radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ލާދަންތެޔޮ
ނ ލާދަން އަޅައިގެން ކައްކާ ތެލެއް
ލާތެޅުން
މ ލާޖެހުމަށްޓަކައި ލާ ހޫނުކޮށް މަޑުކޮށްގެން ހިމުންކޮށްފައި ހުންނަ ކުލައަޅައިގެން ތަޅައި ކުލަ އެއްވަރުކުރުން
ލާޖެހުން
މ (1) މަލާއި ލަކުޑިން ހަދައިފައި ހުންނަ ފަތާއި. ނާޅިއާއި ލާއްސާއި ފުރޯދަނޑި ފަދަ އެއްޗެހީގައި ލާހިންގުން ނުވަތަ ލާ ދުއްވުން. (2) އޮޑިދޯނި ފަހަރު ފަޅުގައި އަޅައިފައި ހުއްޓައި ދިޔަވަރު ހިކެމުން އަންނައިރު ރާޅާ އުފުލަ އުފުލައިފައި ވެލިގަނޑުގައި ފަށަން ޖެހުން
ލިޔުން
މ (1) ތަނެއްގައި ނުވަތަ އެއްޗެއްގައި އަކުރު އެޅުން. (2) ލިޔެފައިވާ އެއްޗެއް. (3) މަޒުމޫނެއް ނުވަތަ ޅެމެއް ނުވަތަ ފޮތެއް އެކުލަވައިލުން (4) ދިގު ހަރުގައި ނުވަތަ އަރިޔަން ހަރުގައި އަޅައިގެން ލިޔާ ކަށިން ލަކުޑި ކޮށައި މަށައި އެކިވައްތަރަށް ސިފަ ގެނައުން (5) ހިކިމަހާއި ކަށިކެޔޮ ފަދަ ތަކެތި ތުނިކޮށް ކޮށުން (6) ލޭތުކުރުން
ލިޔެލާޖެހުން
ނ ލަކުޑިގަނޑެއް ދިގު ހަރުގައި އަޅައިގެން ލިޔާ ކަށްޓަކުން ކޮށައި އެއަށް ގަސްތުކޮށްފައިވާ ސިފަޔެއް ގެނެސް އޭގައި ލާހިއްޕުން
ލޫޓުމާރުކުރުން
މ ތަންތަން ތަޅައި ސުންނާފަތިކޮށް މުދާ ފޭރުން
ލެއް
ނ ކުޅިވަރެއްގެ ނަން މިއީ ބިންމަތީގައި ދިގަށާއި ހުރަހަށް ރޮނގުތަކެއް އަޅައިގެން ކުޅޭ ކުޅިވަރެކެވެ މި ކުޅިވަރު ކުޅޭނީ ޢީދުތެރޭގައެވެ
ލެއްޕުން
މ (1) ފޭވެފައި ހުރި ދެއެއްޗެއް ކައިރިކޮށްޖެއްސުން (2) މަޅައިލުން (3) ބަންދުކުރުން (4) ހުޅުވުމުގެ އިދިކޮޅު
ލޭނު
ނ (1) ކަނޑުގައި ދެކޮޅަށް ދެބޮއިލައިފައި މަސްހިފުމަށް އަޅައިފައި އޮންނަ ނަނުބައި. މީގައި ހުންނާނީ ތަންތަންކޮޅުން ފުރާވަރު އެލުވައި އޭގައި މިޔަވާލި ހަރުކޮށް ބުޅިލައިފައެވެ. (2) ކަރަންޓުލުމަށް ނުވަތަ ޓެލެފޯން ލުމަށް ދަމައިފައި އޮންނަ ނަރުބައި
ލޭނުއެޅުން
މ މަސްބޭނުމަށްޓަކައި ލޭނުގެ ކޮޅުތަކުގައި އެންމަސް އަޅައިފައި އަޑިޔަށް ފައްތައިފައި ބެހެއްޓުން
ލޮނަށްލުން
މ އެކިއެކި ފަރުވާއަށްޓަކައި މޫދުލޮނު ގެނެސް އެއްޗަކަށް އަޅައި ބަލިވެއުޅޭ ކުއްޖާ ނުވަތަ މީހާ އޭގައި ބޭންދުން
ލޮނިމައިދަނޑި
ނ (1) ލެއް ކުޅޭއިރު ބައި ވަކި ކުރަން ދަމައިފައި އޮންނަ ރޮނގު (2) ލެއް ކުޅޭއިރު ފަހަތަށް ފޭބުމަށްޓަކައި ހުރަހަށް އަޅައިފައި އޮންނަ ރޮނގަށް ކިޔާނަން
ލޮނުއެޅުން
މ (1) މަސް ލޮނުއެޅުން (2) ތަރުކާރީއެއްފަދަ އެއްޗެއް ލޮނު އަޅައިގެން ނުބައި ނުވާނެގޮތް ހެދުން (3) ސީރާކުރުން
ލޮނުމަސް
ނ ފުރެއްދެ ލޮނު އަޅައި ސީރާކޮށް އަވީން ހިއްކައި ނުބައި ނުވާނެގޮތް ހަދައިފައި ހުންނަމަސް
ލޮނުމަސްއެޅުން
މ ރޯކޮށްހުންނަމަސް ފުރެއްދެލޮނު އަޅައި ސީރާކުރަން އެއްޗެއްގައި ބެހެއްޓުން
ލޮނުމެދު ފަޓާސް
ނ އެތެރެއަށް ބަޑިބޭސް އަޅައިގެން ލޮނުމެދު ބޮނޑިއެއްހެން ހުންނަ ގޮތަށް ބޭރުން ކަރުދާސް އޮޅައިފައި ހުންނަ އެއްޗެއް މިއީ އިހުގައި މާލޭގައި ހަދައި އުޅުނު އެއްޗެކެވެ މިގޮއްވަނީ ތަންތާނގައި ބާރަށް ޖަހައިގެންނެވެ
ލޮނުމެދުތެޔޮ
ނ ކާށިތެލަށް ލޮނުމެދާއި ކަޅުދިރި އަޅައިގެން ލޮނުމެދު ރަތް ވަންދެން ކައްކައި ތައްޔާރުކުރާ ތެލެއް
ލޮނުފެން
ނ (1) ލޮނުގެ ރަހަދޭ ފެން (2) ހޮޑުލައި ބޭރަށް ހިންގާ މީހުންނަށް ފަރުވާއެއްގެ ގޮތުގައި ދޭފެނެއް މިފެނަކީ މިލަފޮނި ރަހަލާވަރަށް ހަކުރު ކޮޅަކާއި އެހާ ލޮނުކޮޅެއް އަޅައިގެން ސާފުފެނުގައި ތައްޔާރުކުރާ އެއްޗެކެވެ (3) )ނ( މަސްނުލިބުމުން ލޮނާއި ފެނާއި މިރުހާއި ފިޔަޔާ އެއްކޮށްގެން ތައްޔާރުކުރާ ލައިގެން ކާއެއްޗެއް
ލޮނުލުނބޯ
ނ ލޮނާއި ކަޅުދިރިއާ އަޅައިގެން ސީރާ ކޮށްފައި ހުންނަ ލުނބޯ
ލޮނުގަދަކުރުން
މ ކާއެއްޗަކަށް ނުވަތަ ބޯ އެއްޗަކަށް ގިނައިން ލޮނު އަޅައިގެން އޭގައި ހުންނަންވާ ވަރަށްވުރެ ލޮނުގެ ރަހަ އިތުރުކުރުން