radheef.info
ރަދީފު


ކަމެއް
ނ (1) ދެރަގޮތެއް މިސާލު: އޭނާ މަސްއަލަ ޖެއްސިޔަކަސް ކަލެއަކަށް ކަމެއް ނުވާނެއެވެ (2) ބޭނުމެއް (3) މަސައްކަތެއް (4) މުހުތާދެއް
ތޮރުފިގަތުން
މ ތަނަކަށް ނުވަތަ ކަމެއްގެ ތެރެއަށް ވަދެގަތުމަށް ހުތުރުކޮށް ބުނާގޮތް
ތޮރުފުން
މ (1) އެއްޗެއްގައި ލޯވަޅެއް އެޅުން (2) އެއްޗެއް ފޫދުއްވުން (3) މަޖާޒު: ނުބެހޭ ކަމެއްގެ ތެރެޔަށް ވަނުން
ތޮއްޑުދޮށުންދިއުން
މ މަޖާޒު: ކަމެއް ބޮއްސުންލުން
ތޯތޯ
ނ (1) ޝައްކު (2) ޔަޤީންކަމެއްނެތް
ތޯތޯވާހަކަ
ނ (1) ދެއްކި މީހަކުނޭނގޭ ވާހަކަ (2) ޔަޤީންކަމެއްނެތްވާހަކަ (3) ތާކުންތާކު ނުޖެހޭވާހަކަ
ތޯތޯވުން
މ (1) ޝައްކުވުން (2) ޔަޤީންކަމެއްނެތުން
ލަހުން
ކއ (1) ކަމެއްގެ ވަގުތަށްވުރެ ފަސްވެގެން (2) އަވަހަށް މިބަހުގެ އިދިކޮޅު
ލަނޑުކެނޑުން
މ މަޖާޒު: ކުރަންޖެހޭ ކަމެއް ކުރުމުގައި ކަމަށްކަމޭ ނުހިތައި އެކަމުގައި ވަގުތުތައް ދުއްވައިލުން
ލަންފައިލުން
މ (1) ކަމެއްކުރާނެގޮތް ނޭނގި އެކަމެއްގައި ހޭކުން (2) ކާޅު ހިނގާގޮތަށް ހިނގުން
ލަކުނުލުން
މ (1) ފާރުކޮޅެއް ނުވަތަ ކެނޑިފައި ހުރިތަނެއް ފަސޭހަވާއިރު އެތަން ފާހަގަ ވެފައި ހުރުން (2) އެއްޗަކުން ޖެހޭތަން އެނގެން ހުރުން (3) މަޖާޒު: ނުފިލާގޮތަށް ހިތުގައި ކަމެއްގެ އަސަރު ބިންވަޅު ނެގުން
ލަކުޑިސަކަރާތް
ނ (1) ސިފަޔަކުންކުރެ ސިފަޔަކަށް ނުވާގޮތަށް ކަސްކޮށް ހަދައިފައި ހުންނައެތި (2) ފާޑުވެރިކަމެއްނެތި ހަދައިފައި ހުންނައެތި
ލައިގަތުން
މ (1) ކަމެއް ދިމާވުން (2) ނޭނގިގޮސް އެއްޗެއްގައި ޖެހުން (3) ވަލެއްފަދަ އެއްޗެއްގެ ކޮޅު އެއްޗަކަށް ނުވަތަ ތަނަކަށް އޮޅައިލައި ހިފެހެއްޓުން (4) އަހަރާއި މަހާއި ނަކަތްފެށުން
ލައިސަން
ނ ކަމެއް ކުރުމުގެ ނުވަތަ އެއްޗެއް ގެންގުޅުމުގެ ހުއްދަ
ލައްވައިލުން
މ (1) އެއްޗެއް އެއްލައި ޖަހަން ޤަސްދުކުރި ތަނުގައި ޖެހުން (2) މަޖާޒު: މީހަކަށް ބޮނޑިއެއް ދިނުމަށް ރޭވި ރޭވުމެއްގައި އެމީހަކު ބެދުން (3) ކަމެއްގެ ވަގުތު ފާއިތު ނުވަނީސް އެކަމެއްގައި ބައިވެރިވެވޭގޮތް ވުން (4) ކަމެއްގައި ހިމެނޭގޮތް ނުވަތަ ބައިވެރި ވެވޭގޮތްވުން (5) ދިމާވުން
ގބ )މުސްކުޅިބަހެއް( ތިމާގެ އެދުމެއް ފުރިހަމަ ކުރުމަށްޓަކައި ބުނަންވާ ފަރާތުގައި ނުބުނެ އެކަމެއް ނުވާނޭކަން އެންގުމުގެ ގޮތުން ބުނެއުޅޭ ބަހެއް ލަދަކާހުރެ ތަދެއް ނުފިލާނެއެވެ
ލަދު
ނ (1) އަބުރު ގެއްލޭފަދަ ކަމެއް ކުރުމަށް ޖެހިލުންވާ ޖެހިލުންވުން. (2) ތިމާގެ ކުށް ނުވަތަ ނުފުދޭކަން އިޙްސާސްވާހިނދު މަލާމާތް ލިބިދާނެތީ ޖެހިލުންވެގެން ކަމެއްކުރަން ނުކެރޭ ނުކެރުން. (3) އެހެން މީހުންނަށް ފާޅުކުރަން ނުކެރޭ ވަކިސިފައެއް ވަކި ކަމެއް އެހެން މީހުންނަށް ފެނިދާނެތީ ޖެހިލުންވާ ޖެހިލުންވުން
ލަދުހަޔާތްނެތުން
މ އެއްވެސް ކަމެއްގައި ލަދު ނުގަތުން
ލަދުންމަރުވުން
މ މަޖާޒު: މާބޮޑަށް ލަދުގަންނަ ކަހަލަ ކަމެއް ދިމާވުމުން ބުނެއުޅޭ ބަހެއް
ލަދުކެނޑުން
މ ކަމެއްގެ މައްޗަށް ހުންނަ ލަދުވެތިކަން ނެތުން
ލަދުވެތި
ނއ (1) އަބުރު ގެއްލޭފަދަ ކަމެއް ކުރުމަށް ޖެހިލުންވާ (2) ތިމާގެ ކުށް ނުވަތަ ނުފުދޭކަން އިޙުސާސް ވާހިނދު މަލާމާތް ލިބިދާނެތީ ޖެހިލުންވާ (3) އެހެން މީހުންނަށް ފާޅުކުރަން ނުކެރޭ ވަކި ސިފައެއް ވަކިކަމެއް އެހެން މީހުންނަށް ފެނިދާނެތީ ޖެހިލުންވާ