި ރޯދަމަހުގެ ހަވީރު ތިން ހަތަރުމީހުން ނުވަތަ ފަސްހަމީހުން ކުޅިވަރެއްގެ ގޮތުގައި ކުރާކަމެކެވެ
ސޮއްސުން
މ (1) ކައްސައިލައިގެން ތިރިއަށް އައުން (2) ހަލުއިކަމާއެކު ފަހަތަށް އައުން
ސޮޑާ
ނ ޑޮންޑޮން ކަހަލަ ދިޔާބުއިމެއް މި ހުންނަނީ ފުޅިއަށް އަޅައި ވައި އަޅައިފައި ފަސްއޮށް ކަހަލަ އޮށަކުން ބަންދުކޮށްފައެވެ
ސޯލާޕެނަލް
ނ އިރުގެ އަލިން ބެޓެރީއަށް ބާރުގެނެސްދޭ ގޮތަށް ތައްޔާރުކޮށްފައި ހުންނަ އެއްޗެއް
ޑަކުޓަރު
ނ (1) ބަލިމީހުނަށް ފަރުވާކުރުމަށް ފާސް ނަގައިފައިވާ މީހާ (2) އިލްމީ ރޮނގުން ޕީ.އެޗް.ޑީ. އާ ހަމައަށް ކިޔަވައި ފާސް ނަގައިފައިވާ މީހާ (3) ޝަރަފުވެރި ލަގަބެއްގެ ގޮތުން ޕީ.އެޗް.ޑީ. ލިބިފައިވާ މީހާ
ޑައިނަމޯ
ނ (1) ބައިސްކަލުގައި ހަރުކޮށްފައި ހުންނަ ފުޅިއަނބުރައިގެން ދިއްލާ ބައްތި (2) ކާރުލޮރީފަދަ އެއްޗެހީގައި ކުރިއަށް އަލި ފޮނުވަން ހުންނަ ބައްތި
ޑައިރީ
ނ (1) އެދުވަހެއްގައި ހިނގި ކަންތައްތަކުގެ ހަނދާން ލިޔާފޮތް (2) ކުރިއަށް ކުރަންޖެހޭ ކަންތައްތަކުގެ ހަނދާން ލިޔާފޮތް
ފަރާތް
ނ (1) ކިބަ. މިސާލު : އޭނާގެ ފަރާތުން )އޭނާގެ ކިބައިން( (2) ފުށް. މިސާލު: މަންމަ ފަރާތުގެ ބޮޑުބޭބެ. )މައިފުށުގެ ބޮޑުބޭބެ( (3) ގަނޑުގެ އެފަރާތް ގަނޑުގެ މިފަރާތް. (4) ބިތް. މިސާލު: އަތޮޅުގެ އުތުރު ފަރާތުން ދަތުރުކުރާށެވެ. )އުތުރުބިތުން ދަތުރުކުރާށެވެ.( (5) ފަޅި މިސާލު: ޖަލްސާއަށް ދިޔަމީހުން އިށީނދެ ތިބީ ހޯލުގެ ވާތްފަރާތުގައެވެ )ވާތްފަޅީގައެވެ ( (6) މީހުންނާއި ކުލަބު ޖަމްޢިއްޔާ ފަދަ އެކުވިނަންތައް ގުޅުވައިގެން ބޭނުންކޮށް އުޅޭ ބަހެއް މިސާލު: މިކަމަށް އެދޭ ފަރާތްތަކުން
ފަރުނޫމަސް
ނ ވެހިމަހެއް. މިމަސްވައްތަރުވާނީ ދޮންނޫމަހާއެވެ. އެކަމަކު އެއަށްވުރެ ނޫކުލަ ގަދަވާނެއެވެ